Здравје

Нова студија покажа: Овој лек спречува срцев и мозочен удар, а се користи за слабеење

Иако Оземпик покажа дека делува и на килограмите, еден лек за слабеење изненадува и тоа со позитивно дејство врз срцето!

„Novo Nordisk“ (NOVOb.CO) изјави во неделата дека нивниот блокбастер лек за слабеење „Wegovy“ го намалува ризикот од срцев удар, мозочен удар или смрт за 57% во споредба со конкурентните лекови на „Eli Lilly“ (Mounjaro и Zepbound), во реална анализа кај пациенти со прекумерна тежина и дебелина кои имаат кардиоваскуларни заболувања, но не и дијабетес.

Иако ова не беше рандомизирано контролирано испитување, компанијата „Novo“ соопшти дека резултатите нудат доказ дека кардиозаштитните бенефити на „Wegovy“ и неговата главна состојка семаглутид не се исти за сите GLP-1 лекови, како што е тирзепатид – активната состојка во „Zepbound“ и „Mounjaro“.

Можеби ќе ве интересира: „Оземпик пенис“: Мажите кои го користеле Оземпик за слабеење пријавиле дека им се зголемува машкоста

Во споредба со тирзепатид, дозата од 2.4 милиграми „Wegovy“ покажа значително 57% поголемо намалување на ризикот од срцев удар, мозочен удар и смрт поврзана со кардиоваскуларни заболувања или смрт од било која причина, за време на третманот без прекин подолг од 30 дена, соопшти данската фармацевтска компанија.

Реалниот број на сериозни несакани срцеви настани беше низок за двата лека – 15 случаи (0.1%) кај пациенти на „Wegovy“ и 39 случаи (0.4%) кај пациенти на тирзепатид. Просечното времетраење на следење било 3.8 месеци за групата на „Wegovy“ и 4.3 месеци за тирзепатид.

Податоците, собрани од повеќе од 21.000 пациенти и презентирани на состанокот на Европското кардиолошко здружение во Мадрид, покажале и 29% намалување на срцевиот ризик и смртноста од било која причина кај корисниците на „Wegovy“ во споредба со оние што користеле тирзепатид, без разлика на тоа дали имале прекини во третманот.

Овие наоди може да бидат поттик за „Novo“, која ја губи пазарната позиција во САД во корист на Zepbound откако минатата година стана највредната компанија во Европа благодарение на рекордната продажба на „Wegovy“.

Можеби ќе ве интересира: Што се случува со телото ако некој престане да го зема Оземпик: Овие симптоми се страшни

Почетокот на август „Novo“ воведе глобално ограничување на вработувањето за сите некритични позиции, укажувајќи на зголемената конкуренција во индустријата, што исто така доведе до тоа Данска да ја намали економската прогноза за раст во 2025 година поради послаби очекувања за фармацевтскиот гигант.

„Zepbound“ и „Wegovy“ моментално го доминираат пазарот за слабеење, кој според некои аналитичари би можел да достигне вредност од 150 милијарди долари до почетокот на 2030-тите години.

Американската Управа за храна и лекови (FDA) во моментов разгледува орална верзија на „Wegovy“ со висока доза, за можност за одобрување до крајот на оваа година. „Novo“ соопшти дека таа помогнала возрасни лица со прекумерна тежина или дебелина да изгубат 15% од својата тежина во доцна фаза на клиничко испитување.

Можеби ќе ве интересира: Огромната побарувачка за лажен лек за слабеење доведе до недостиг за пациентите со дијабетес

Сепак, реалните студии не можат да докажат причинско-последична врска како што тоа го прават рандомизираните клинички испитувања. Други ограничувања на оваа студија се и краткото времетраење на следење.

Пренессува Ројтерс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Цеца за фотките во бикини

Балканската музичка ѕвезда Светлана Цеца Ражнатовиќ ретко споделува провокативни фотографии, но секое нејзино појавување во бикини предизвикува вистински бум во јавноста.

Пејачката откри зошто одлучила да објави фотографија во бикини и како успева да ја одржи својата беспрекорна линија без строги диети. Иако публиката не е често навикната на разголени фотографии, Цеца предизвикува вистинска помпа на социјалните мрежи кога ќе одлучи да го покаже своето витко тело.

Секојпат кога позира на плажа, нејзиното издание предизвикува лавина реакции и воодушевување кај следбениците.

Зборувајќи за фотографите од Кипар кои своевремено предизвика вистински бум на интернет, пејачката ги објасни причините поради кои ја објавила: „Ретко објавувам попровокативни фотографии – не затоа што се срамам од своето тело, туку едноставно зависи од моментот и од тоа што сакам или не сакам во одреден момент. Искрено, најмногу се чувствувам опуштено кога сум закопчана до грло, што е сосема природно. Се трудам, без разлика што носам или што фотографирам, тоа да биде соодветно, бидејќи границата е многу тенка. А и што друго би можеле да фотографирате на море, освен во бикини?“, изјави мегапопуларната Цеца.

Цеца Ражнатовиќ изгледа подобро од кога било, а неодамна откри како ја довела својата линија до совршенство. Пејачката успеа да ослабе дури 8,5 килограми за само еден месец, без строги диети, гладување и опасни препарати.

Наместо опасни „кратенки“, Цеца се одлучи за режим што потсетува на автофагија.

Тагови: Цеца Ражнатовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Сабаленка ужива во танга

Сабаленка позира во танга, објавата од плажа собра над 300.000 лајкови.

Белоруската тенисерка Арина Сабаленка е на заслужен одмор по исцрпувачката сезона.

По исцрпувачката натпреварувачка година, втората тенисерка во светот, Арина Сабаленка, одлучи да направи пауза од турнирите и да замине на одмор, од каде што редовно ги известува своите фанови.

Нејзината најнова објава од плажа, на која носи танга, предизвика огромна реакција на социјалните мрежи, собирајќи над 300.000 допаѓања во рекордно време.

Во описот на фотографијата, белоруската тенисерка накратко наведе дека слободното време го поминува комбинирајќи релаксација на сонце со повремени тренинзи.

Кон крајот на сезоната, таа ја загуби водечката позиција на ВТА-листата, која ја презеде Елена Рибакина.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Супер дерби на „Алијана арената “во Минхен – Борусија му „украде“ бод на Баерн

Фудбалерите на Баерн и Борусија Дортмунд во германското супер дерби одиграа без победник 2:2 , во рамките на 8. коло од Бундеслигата. Милионерите од Дортмунд успеаја да надоместат негатива во самиот финиш.

Се чинеше дека Баварците ќе го задржат водството, но Фабио Силва го замолкна Минхен во 89-тата минута и му донесе голем бод на Дортмунд.

Првото полувреме го одбележа поништен гол на Џоб Белингем, како и неколку добри шанси на двете страни. Во 34-тата минута, Дортмунд ја затресе мрежата преку англискиот играч за врска, но голот беше поништен по прегледување на снимката (ВАР) поради офсајд.

Четири минути подоцна, Баерн ја казни пропуштената шанса на ривалот, откако Конрад Лајмер најдобро реагираше на одбиената топка и им донесе водство на домаќините.

Дортмунд потоа успеа да возврати. Во 60-тата минута, Карни Чуквуемека ја испрати топката во шеснаесетникот, а Серу Гираси го совлада голманот со прецизен удар во долниот лев агол и го израмни резултатот.

Шест минути подоцна, Баерн повторно поведе. Хари Кејн ја упати топката со глава пред голот, а Дајо Упамекано се најде на вистинското место и погоди за 2:1. Претходно, Англичанецот имаше можност да постигне гол од пенал, но во 56-тата минута ја погоди пречката.

Кејн повторно беше блиску до погодок во 75-тата минута, но неговиот удар заврши во стативата. Кога се чинеше дека Баерн сепак ќе го задржи водството, на сцена стапи Фабио Силва.

Во 89-тата минута, Португалецот ја искористи топката што стигна до него во шеснаесетникот и со прецизен удар во долниот лев агол ги постави конечните 2:2. Баерн имаше уште една голема шанса во судиското надополнување, но ударот на Ленарт Карл заврши во пречката. Така, Дортмунд успеа да избегне пораз во Минхен, додека домаќинот може да жали за пропуштените шанси и испуштеното водство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.