Објавени конкурсите за финансирање проекти во културата од национален интерес за 2015 година

Министерството за култура на својата веб-страница и во дневниот печат ги објави конкурсите за финансирање проекти во културата од национален интерес за 2015 година. Првпат оваа година, а ќе важи и за наредните години, конкурсите за поединечните дејности од културата се објавени на 1 септември, наместо во јуни како досега, а нов е и начинот на аплицирање.

Поради новините во аплицирањето и за да има време внимателно да се разгледаат и соодветно да се пополнат, конкурсите за 2015 ќе траат 45 дена - до средината на октомври, а од идната година повторно ќе траат 30 дена.

Секој што е заинтересиран проектот да му биде финансиски поддржан од Министерството за култура од денеска може да ги подигне апликациите, електронски да ги пополни и да ги приложи во архивата на Министерството заедно со потребната документација наведена во конкурсите.

Министерката за култура Елизабета Канческа-Милевска на прес-конференција соопшти дека во апликациите за секоја дејност на културата се содржани општи и посебни приоритети, услови и вредносни критериуми според кои ќе се евалуираат проектите. Целта е, нагласи таа, максимална транспарентност во изборот на проектите што ќе ги поддржи Министерството за култура и да бидат избрани тие што се во интерес на културата.

- Како и досега, и во иднина овие конкурси ќе бидат отворени за секој кој аплицира со проект од национален интерес во областа на културата и се однесуваат на локалните установи, граѓански здруженија, невладини организации и други правни и физички лица. Согласно новите измени на Законот за култура, националните институции од областа на културата веќе во јуни оваа година доставија нацрт-програми за работа на своите установи, во кои се содржани и проекти за наредната година, а кои ќе бидат евалуирани согласно истите приоритети и критериуми како и за останатите корисници кои конкурираат сега, на конкурсот во септември. На овој начин настојуваме да обезбедиме рамноправен пристап и третман на сите субјекти во културата, а воедно да ја испитаме и функционалноста и ефектите од работењето на националните установи од областа на културата, рече Канческа-Милевска.

Има посебна апликација и критериуми за секоја дејност од културата и за сите ќе одлучуваат посебни стручни комисии. За секоја апликација ќе има и лице за контакт за помош и советување при пополнувањето на апликациите.

Програмата со резултатите од конкурсот ќе биде објавена по прифаќање на буџетот за наредната година од Собранието на РМ. Со посебни решенија Министерството ќе ги известува сите корисници за резултатите од конкурсите, а за одбиените проекти ќе бидат јасно посочени причините. Неприфатените ќе може да поднесат жалба до второстепена државна комисија.

Согласно со измените на Законот за култура, Министерството за култура е обврзано да направи јавна презентација на проектите кои ќе се реализираат во 2015 година за, како што рече Канческа-Милевска, јавноста да може да ја согледа оправданоста на доделените средства.

Покрај овие конкурси, во текот на годината ќе си течат посебните конкурси: за учество на Биеналето во Венеција, за проекти од креативната индустрија и за стимулативните мерки воведени во сите дејности.

Канческа-Милевска информираше и дека со измените на Законот за култура се овозможува во иднина да се склучуваат менаџерски договори со директорите и институциите.

- Во менаџерскиот договор ќе се утврдат надлежностите на директорот, показатели за неговата и успешноста на институцијата, награди за успешноста и казни за непочитување на менаџерскиот договор, рече Канческа-Милевска. /МИА.

На Косово уапсени 10 полицајци,рации во илегалните коцкарници

Најмалку 10 полицајци се уапсени во голема акција против нелегалните казина, пренесува Би-Би-Си.

Стотици полицајци учествувале во рација во селото Карачево на границата со Србија. Полицијата соопшти дека станува збор за најголемата акција од ваков вид на Косово, спроведена по едногодишна истрага.

Косово минатата година забрани коцкање во борба против криминалот, според Би-Би-Си.

Јетиш Малоку, главен обвинител во покраината Гњилане, им изјави на новинарите дека полицијата уапсила најмалку 35 лица осомничени за нелегално коцкање, проституција, трговија со луѓе и поседување дрога и оружје.

Најмалку 10 лица се уапсени од редовите на граничните полицајци, кои наводно помагале во незаконските активности што се одвивале преку границата меѓу Косово и Србија.

