Од недела прекин на огнот меѓу Израел и Хамас, во Газа продолжија израелските напади - Канал 5

Свет

Од недела прекин на огнот меѓу Израел и Хамас, во Газа продолжија израелските напади

Година и три месеци од почетокот на војната, Израел и Хамас со меѓународно посредство договорија прекин на огнот и ослободување на заложниците од рацете на палестинските екстремисти.

Од недела прекин на огнот меѓу Израел и Хамас, во Газа продолжија израелските напади

Веста за прекинот на огнот илјадници Палестинци ја дочекаа со прослави до доцна во ноќта.

-Ја чекавме оваа среќа година и пол. Никој не може да го знае чувството кое го имаме сега. Не може да се опише тоа чувство.

-Сакаме да спиеме мирно, да се одмориме во мир. Не можевме да јадеме, пиеме и спиеме мирно година и три месеци.

И додека во Газа се прославуваше, израелците со воздржаност ја дочекаа информацијата. Роднините на заложниците со измешани чувства ја поздравија можноста за ослободување нивните блиски.

-Станува збор само за дел од нив, не за сите (заложници) и за нас тоа е само почеток, ги сакаме сите тука.

-Ќе бидам среќна и ќе верувам само кога ќе видам како заложниците ја преминуваат границата. -– Граѓани на Израел.

Договорот кој има три фази, би требало да стапи во сила на 19 јануари, в недела, ден пред инаугурацијата на Трамп, а со него се превидува постепено ослободување на заложниците и повлекување на израелската војска од Газа, а бил постигнат со помош на претставници и на актуелниот, Бајден, и на идниот американски претседател.

-Тие кои ги следеја преговорите можат да посведочат дека патот кон овој договор не беше лесен. Работам во надворешната политика со децении, ова беа едни од најтешките преговори кои сум ги доживеал. Дојдовме до оваа точка поради притисокот кој Израел го направи врз Хамас, поддржан од САД. / Кој треба да ја преземе заслугата за ова Претседателе, вие или Трамп? / Дали е тоа шега? - Џо Бајден – Претседател на САД.

Договорот сепак, официјално треба да биде потврден и од владата во Израел, но неизвесно е кога тоа ќе се случи, со оглед дека Нетанјаху вели дека се уште се работи на деталите.Претседателот Херцог пак веднаш јавно ги повика членовите на владата да гласаат за договорот.

-Ги повикувам сите членови на кабинетот и на владата на Израел да го прифатат и одобрат договорот кој што ќе им биде презентиран и да ги вратат нашите синови и ќерки дома,- Исак Херцог – Претседател на Израел .

Првата фаза од договорот предвидува прекин на огнот кој треба да трае шест недели и ослободување на 33 заложници во замена за стотици палестински затвореници од Израел. Дополнително, израелските сили би се повлекле од населените делови на Газа. Втората фаза, предвидува ослободување на преостанатите заложници и целосно напуштање на израелската војска од Појасот и воспоставување на одржлив мир. Третата фаза пак, се однесува на реконструкција на Газа од воените дејствија. И додека се уште се работи на деталите од договорот, Израел ги засили нападите врз Газа. Палестинските власти пријавија седумдесетина загинати по последните напади врз Појасот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

Вчеравечер беше одбележана 130 годишнината од постоењето на црквата Свети Великомаченик Димитриј во Скопје. 

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

„Вечерва одбележуваме 130 години од изградбата на некогашниот Соборен храм.

Дом на верата во кој скопјани наоѓале утеха во тешките мигови, благодареле за радоста и се молеле за здравјето и мирот на своите најблиски.

Свето место што ја чува православната традиција и сведочи за духовната истрајност на нашиот народ.

Признанието кое вечерва го примив, како благодарност за помошта во реконструкцијата на придружните објекти на храмот, има посебно место во моето срце.

Ќе стои на почесно место на мојата полица, како едно од најдрагите признанија и како потсетник на обврската да го чуваме она што ни го оставиле нашите предци.

За мене, да се помогне е чест, но и одговорност пред генерациите што допрва ќе го пречекорат прагот на овој храм.

Им благодарам од срце на Архиепископот Охридски и Македонски г.г. Стефан, на отец Жарко и на свештенството на Македонската православна црква, за укажаната чест и за нивната посветеност во зачувувањето на верата, духовноста и заедништвото меѓу нашиот народ.

Нека уште многу векови овој храм биде полн со верници, со детски гласови и со искрени молитви.

Нека неговите камбани повикуваат на мир, љубов и добрина, а секој што ќе влезе во него нека пронајде утеха, надеж и сила.

Нека ни е вековит храмот „Свети великомаченик Димитриј“!

За многу години!“, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„На кавга со Иван“ - Слаѓана Тасева

Утре, во оригиналното шоу „На кавга со Иван“ ќе гостува Слаѓана Тасева

„На кавга со Иван“ - Слаѓана Тасева

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ги поддржуваме војниците – ќе поднесеме законско решение за нивните барања

СДСМ целосно ги поддржува барањата на професионалните војници за еднакви права и достоинствени услови за работа и пензионирање. 

СДСМ: Ги поддржуваме војниците – ќе поднесеме законско решение за нивните барања

Дискриминацијата со која што денес се соочуваат припадниците на Армијата е недозволива.

Неправедно е поранешните припадници на Армијата кои заминале во пензија пред 14 февруари 2024 година да имаат значително помали отпремнини од оние кои се пензионирале по овој датум.

По кој основ луѓето кои со години и служеле на државата и ја извршувале истата должност да бидат различно вреднувани? Сите војници заслужуваат еднакви права и правичен третман од државата.

Луѓето кои ја чуваат безбедноста на државата заслужуваат сигурност и достоинствени плати.

Го поддржуваме барањето на професионалните војници за трансформирање на работниот однос на неопределено време после петта година како што предвидува Законот за работни односи и за зголемување на платите.

Откако е Мицкоски на власт, две години нема зголемување на платите во Армијата.

Во мандатот на владата на СДСМ значително се подобрија условите за сите припадници на Армијата, како и за вработените во одбраната.

Платите на воениот персонал - офицерите, подофицерите и професионалните војници, но и на цивилните лица на служба во Армијата, етапно беа зголемени за 15 проценти.

СДСМ го обезбеди членството во НАТО во 2020 година. Треба условите да се подобруваат постојано а не да се влошуваат.

Со ВМРО парите завршуваат во криминални тендери. Владата на Мицкоски нема пари за поголеми плати во Армијата – нема за работниците, нема за земјоделците, едноставно нема пари за граѓаните. Државната каса ја киднапираа за свои бизнис интереси.

СДСМ ќе поднесе законско решение во Собранието согласно барањата на професионалните војници - за обезбедување сигурност и достоинство на сите војници.

Армијата е чувар на безбедноста на државата, како членка на НАТО мора да имаме силна одбрана, задоволни и мотивирани војници, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер