Здравје

Што се случува со телото ако некој престане да го зема Оземпик: Овие симптоми се страшни

Се зборува многу за тоа како Оземпик влијае на телото, но што се случува кога ќе престанете да го земате?

Иако е создаден како лек за лица со дијабетес тип 2, Оземпик (познат и како семаглутид) стана популарен ширум светот како „чудотворна“ терапија за слабеење. Тој го имитира хормонот GLP-1, кој ја регулира гладта и нивото на шеќер во крвта, овозможувајќи на дијабетичарите подобро регулирање на инсулинот.

Но, поради тоа што го намалува апетитот, лекот сѐ почесто се користи од лица кои сакаат да ослабат – иако официјално е одобрен само за лекување на дијабетес во британскиот NHS.

Поради зголемената побарувачка за Оземпик и слични лекови како „Wegovy“ и Mounjaro, сѐ повеќе луѓе се прашуваат како овие лекови влијаат врз организмот – особено кога ќе се прекине нивното земање.

Многу славни личности веќе ги споделија своите искуства, а една симулација од Zack D Films дури покажува и непријатни појави како дијареа.

Можеби ве интересира: Лек за слабеење кој ја зголемува плодноста кај жената

Но, што навистина се случува кога ќе престанете со Оземпик?

Како што и се очекува, ефектите што ги има лекот – престануваат. За оние кои имале мачнини, тоа е олеснување. Но, за оние со голема желба за шеќер – лоша вест.

Најчести последици од прекинување на терапијата:

Повторно зголемување на тежината

Слабеењето со Оземпик се должи на намален апетит, па неговиот прекин често доведува до враќање на старите навики. Истражување од 2022 година покажува дека две третини од пациентите вратиле и до две третини од изгубената тежина по престанување со лекот.

Губење на кардиометаболни придобивки

Оземпик го подобрува притисокот, холестеролот и нивото на шеќер во крвта. Но, според истото истражување, овие придобивки се губат во рок од 12 месеци по прекинот.

Гастроинтестинални промени

Оние кои страдале од мачнини може да почувствуваат олеснување. Но, кај некои може да се јави дигестивна нелагодност додека телото се прилагодува на побрзо варење.

Психолошки ефекти

Повратокот на тежината и апетитот може да предизвика стрес и анксиозност, особено кај луѓе кои се надеваат на трајни резултати.

Најважно: Оземпик не е „магичен“ лек. За трајни резултати, потребни се промени во исхраната и редовна физичка активност, пренесува Лед Бајбл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

BREAKING: Gulfstream G100 with 6 persons on board has reportedly crashed into the Atlantic while flying from Bermuda to Boston pic.twitter.com/gHZI5Sq2vc
— Breaking Aviation News & Videos (@aviationbrk) October 3, 2026

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО.

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.