Норвешка реклама со Дедо Мраз го подели светот

Божиќната реклама на норвешката поштенска служба Постен предизвика бројни реакции на социјалните мрежи, а многумина веќе ја нарекуваат и реклама на годината.

Рекламата го прикажува раѓањето на љубовта помеѓу маж по име Хари и Дедо Мраз. Рекламата е направена по повод 50 години декриминализација на хомосексуалноста во Норвешка.

Насловот на рекламата е Кога Хари го запозна Дедо Мраз, што е асоцијација на популарниот филм Кога Хари ја запозна Сали. Приказната ја следи нивната прва средба, кога еден човек случајно го наоѓа Дедо Мраз како му остава подароци, а потоа секоја година нетрпеливо чека повторно да го види.

Двојката секоја година се зближува за време на кратките божиќни состаноци, а во еден момент може да се види Хари како плаче по заминувањето на Дедо Мраз со реченицата „Ќе ми недостигаш“. Следната година, тој му напишал писмо на Дедо Мраз со порака: „Сè што сакам за Божиќ си ти“.

Следната сцена го прикажува Хари како го чека Дедо Мраз покрај каминот кога одеднаш слуша ѕвонче. Подароците му ги доставува поштенската служба Постен. На враќање во дневната соба, го наоѓа Дедо Мраз како му вели „Па, договорив помош оваа година... за да бидам со тебе“, по што паѓа бакнеж.

„2022. Норвешка слави 50 години како можеме да сакаме кого сакаме“, се вели во пораката на крајот од рекламата.

Рекламата е прегледана милиони пати на YouTube, а многумина ја споделуваат на социјалните мрежи.

Разбојници ја убиле сопругата на легендарен музичар

Сопругата на легендарниот музичар Кларенс Авант е убиена во вторникот во нејзиниот дом во елитната населба Трусдејл Естејтс во Лос Анџелес.

Имено, таа била убиена од крадци кои упаднале во нивната семејна куќа.

Полицијата на Беверли Хилс била повикана во куќата во Трусдејл Естејтс во вторникот вечерта околу 2.30 часот по полноќ, откако на телефонскиот број 911 добиле повик дека некој бил застрелан и убиен.

Сопругата на Авант, Жаклин Авант, итно била пренесена во болница, каде што подоцна починала. Таа имала 81 година.

Семеен извор изјавил за ТМЗ дека разбојниците пукале додека влегле во куќата и ја погодиле сопругата на Авант.

Авант (90) во тој момент бил дома, но не е јасно дали е повреден во нападот.Легендарниот музичар беше примен во Куќата на славните во октомври, а покрај него беше неговата сопруга.

Нивната ќерка Никол Авант е во брак со извршниот директор на Нетфликс, Тед Сарандос.

СЗО: За неколку дена ќе знаеме колку е заразен омикрон

Светската здравствена организација очекува за неколку дена да има повеќе информации за тоа колку е заразен новиот сој на корона, омикрон, изјави денеска техничкиот директор на СЗО Марија ван Керхове.

Во соопштението се посочува дека СЗО ќе има податоци за омикрон многу побрзо од предвиденото, бидејќи Женева претходно соопштила дека ќе бидат потребни недели за да се добијат податоците, пренесе Ројтерс.

Некои од главните прашања се дали сојот е позаразен или отпорен на заштитата од вакцини, а одговорите треба да се почекаат, се додава.

Софија Вергара на луда латино забава во кругот на семејството (ВИДЕО)

Софија Вергара (49) изгледа сензационално на прославата на американскиот Ден на благодарноста, а актерката на социјалните мрежи се пофали со фотографии и видеа од забавата на која присуствуваа членовите на нејзиното семејство.

На ѕвездата од ТВ серијата „Модерно семејство“ и` се придружија помладата сестра, музичарката Вероника (21) и внуката Клаудија (29). Веселото трио танцува пред огледалото, а на Софија подоцна во танцовите чекори и се придружила и нејзината баба.

Се чини дека на споменатата забава не присуствувал актерот Џо Манганиело (44) за кого заносната американско-колумбиска дива се омажи во 2015 година.

- Среќна шеста годишнина од бракот, љубов моја! Уште многу години заедно! Те сакам – напишала Софија на Инстаграм во вторникот.

Двојката се свршила на Божиќ за време на романтичен одмор на Хаваи во 2014 година, само шест месеци откако Вергара раскинала со Ник Лоеб. Тие се венчале во 2015 година во Палм Бич, Флорида. Заедно немаат деца, а Софија е мајка на 27-годишниот син Манол, кој го доби со поранешниот сопруг Џо Гонзалес.

притисни ентер