Поголема сума заработиле само во 2019 година, кога приносот бил 1690 милијарди круни.
Фондот, кој инвестира во продажба на нафта и гас и управува со средства во вредност од 1.300 милијарди американски долари, најголем во светот, минатата година постигнал поврат од 14,5 отсто.
„Добрите резултати главно се должат на многу силните движења на берзата во текот на годината“, се вели во соопштението на извршниот директор Николај Танген.
„Приносите беа добри во сите сектори, но инвестициите во технолошките компании и финансиите се покажаа како особено добри“, рече Танген.
Акциите на технолошките компании остварија принос од 30,2 отсто.
Фондот остварил најголем принос од инвестициите во Мајкрософт, Алфабет и Епл, покажале материјалите за презентација.
Меѓу дестинациите најмногу заработиле на инвестиции во САД, вкупно 960 милијарди круни, а потоа следи Велика Британија со 112 милијарди круни.
Основан во 1996 година, фондот има удели во 9.123 компании ширум светот. Поседува 1,4 отсто од сите котирани акции ширум светот, а исто така инвестира во обврзници, недвижен имот и инфраструктура за обновлива енергија.
Фондот досега има заработено 244.000 долари за секој граѓанин, вклучувајќи ги и децата.