Новите подваријанти на омикрон се отпорни и на вакцини и на претходни инфекции

Според новото истражување на научниците од болницата Бет Израел Диконес, се чини дека омикронските подваријанти BA.4 и BA.5 избегнуваат антитела и кај оние кои имале коронавирус и кај оние кои биле целосно вакцинирани.

Односно, тие откриле дека нивоата на неутрализирачки антитела предизвикани од претходна инфекција или вакцинација биле неколку пати пониски против подваријантите BA.4 и BA.5 во споредба со оригиналниот коронавирус.

Сепак, експертите сè уште веруваат дека вакцината против Ковид-19 може да заштити од појавата на потешки симптоми на болеста.

„Забележавме трикратно намалување на неутрализирачките антитела генерирани по вакцинацијата или мината инфекција во подваријантите BA.4 и BA.5 во споредба со BA.1 и BA.2“, рече вирологот Ден Барух од болницата Beth Israel Deacons во Бостон.

„Нашите податоци покажуваат дека овие нови подваријанти на омикрон веројатно ќе доведат до зголемување на инфекциите кај населението со високо ниво на имунитет. Сепак, веруваме дека вакцината продолжува да обезбедува значителна заштита од развој на сериозни форми на болеста“, додаде тој.

Наодите од оваа студија се во согласност со друга студија објавена од научници од Универзитетот Колумбија. Имено, тие исто така откриле дека подваријантите BA.4 и BA.5 многу подобро ги избегнуваат антителата во споредба со другите омикрон подваријанти.

Американскиот центар за контрола и превенција на болести (ЦДЦ) проценува дека 94,7% од популацијата на САД на возраст над 16 години имаат антитела на коронавирусот, без разлика дали се стекнати со вакцинација или прележување. BA.4 и BA.5 предизвикаа околу 35% од новите инфекции со Ковид-19 во Соединетите држави минатата недела, што е повеќе од 29% претходната недела.

BA.4 и BA.5 се варијанти кои се шират исклучително брзо, а експертите очекуваат дека во следните неколку недели тие ќе станат доминантни во САД, Велика Британија и остатокот од Европа.

„Нашите податоци покажуваат дека Ковид-19 сè уште мутира, што резултира со зголемена преносливост и отпорност на антитела“, вели Барух, пренесе Си-Ен-Ен.

Јокиќ со нов рекорд во НБА

Српскиот кошаркар Никола Јокиќ продолжи да ги поместува границите во НБА и постави нов рекорд. 

Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција.

Уште два смртни случаи во Јапонија по земање додатоци во исхраната

Уште два смртни случаи, а повеќе од 100 хоспитализирани во Јапонија по земање додатоци во исхраната.

Уште два смртни случаи се поврзани со конзумирање на додатоци во исхраната направени од црвен квасец, соопшти денеска компанијата „Кобајаши“.

Јапонското Министерство за здравство вчера соопшти дека смртта на две лица и повеќе од 100 хоспитализации во Јапонија се поврзани со конзумирање на диететски додатоци во исхраната од црвен квасен ориз од фармацевтската компанија „Кобајаши“, пренесува Кјодо.

Производител на лекови од Осака вчера соопшти дека едно лице починало од бубрежна болест откако очигледно земало додатоци „бени-коџи“ околу три години.

Вториот смртен случај е пријавен во Министерството за здравство, труд и социјала по отворена истрага во компанијата.

Министерството се сомнева дека производите содржат токсична супстанција, но компанијата засега не може да ја утврди конкретната причина.

„Кобајаши“ минатиот петок рече дека добил извештаи за болести поврзани со неговите производи и дека повлекол од пазарот пет од нив, вклучително и околу 300.000 пакувања од неговите додатоци „бени-коџи“.

Трибина на ВМРО-ДПМНЕ „Македонија, достоинствено исправена пред светот“

Градскиот комитет на ВМРО-ДПМНЕ Скопје синоќа организираше отворена трибина за учеството на Македонија во меѓународните односи, враќањето на дигнитетот на дипломатијата и заштита на македонските национални интереси .

Градскиот комитет на ВМРО-ДПМНЕ Скопје синоќа организираше отворена трибина за учеството на Македонија во меѓународните односи, враќањето на дигнитетот на дипломатијата и заштита на македонските национални интереси на меѓународната политичка арена, под наслов „МАКЕДОНИЈА, ДОСТОИНСТВЕНО ИСПРАВЕНА ПРЕД СВЕТОТ“.

Професор д-р Гордана Силјановска Давкова ја критикуваше нефункционалноста на постоечката дипломатија поради дискомуникација меѓу претседателот, министерот за надворешни работи и Собранието. Таа укажа дека мора да се врати фокусот на мултилатералната дипломатија и борбата за национални интереси преку меѓународните организации и институции со почитување на европското право и сите релевантни документи во врска со малцински и човекови права. Исто така, таа навести користење на институтот реципроцитет во иднина, како базичен национален приоритет во односите со други држави.

Претседателскиот кандидат на ВМРО-ДПМНЕ Силјановска Давкова како нужно укажа на неопходноста на враќање на функционалноста на македонската дипломатија, пред се преку зацврстување на системот за вреднување на работата на дипломатите, нивното кариерно унапредување и упатување на служба во странство според заслуги и искажани способности и дипломатски вештини

Поранешниот претседател д-р Ѓорге Иванов врз основа на своето искуство ја потенцираше важноста од повторно воспоставување на нарушениот баланс помеѓу законодавната, извршната и судската власт. Извршната власт ги има киднапирано ингеренциите на Собранието, претседателот и правосудството сведувајќи ги на улога на своевиден сервис на Владата. Тоа резултира со редица нестручни, погрешни и неквалитетни одлуки, кои многу ја чинат државата. Враќањето на балансот на ингеренциите помеѓу нив ќе биде клучен елемент за координирано настапување на државните чинители и успех на домашен и на надворешен план.

Претседателот на Комисијата за надворешна политика во Собранието и поранешен министер за надворешни работи Антонио Милошоски се осврна на актуелните слабости во Министерството за надворешни работи кои со геометриска прогресија се зголемуваат последните седум години. Покрај бројните прекршувања на законот од страна на министерот Османи, тој ги потенцираше прекршувањата на процедурите за упатување на амбасадори во странство, масовното партиско впумпување кадри и отстранувањето на најспособните дипломатски кадри од тековните процеси, нарекувајќи го Кабинетот на Османи „чајна кујна“ со само неколку луѓе, каде што одлуките се носат независно од структурата на МНР. Тој најави ревизија, односно враќање на незаконски испратените амбасадори од странство.

Трибината предизвика интерес во стручната јавност и присуство на голем број сегашни и поранешни дипломати и пратеници.

Центар за комуникации на ВМРО-ДПМНЕ

притисни ентер