Нови детали за трагедијата во Мелбурн во која Хрватка си ги уби трите малолетни деца - Канал 5

Живот

Нови детали за трагедијата во Мелбурн во која Хрватка си ги уби трите малолетни деца

Австралискиот град Мелбурн во четвртокот го потресе страшна трагедија во која мајка со хрватски корени ги уби трите деца, а потоа и себе.

Нови детали за трагедијата во Мелбурн во која Хрватка си ги уби трите малолетни деца

Телата на Кети Периновиќ и нејзините две ќерки Клер (7) и Ана (5) и синот Метју (3) биле пронајдени во нивниот дом во Туламарин, предградие на северот на Мелбурн. Телата ги пронашол нејзиниот сопруг Томислав (48). Повикал служби за итни случаи, полицијата го испрашувала, а потоа бил ослободен.

Заклучокот од прелиминарната полициска истрага е дека мајката ги убила трите деца, а потоа и самата се убила. Австралиските медиуми пишуваат дека тоа го сторила со нож, но засега нема полициска потврда.

И, додека полицијата ги испитува деталните околности на трагедијата, соседите едвај се помируваат со трагедијата што го снајде Туламарин, предградие северно од Мелбурн.

На помалку од 24 часа пред шокантниот настан, 42-годишната Периновиќ им дала на своите соседи кеса со сливи. Нејзиниот сосед Даниел Шембри и се заблагодарил, и таа му рекла „збогум“, пренесува NCA Newswire. Периновиќ биле омилени меѓу соседите, а соседството во кое живееле е тивко.

Шембри вели дека бил на вратата на Периновиќ во средата попладне. Тој и се заблагодарил на Кејти за сливите, а потоа таа му го вратила поздравот. Шембри раскажува дека само два дена претходно ги слушнал врисоците на децата кои си играле во базенот.

„Тие се забавуваа, слушнавме викање и врескање“, се присетува Шембри.

Семејната пријателка Мари Гроувс изјавила дека последен пат ги видела во ноември и како Кети изгледала невообичаено повлечена и тивка.

"На крајот на ноември и реков да дојде на роденденската забава на ќерка ми со децата. Таа беше таму многу кратко, нејзините две постари ќерки беа многу слични на моите ќерки, тие разговараа и се смееја, беа убави деца. Тој ден ми се чинеше дека беше малку повлечена, што беше невообичаено, таа беше тивка ... Можеби тоа беше знак? “ - рече Гроувс.

Таа вели дека не го познавала добро нејзиниот сопруг Томислав затоа што тој цело време работел.

Еден локален родител, кој се вратил од патување во средата околу четири часот наутро, за Хералд Сан изјавил дека ги видел Периновиќ како зборуваат со сосед по име Фреди. Ништо не му изгледало чудно во тој момент.

Понатаму, една млада мајка, која живеела во близина, за Хералд Сан изјавила дека во четвртокот наутро, кога се враќала од утринското кафе, слушнала исклучително силен извик од улицата Бургес, улицата каде што имаат куќа Периновиќ. Таа сега е убедена дека станувало збор за Периновиќ. Околу половина час подоцна, се сеќава таа, слушнала сирени.

Оградата пред куќата каде се случила страшната трагедија сега е расфрлена со писма, цртежи, играчки, цвеќиња и свеќи од родители и деца од соседството.

Еден сосед ја опишал Кети Периновиќ како пријателска и пристојна личност, некој што секогаш се поздравувал.

„Скршен сум, се случи толку близу до мојот дом, овие луѓе минуваа време во мојата куќа“, рече еден сосед и додаде:

"Моите деца ги сакаа нивните. Што треба да им кажам на моите деца сега?"

Некои соседи за австралиски 7NEWS изјавиле дека Кејти се повлекла за време на карантинот наметнат поради короната и дека била во депресија. Но, засега, ова се само шпекулации за кои нема официјална потврда.

Хералд Сан го интервјуирал семејниот пријател на Периновиќ, Френки Фрањиќ.

„Тој е скршен човек, целосно скршен“, изјави Фрањиќ за „Хералд“ за неговиот пријател Томислав Периновиќ.

"Тој ги сакаше својата сопруга и трите деца. Децата секогаш му биле приоритет. Да се ​​изгуби целото семејство е ужасно тешко. Зборовите не можат да го опишат тоа. Фрањиќ вели дека трагедијата целосно го шокирала Томислав, нивното пошироко семејство и пошироката хрватска заедница во Австралија.

"Ова излезе од ведро небо. Што се однесува до Томислав, сè беше нормално. Не забележав знаци што би сугерирале на нешто. Тој беше толку добар татко, секогаш беше околу нив. Неговото семејство му беше број еден во животот". , вели Фрањиќ.

„Хералд“ наведува дека Томислав се сретнал со семејството на Кети за прв пат по трагедијата во саботата.

"Состанокот беше многу тажен, како што можете да замислите. Тоа е многу тешка ситуација. Тие плачеа заедно. Родителите на Кејти ја прифатија ситуацијата, нивната ќерка ги однесе животите на трите внуци", вели Фрањиќ и продолжува:

"Се прегрнаа, си даваа изрази на сочувство. Прекрасна средба во такви одвратни околности", додава тој.

Хералд Сан пишува дека семејството веќе се согласило за погребот и дека сега чекаат да се заврши обдукцијата. Понатаму, австралискиот весник пишува дека Периновиќ добил стручна помош за да му помогне да го помине овој тежок период од животот.

"Тој сè уште не верува во она што се случи. Мислев дека ќе ми го скрши 'рбетот колку силно ме гушна. Целата хрватска заедница сега им оддава почит на жртвите. Ние го поддржуваме семејството колку што можеме", рече Фрањиќ, близок пријател на семејството Периновиќ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер