Свет

Нов закон во Полска: Ако имате две деца, не мора да плаќате данок на доход

Претседателот на Полска потпиша нов закон со кој се воведува нулта стапка на данок на доход за родители со најмалку две деца.

Оваа реформа има за цел да ги поддржи семејствата, да ги зголеми приходите на домаќинствата и да ја стимулира економската активност во земјата, пишува euronews.com.

Предлог-законот, кој Карол Навроцки го презентираше во август, ја укинува обврската за плаќање данок на доход за семејства чиј годишен приход по родител не надминува 140.000 злоти (околу 33.000 евра). Олеснувањето е достапно за сите родители со родителска одговорност, вклучувајќи ги и законските старатели и згрижувачките родители на деца. Според пресметките на претседателскиот кабинет, просечното полско семејство треба да има околу 1.000 злоти (235 евра) повеќе месечно благодарение на новата мерка.

Сепак, вистинскиот ефект од новите прописи ќе биде видлив само во даночната пријава за 2026 година, која се поднесува во 2027 година. Целта на реформата е да се намали даночниот товар врз семејствата, да се поттикне потрошувачката и да се поттикне професионалната активност. Воведувањето на нулта даночна стапка беше едно од клучните ветувања на Навроцки за време на претседателската кампања и е дел од поширок пакет реформи наречен „даночен оклоп“, кој вклучува и намалување на ДДВ и укинување на данокот на капитална добивка.

Кој ќе профитира најмногу?

Иако Кабинетот на претседателот на Полска тврди дека програмата ќе се финансира со заострување на даночниот систем, финансиските експерти изразуваат сомнежи дека ова е реално. Даночните советници, исто така, предупредуваат дека вистинските придобивки од реформата ќе ги почувствуваат главно најбогатите граѓани. Пјотр Јушчик, главен даночен советник во inFakt, истакнува дека семејствата со ниски приходи, кои и онака плаќаат малку или воопшто не плаќаат даноци, ќе добијат занемарлив износ.

На пример, семејство со бруто месечен приход од 7.000 злоти (1.648 евра) може да очекува олеснување од околу 395 злоти (93 евра) месечно. Од друга страна, родителите кои заработуваат 12.000 злоти (2.826 евра) месечно ќе заштедат дури 913 злоти (215 евра), или повеќе од 11.000 злоти (2.590 евра) годишно. Оние со најниски приходи можат да очекуваат заштеда од само 75 злоти (17 евра), додека оние чии приходи се под износот што не се оданочува нема да почувствуваат никаква промена.

Што мислат Полјаците?

Во септември беа одржани јавни консултации за нацрт-законот во кои учествуваа 476 лица. Резултатите покажаа голема поддршка за предлогот - околу 76% од испитаниците го сметаа новиот закон за даноци за неопходен, додека само 16% силно се спротивставија на него. Покрај тоа, 66% од учесниците позитивно ја оценија проценката на економското и финансиското влијание на реформата.

Тагови: деца Полска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.