Македонија добива за прв пат жена за претседател . Ингеренциите на шефот на дражавата се да ја претставува Македонија. Во овој случај и прв пат жена е врховен командант на вооружените сили. Своите права и должности ги врши врз основа и во рамките на Уставот и законите, а се бира на општи и непосредни избори, со мандат од пет години.

Изборот за претседател на Републиката се врши во последните 60 дена од мандатот на претходниот претседател. Во случај на престанок на мандатот на претседателот од кои и да е причини, изборот за нов претседател се врши во рок од 40 дена од денот на престанокот на мандатот.

За претседател исто лице може да биде избрано најмногу два пати односно во два мандата. Претседателот мора да биде државјанин на Република Македонија. За претседател може да биде избрано лице кое на денот на изборите наполнило најмалку 40 години живот и мора да биде жител најмалку десет години во последните 15 години.

Пред преземањето на должноста, претседателот на Републиката дава свечена изјава пред Собранието со која се обврзува на почитување на Уставот и законите.

Во случај на смрт, оставка, трајна спреченост да ја врши функцијата или престанок на мандатот по сила на Уставот, до изборот на нов претседател на Републиката, функцијата претседател на Републиката ја врши претседателот на Собранието.

Настапувањето на условите за престанок на функцијата претседател на Републиката го утврдува Уставниот суд по службена должност.

Должноста претседател на Републиката е неспојлива со вршење на друга јавна функција, професија или функција во политичка партија. Претседателот на Републиката ужива имунитет. За одземање на имунитетот на претседателот на одлучува Уставниот суд со двотретинско мнозинство гласови од вкупниот број судии.

“Изјавувам дека функцијата претседател на Македонија ќе ја вршам совесно и одговорно. Ќе го почитувам Уставот и и законите и ќе го штитам суверенитетот, територијалниот интегритет и независноста на Македонија.“

Со свечената изјава и обраќањето пред пратениците во заминување и бројните гости во Парламентот, Гордана Силјановска Давкова го започнува петгоднишниот мандат како прва жена претседателка на Македонија. Во 15 минутниот говор од собраниската говорница најголем дел посвети на жените, вети дека ќе го почитува законодавниот дом, ќе биде претседателка на сите без да прави разлика по било која припадност, а побара за возврат да не и замеруваат доколку во иднина користи „вето“ на законите кои таа ќе ги оцени дека се штетни за државата.

„Ќе го почитувам овој парламент, ќе ги заборавам лошите моменти, ќе ги помнам само добрите, ќе бидам претседателка и на левата и десната страна, на сите граѓани, нема да правам разлика меѓу нив по етничка, верска, полова ни по која било друга основа. Ќе се обидам да ги оправдам овие илјадници гласови кои не се само најубав подарок за мојот роденден, туку и најголема обврска и одговорност.“

Новата претседателка се заблагодари на големиот број на граѓани кои гласаа за неа на изборите, а ги спомена и лидерите на ВМРО-ДПМНЕ и СДСМ, Мицкоски и Ковачевски.

„Јас, Мицкоски пред 2019 година само еднаш го видов на телевизиските екрани. Довербата е многу важна, јас ќе ја оправдам – не поради долг кон политика или партија, туку бидејќи добив шанса да бидам опкружена со многу жени. Можеби некој ќе ми замери што го споменав господинот Мицкоски, но еве пред мене е и господинот Ковачевски, па сакам и него да го споменам. И тој се одважи да ми се јави, не само на Фејсбук да ми посака добредојде и успешна работа, туку да поразговараме.“

На инаугуративната седница во Собранието, покрај пратениците, лидерите на политичките партии, првите луѓе на армијата, правосудните органи и верските заедници, присуствуваше и поранешниот претседател Ѓорѓе Иванов и сопругата на Борис Трајковски, а не дојде Бранко Црвенковски. Во собранието беше и дипломатскиот кор, а меѓу нив и грчката амбасадорка Филипиду која во знак на протест поради тоа што новата претседателка не ја користеше „Северна“, ја напушти салата за седница.

Земјата била распарчена од Големата северна војна, проследена со смртоносна епидемија на чума и очај, се вели во соопштението на Покраинската канцеларија за заштита на спомениците во Ќелац од 8 мај.

Очајни за надеж и спас, луѓето ги барале оние кои тврделе дека имаат посебна религиозна моќ - а тоа бил токму Јачевич.

Тврдејќи дека добил натприродна исцелителна моќ од Богородица, Јачевич им понудил исцелување на болните и заштита на оние кои сè уште не биле допрени од чумата, рекоа официјалните лица.

Тој живеел во пустината на планините Свентокша како пустиник, а парите што ги земал од луѓето за неговите услуги набрзо прераснале во легендарна залиха, се вели во соопштението.

Се шпекулирало дека други разбојници го побарале неговото засолниште, а наскоро Јачевич ангажирал стражари за да ги ограбуваат аџиите и да го заштитат неговото огромно богатство.

Јачевич бил фатен од бискупскиот суд, но потоа избегал од затвор и продолжил да работи како измамник, велат официјалните лица.

Четири години подоцна, тој бил повторно фатен и осуден на доживотен затвор во 1712 година, според официјалните лица.

Јачевич станал познат како легендарен авантурист, пустиник и измамник, но неговото богатство за кое се шпекулираше никогаш не било пронајдено - до сега.

Истражувачката група Svietokrziskie, тим од детектори и љубители на историјата кои ги истражуваат планините од 2015 година, откриле некои монети за време на пешачење по планините во јуни 2022 година, изјави претседателот на групата Себастијан Грабовец за Zwiadowca Historii.

Еден член од тимот го пронашол првиот куп, најголемиот, пред другите да најдат други купишта закопани монети, рече Грабовец.

Пронашле сребрени и златни монети од 17 и 18 век, се вели во соопштението на Министерството за наука и образование од 10 мај.

Помеѓу пронајдените предмети се орти, шестки, патагуни, крајцари и копејки, рекоа официјалните лица, но најфасцинантната монета е златниот дукат од Хамбург од 1648 година на кој се прикажани Богородица и Дете, на кои имало дупка по должината на работ, веројатно носена како медал.

Војчех Сиудовски, од Покраинската канцеларија за заштита на спомениците во Ќелац, рече дека монетите покажуваат дека легендата за Јачевич можеби е повеќе факт отколку фикција.

Разновидните монети најверојатно биле дел од хонорарите што самопрогласениот исцелител ги земал, ги давал како донации или крадел од локалното благородништво, рече Сиудовски.

Истражувањето на областа ќе продолжи бидејќи во близина може да биде закопано уште поголемо богатство.