Шоу биз

Објавен е тестаментот на Бора Ѓорѓевиќ, го напишал кога му се влошило здравјето

Легендата на рок музиката, Борисав Бора Ѓорѓевиќ, почина на 72-годишна возраст, во болница во Љубљана, каде ги помина последните денови.

Со него до последен момент беше неговата сопруга Дубравка, неговата најголема љубов, објави Телеграф.

Бора Чорба беше испратен на вечното почивалиште во саботата на 7 септември кога од него се простија најблиските членови на семејството, колегите, пријателите и бројните фанови.

Според порталот „Република“, рокерот наводно го напишал тестаментот кога забележал дека здравјето сериозно му се влошило, а за тоа наводно разговарал со сопругата пред да оди во болница.

- Бора го напиша тестаментот кога при редовните контроли дозна дека здравјето му е сериозно нарушено. Веќе однапред знаел кому што остава, а секако најмногу се споменуваат неговата сегашна сопруга и децата. Бора ќе им остави сѐ што има, иако тие долго време го живеат животот и долго време се обезбедуваат за себе. На сопругата ѝ рекол: „Од мене имаат сѐ, а знаете што понатаму доколку се појават некои неочекувани ситуации“, рекол така, но ништо повеќе од тоа – наводно рекол за Република извор.

Да потсетиме, легендарниот рокер го доби првиот мурал, кој се појави во Јагодина. Неговата слика го краси ѕидот на една станбена зграда, а зад неа стои младиот уметник Сава Маравиќ, кој ја обожавал неговата музика.

-Пораки за благодарност пристигнуваат од цела Србија, но и од регионот, луѓето се воодушевени од работата, тоа најмногу го почувствував во овие 3 дена додека работев на муралот. Луѓето доаѓаат да се сликаат, добив само пофални зборови. Зошто го велам ова, бидејќи секогаш кога цртам мурал некој се појавува со критики, а сега такво нешто немаше - ни рече младиот уметник и додаде:

- Бора е многу голем уметник и нема кој не го сака. Неговото заминување е голема загуба за музиката воопшто... Тешко дека ќе се роди некој како Бора Чорба! Многу емотивно го сфатив заминувањето на рок легендата, песните на Бора ме следеа од почетокот на мојот живот до денес, ја чувствувам секоја негова песна и многу ми се допаѓа да го слушам - ни изјави Сава.

За да го создаде муралот му биле потребни три дена, а идејата ја добил од татко му, кој е голем обожавател на делото на Бора и го слушал на концертите низ Југославија.

Фудбал

Промес екстрадиран во Холандија

Поранешниот холандски репрезентативец Квинси Промес е екстрадиран од Обединетите Арапски Емирати во Холандија, каде што ќе отслужи затворска казна за трговија со дрога и физички напад, соопшти денеска холандското Обвинителство.

Холандски суд минатата година го осуди во отсуство поранешниот фудбалер на Ајакс и Спартак Москва на шест години затвор за директна вмешаност во транспорт на две пратки кокаин од Бразил преку пристаништето Антверпен во Белгија до Холандија во 2020 година.

Промес во 2023 година, исто така во отсуство, беше осуден и на 18 месеци затвор за напад во врска со тепачка во 2020 година во која избоде роднина во коленото.

Промес ги негираше сите обвиненија и поднесе жалба за двата случаи.

Триесетитригодишниот Промес, кој има 50 настапи за Холандија, беше уапсен во Дубаи во март лани на барање на холандското Јавно обвинителство додека беше во тренинг кампот на Спартак Москва.

Тагови: Промес

Свет

Земјотрес со јачина од 5,1 степени го погоди северен Иран

Земјотрес со интензитет од 5,2 степена го погоди северен Иран.

Земјотресот е регистриран на длабочина од 10 километри, на околу 37 километри југозападно од градот Семнан.

Тагови: земјотрес Иран

Свет

Во израелските напади врз Појасот Газа загинаа над 40 луѓе

Во денешните израелски напади врз Појасот Газа загинаа најмалку 43 луѓе, од кои 26 се убиени додека чекале хуманитарна помош во близина на коридорот Нецарим, соопшти палестинската Цивилна одбрана.

Израел на почетокот на март ја блокираше хуманитарната помош за Појасот Газа, која беше делумно укината кон крајот на мај, што доведе до голем недостиг на храна, лекови и друго.

Хуманитарната фондација Газа, невладина организација поддржана од Вашингтон и Израел почна да дистрибуира помош кон крајот на мај, но нејзините испораки беа проследени со хаотични и смртоносни сцени. Агенциите на ОН, исто така, доставуваат помош.

Според Министерството за здравство на Хамас, од крајот на мај, 397 луѓе се убиени, а повеќе од 3.000 се повредени додека се обидувале да стигнат до местата за дистрибуција на помош во Појасот Газа.

Тагови: Појасот Газа