Од денеска град во Алјаска нема да го види сонцето наредните два месеца (ВИДЕО)

Град на Алјаска се збогува со сончевата светлина во следните два месеци.

Сонцето зајде во Утјагвик, порано познато како Бароу, за последен пат во четвртокот, и повторно ќе изгрее за околу 60 дена.

Градот кој се наоѓа северно од Арктичкиот круг влезе во својата годишна фаза на темнина, позната како поларна ноќ, пишува Си-Ен-Ен.

„Поларната ноќ е нормална појава што се случува секоја зима во Бароу (Утјагвик) и сите други градови во Арктичкиот круг“, рече метеорологот на Си-Ен-Ен, Алисон Чинчар.

Феноменот се јавува секоја зима поради наклонот на Земјината оска. „Заради тоа навалување, ниту еден сончев диск не е видлив над хоризонтот“, вели Чинчар.

Но, тоа не значи дека ќе има целосна темнина во градот. „Поголемиот дел од дневните часови ќе поминат низ период познат како граѓански самрак“, додава тој.

„Замислете како изгледа небото непосредно пред изгрејсонцето или веднаш по зајдисонцето“, вели тој. „Тоа е она што тие го гледаат неколку часа на ден, од сега до 22 јануари, кога сонцето повторно официјално ќе изгрее “.

Градот не е единствениот на Алјаска што го поминува овој феномен, но тој е прв на листата на поларни ноќни локации поради тоа што е далеку на север.

Патем, во текот на летото постои спротивна појава, позната како поларен ден, поради што „денот трае“ 24 часа.

Португалските угостители штрајкуваат со глад против мерките

Сопствениците на девет ресторани, барови и ноќни клубови штрајкуваат со глад петти ден по ред пред португалскиот парламент во знак на протест против ограничувањата поради епидемијата на коронавирус.

„Потребна ни е поддршка за да преживееме“, рече Алберто Кабрал, менаџер на ноќен клуб..

Демонстрантите, кои кампуваат пред зградата на парламентот и живеат со вода, чај и кафе што им ги носат нивните приврзаници, велат дека нема да јадат додека не бидат примени од премиерот и министерот за економија.

Баровите и ноќните клубови се затворени од март, додека рестораните повторно се отвориле во мај, но затворањето на полицискиот час и викендот, што важи од 8 ноември, ги налути сопствениците кои предупредуваат дека нивниот бизнис нема да преживее оваа година.

На Интернет е покрената петиција со која се бара на сопствениците да им биде дозволено да работат, а досега се собрани скоро 45.000 потписи, а тој број се зголемува за неколку илјади на секој час.

Како компензација за затворањето на рестораните за време на викендот, владата им понудила на сопствениците на ресторани износ од 20 проценти од нивните приходи во периодот од јануари до октомври оваа година.

Екс премиерот Владо Бучковски е именуван за специјален претставник за Бугарија

Поранешниот премиер Владо Бучковски доби задача од Владата да биде специјален претставник во македонско бугарските разговори за надминување на отворените прашања.

Одлуката е донесена на денешната владина седница. Пред Владата е Јана Јосифовска.

Поради пандемијата , автомобилите ги испорачуваат во балони (ФОТО)

Новото нормално подразбира нов начин на доставување автомобили до клиентите.

Барем во Азија каде еден производител одлучи да се пофали со новата практика на испорака на нови автомобили. За да се сведе на минимум можноста за пренесување на инфекцијата, индискиот производител Тата моторс одлучи да воведе испорака на своите автомобили во безбедносни балони.

Ставањето на возилото во пластичен балон ја сведува можноста за ширење на вирусот за време на транспортот на минимум, така што клиентот го зема автомобилот во скоро стерилни услови. Одличен маркетинг потег моментално работи само со избрани дистрибутери и се претпоставува дека ќе стане редовна пракса во блиска иднина, барем кога станува збор за Тата моторс.

Имено, Тата го искористил времето на пандемија да ја обнови својата гама и да лансира нови модели, па на крајот забележале зголемување на продажбата. Со цел испораката да биде што е можно побезбедна за клиентот, тие вовеле комплетна програма за дезинфекција на возилата во синџирот на снабдување, а од декември и транспорт на возила во такви безбедносни „меури“.

притисни ентер