Новак Ѓоковиќ во Мадрид е прогласен за спортист на годината, го стигна Федерер - Канал 5

Тенис

Новак Ѓоковиќ во Мадрид е прогласен за спортист на годината, го стигна Федерер

Доделувањето на наградите „Лауреус“ почна вечерва во 20 часот во Мардид.

Новак Ѓоковиќ во Мадрид е прогласен за спортист на годината, го стигна Федерер

Најдобриот светски тенисер Новак Ѓоковиќ ја освои наградата „Лауреус“, највисокото спортско признание кое му се доделува на најдобриот спортист на годината, објави Телеграф.

Ова е петти пат како Србинот го крева пехарот наменет за најдобар спортист на годината, а претходно четири пати ја освојуваше наградата - во 2012, 2015, 2016 и 2019 година. Да потсетиме, Роџер Федерер пет пати ја освојуваше оваа награда.

Покрај Ѓоковиќ, номинирани се и шведските спортисти Арманд Дуплантис и Американецот Ноа Лајлс, светскиот шампион во Формула 1 Холанѓанецот Макс Верстапен и фудбалерите Аргентинецот Лионел Меси и Норвежанецот Ерлинг Халанд.

Да потсетиме, кога станува збор за достигнувањата врз основа на кои се номинирани, Ѓоковиќ освои три од четирите Грен слем во 2023 година, но и три турнири од мастерс серијата и еден АТП турнир - Аделаида, годината ја заврши на врвот на ВТА листата. Дуплантис двапати го подобри личниот и светски рекорд во скок во височина со две светски шампионски титули. Лајлс е првиот трикратен светски шампион по Јусеин Болт на 100, 200 и 4х100 метри. Верстапен ја освои својата трета последователна титула во Формула 1 со рекордни 19 победи. Со 52 гола Халанд го предводеше Манчестер Сити до тројната круна (Лига на шампиони, Премиер лига, Лига куп). Меси со Интер Мајами го освои рекордниот 44-ти трофеј во кариерата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Во Гостивар здравствениот систем реагираше навремено, пациентите добија соодветна здравствена грижа

Министерството за здравство ја почитува законската можност секој да поднесе пријава доколку смета дека постои основ. 

МЗ: Во Гостивар здравствениот систем реагираше навремено, пациентите добија соодветна здравствена грижа

Истовремено, очекуваме надлежните институции професионално, темелно и неселективно да ги испитаат сите наводи.

Основното јавно обвинителство веќе постапува по случајот. Министерството и сите надлежни здравствени установи целосно ќе соработуваат и без одложување ќе ја достават секоја побарана информација, анализа и документација.

Во Гостивар здравствениот систем реагираше навремено, пациентите добија соодветна здравствена грижа, а јавноста беше информирана за состојбата. Здравјето на граѓаните не смее да биде предмет на дневнополитички пресметки.

Оттука, сметаме дека обидите на СДСМ случајот да го претвори во партиска тема не придонесуваат за утврдување на фактите. Наместо политички квалификации и прес-конференции, потребно е да им се овозможи на надлежните институции непречено да ја завршат постапката.

Министерството ќе продолжи да работи транспарентно и одговорно. Наши приоритети остануваат функционалниот здравствен систем, заштитата на здравјето на граѓаните и целосното утврдување на фактите врз основа на докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чакал касна жена во Романија; мештаните ја спасија

Чакал нападна 41-годишна жена утрово, на 10 август, пред нејзиниот дом во селото Олтенешти во источна Романија. 

Чакал касна жена во Романија; мештаните ја спасија

Животното ја касна жената за подлактицата и ѝ го изгреба стомакот, но таа се спаси благодарение на мештаните кои веднаш ѝ притекнаа на помош.

Нападот се случи пред домот на 41-годишната жена, која итно беше пренесена во окружната болница, пренесува Digi24.

Жртвата остана свесна и присебна; по инцидентот, жителите изразија загриженост и побараа од надлежните да интервенираат и да ги отстранат опасните животни од околината на селото, бидејќи стравуваат да излезат од своите домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Селекцијата за прием во Средното полициско училиште „7-ми Мај“ се спроведува согласно утврдените критериуми

Во врска со наводите изнесени во јавноста дека кандидат за прием во Средното полициско училиште „7-ми Мај“ не бил повикан на проверка на моторичките способности и покрај тоа што ги исполнувал условите од јавниот повик, Министерството за внатрешни ра

МВР: Селекцијата за прием во Средното полициско училиште „7-ми Мај“ се спроведува согласно утврдените критериуми

Соопштение МВР

Процесот на селекција сè уште е во тек и се спроведува во повеќе последователни фази. На проверка на моторичките способности се повикуваат кандидатите кои претходно успешно ја поминале административната селекција.

Во рамки на административната селекција, меѓу другото, се утврдува исполнувањето на условот кандидатот да има најмалку „добар“ општ успех во двете завршени години средно образование и да не му биле изрекувани педагошки мерки во училиштето во кое ги завршил прва и втора година.

Во конкретниот случај, кандидатот не е повикан на проверка на моторичките способности бидејќи не ја поминал административната селекција, односно не ги исполнил сите услови што се проверуваат во оваа фаза.

По завршувањето на целокупната постапка, кандидатите ќе бидат известени за исходот од селекцијата, а согласно предвидената постапка ќе им биде овозможен и увид во документацијата.

Министерството за внатрешни работи апелира да не се изнесуваат неточни и непотврдени информации пред официјалното завршување на процесот. Селекцијата се спроведува професионално, согласно критериумите од јавниот повик и со еднаков третман на сите кандидати, стои во соопштението од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер