Од авионот на бендот „Ајрон Меден“ се направени приврзоци за клучеви- бројот е ограничен - Канал 5

Шоу биз

Од авионот на бендот „Ајрон Меден“ се направени приврзоци за клучеви- бројот е ограничен

Фановите на хеви метал бендот Iron Maiden можат да купат привезок направен од фрагмент од вистинскиот авион со кој патувале членовите на бендот за време на нивната турнеја во 2016 година.

Од авионот на бендот „Ајрон Меден“ се направени приврзоци за клучеви- бројот е ограничен

Сувенирот е произведен во ограничен број примероци и чини 66,66 евра по парче.

Германската компанија Aviationtag, која е специјализирана за изработка на привезоци од отпадни авиони, создаде специјални приврзоци за клучеви од компоненти на трупот на Боинг 747-400, кои бендот ги користеше за време на турнејата „Book of Souls“.

Приврзоците се направени со помош на синиот вертикален стабилизатор на бел Боинг украсен со слика на маскотата на групата, черепот на Еди.

„За да ги создадеме обоените верзии на приврзоците, користевме син вертикален стабилизаторски материјал, на кој беа нанесени до девет слоеви боја“, објаснува Тобиас Рихтер од Aviationtag.

Тој изјави дека во авионот биле пронајдени и фрагменти обоени со злато, а златните привезоци „Ed Force One“ ќе бидат пуштени во продажба подоцна.

Приврзоците може да се купат на веб-страницата на компанијата што ги подготвила. Нивните димензии се 35 на 88 милиметри, а цената е 66,66 евра, што е референца за хитот на Iron Maiden „The Number of the Beast“.

Бројот на приврзоци е ограничен, што ја зголемува нивната колекционерска вредност.

„На нашите обожаватели и колекционери им нудиме предмети од различни авиони наместо да се фокусираме на целосна експлоатација на еден авион. Претпочитаме помали, ексклузивни изданија, што на нашите производи им дава уникатно чувство“, вели Рихтер, кој ги нуди своите производи од 2006 година.

За време на процесот на демонтирање на „Ed Force 1“, Aviationtag, компанија со седиште во Келн, Германија, исто така, ја претвориле кожата на авионот во нумериран сет од 12.000 авијациски „тагови за багаж“.

Aviationtag произведе слични сувенири за цивилни, воени и комерцијални авиони како што се El Al 747 и првиот Airbus A380 на Emirates.

Боингот 747, кој беше наречен „Ед Форс 1“ по маскотата на бендот, го имаше својот прв лет во 2003 година, а последниот во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и потопло, со дневна температура до 32 степени

Времето денес ќе биде сончево со мала до умерена локална облачност. Ќе дува слаб до умерен ветер од југоисточен правец, информираат од УХМР.

Сончево и потопло, со дневна температура до 32 степени

Минималната температура ќе биде во интервал од 8 до 16, а максималната ќе достигне од 26 до 32 степена.

Во Скопје, сончево со мала облачност. Ќе дува слаб ветер од југоисточен правец. Минималната температура ќе се спушти до 13, а максималната ќе достигне до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“, поранешниот директор Бајрами на обвинителна клупа

Во Основниот кривичен суд Скопје денеска треба да продолжи судењето за „Државна лотарија“ откако на истражните органи во земјава минатата недела им се предаде првообвинетиот Перпарим Бајрами, поранешен директор на Државна лотарија.

Продолжува судењето за „Државна Лотарија“, поранешниот директор Бајрами на обвинителна клупа

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Покрај Бајрами, во случајот се обвинети и поранешниот вицепремиер, Артан Груби, Методија Димевски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу.

Обвинението, кое го застапуваат јавните обвинители Даниел Коцев и Александар Давчевски, се однесува на дејства преземени во текот на 2023 и 2024 година, со кои обвинетите ги пречекориле службените овластувања и предизвикале штета на „Државната лотарија“ во износ од 596.125.511 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер