Откако и Stellantis излезе во јавност со електричен модел со цена под 25.000 евра, приказната за поевтин модел на Tesla повторно се ажурира. Кога станува збор за електричните автомобили, Tesla и понатаму е број 1, а судејќи според најновите вести, има намера да остане така.
Во Tesla не сакаат да седат со скрстени раце и да ја чекаат конкуренцијата. Да, Model Y е моментално најпопуларниот електричен модел во Европа, но сите индикации велат дека ќе се закануваат поевтините електрични автомобили. Поради тоа, Tesla планира да лансира производство на нов модел кој би бил поставен на врвот на гамата според големината и цената.
И не само тоа, новиот модел на Tesla со почетна цена од околу 25.000 евра треба да се произведува во Европа. Поточно, станува збор за фабриката Тесла во Грунхајд, недалеку од Берлин, каде што моментално се произведува Model Y. Веста наводно ја потврдил лично Илон Маск минатиот петок кога им се обратил на работниците во берлинските погони.
Точниот датум на почетокот на производството не е откриен, но многумина се надеваат дека тоа треба да се случи наскоро. Имено, просечната продажна цена на електричен модел во Европа во првата половина од оваа година изнесувала дури 65.000 евра, додека во исто време во Кина била за многу попристапни 31.000 евра, наведува JATO Dynamics.
Да потсетиме, Маск уште во 2022 година изјави дека планира поевтин модел, но и дека Тесла сè уште не ги совладал потребните технологии кои би овозможиле вакво намалување на трошоците за производство за таков модел да биде профитабилен.
Со развојот на иновативната технологија која би овозможила производство на поголеми делови од возилото во едно парче, поефтини модели на електрични возила стануваат поатрактивни. Се споменуваат машини за леење со притисок до 16.000 тони, двојно повеќе од она што се користи во сегашните машини за производство Model 3 и Y.
Т.н Giga Press е машина за леење на алуминиум, усвоена од Tesla во нејзините фабрики. Машините се до 500 тони, со големина на куќа, и можат да произведат алуминиумски делови многу поголеми од било што претходно користено во производството на автомобили.
За време на работата, пресата зема парче стопен алуминиум со тежина од 80 kg или повеќе, го става во калап каде што се обликува во дел, се ослободува и потоа брзо се лади.