Во акцијата биле демолирани 12 нелегални казина, а полицијата запленила голем број машини за коцкање, соопшти полицијата.

Во март минатата година, косовската влада ги забрани сите облици на коцкање во период од 10 години, поради поврзаноста со организираниот криминал.

Законот е донесен откако за само неколку дена беа убиени двајца вработени во казино на различни локации, а за едно од овие убиства беше уапсен полицаец.

Тогашниот косовски премиер Рамуш Харадинај рече дека забраната за коцкање е донесена со цел „зајакнување на јавната безбедност“.

Пред забраната за коцкање, полицијата затвори скоро 500 казина на Косово. Обложувалниците, особено за спортски настани, станаа многу популарни во Косово во последните неколку години.

Џенифер и Бред,предмет на анализа, утврдено е какви им се односите(ВИДЕО)

Поранешните сопружници Бред Пит и Џенифер Анистон се најдоа во центарот на вниманието по учеството во заеднички проект по 15 години.

Имено, Бред и Џенифер онлајн го читаа романот Fast Times at Ridgemont High, а сите беа воодушевени од ситуацијата во која Џенифер му кажува на Бред дека е симпатичен и секси. Се разбира, тоа беше напишано во сценариото, но беше доволно да предизвика лавина реакции.

Експертот за говор на тело Џуди Џејмс го коментираше однесувањето на поранешната двојка за време на оваа „незгодна“ сцена.

"Додека другите актери вклучени во овој проект се смееја и беа малку засрамени, Бред се однесуваше со израз на лицето како непослушно дете. Џенифер, од друга страна, остави впечаток на чувство на збунетост додека флертуваше со нејзиниот поранешен сопруг", рече Џејмс за порталот Метро.

"Отпрвин изгледаше како обичен флерт. Џен зеде прамен од сопствената коса и си играше со него како заљубена ученичка додека лесно се лулаше на столот. После тоа ја крена раката високо и се исправи покажувајќи доза на доверба и моќ. Потоа повторно ги грицкаше ноктите, покажувајќи дека таа сè уште се чувствува малку несигурна. Џенифер испраќаше доста збунувачки сигнали “, додаде Џуди.

"Како што се приближуваше секси сцената, Бред се појавува со комична капа од пират на главата, веројатно за да ја прекине напнатоста. Тој се однесуваше како мало дете, што само по себе испраќа порака за неодговорност кон Џенифер", рече таа.

"Шапката сепак исчезнува кога ќе започне сцената, а наместо тоа, Бред ја спушта брадата и со молбен израз на лицето и збрчкано чело изгледа како да моли за помош. Додека Бред се мрда во место, усните на Џен се тенки, а очите и се стеснуваат. "Формалниот пристап го прави Бред уште посрамен. Кога ќе се спомене бакнеж, тој ги лиже усните како навистина тоа да се случува, додека Џенифер ги стиснува усните и ги покрива целосно со раката, што значи дека воопшто не е расположена за акција", објасни експертот.

„Но, веројатно, Џулија Робертс имаше најдобар говор на телото, која смета дека целата работа е смешна и се смее со нејзината препознатлива широка насмевка“, додаде таа.

„Иако на моменти и Џенифер и Бред беа засрамени од сцената што требаше да ја прочитаат, поранешните сопружници очигледно се во одлична врска, што се гледа кога ќе се поздрават на почетокот“, заклучи Џуди.

Албанската полиција уапси косовска пејачка поради шверц на оружје

Албанската полиција ја уапси пејачката Фиола Морина на граничниот премин Морина, под сомнение дека сакала да прошверцува огнено оружје преку границата.

Според агенцијата Миа Ора, пиштолот е пронајден во чантата на пејачката, а по претресот на нејзиното возило, полицијата пронашла и пиштол кој изгледал како запалка.

„При контролата, во торбата на Ф.М. (34), која била пријавена во Приштина, Косово, граничната полиција открила и како доказ запленила огнено оружје од типот„Зораки “ со 23 куршуми. Пиштол кој изгледаше како запалка е пронајден во багажникот на возилото “, соопшти албанската гранична полиција.

Притворени се и придружниците на пејачката, Ф. М. (29), исто така од Косово и Ф., С. (29) од Белгија.

притисни ентер