Њујорк тајмс: Три четвртини од Афроамериканците стравуваат од расистички напади

Претходна анкета пак уажува дека црнците во САД го сметаат расизмот за најголема лична закана.

Три четвртини од Афроамериканците стравуваат од напади поради нивната раса, се дознава од анкета на Вашингтон пост и Ипсос спроведена по масакрот во супермаркет во Бафало минатиот викенд кога лице со автоматско оружје усмрти десетмина, а чија цел наводно биле припадници на црното население во градот.

Според анкетата, најголем дел од Афроамериканците нападот го примаат со голема тага и гнев, но само осум проценти изјавуваат дека се „изненадени".

Претходна анкета пак уажува дека црнците во САД го сметаат расизмот за најголема лична закана.

Од најновата анкета се дознава дека три четвртини од луѓето се загрижени дека тие лично или некој нивни близок може да бидат физички нападнати затоа што имаат темна боја на кожата. А само осум проценти изјавиле дека не се загрижени поради тоа.

Седум од десет Афроамериканци сметаат дека најмалку половина од белците во САД негуваат верување за надмоќ на белата раса (бел супрематизам).

Мнозинство од нив сметаaт дека лесниот пристап до оружје, семејни проблеми, воспитувањето и социјалните мрежи најмногу придонесуваат луѓето да извршат злосторства базирано на омраза против црнците.

Помал број Афроамериканци пак, сметаат дека одгласот во општеството за смртта на Џорџ Флојд во 2020 година резултираше во подобар третман на Афорамериканците од страна на полицијата. /MИА

Продолжуваат консултациите за францускиот предлог, денес средба Ковачевски-Села

Продолжуваат консултациите за францускиот предлог за почеток на пристапните преговори на Република Македонија со Европската унија.

За денеска во 11 часот во Клубот на пратениците е закажана средба на премиерот Димитар Ковачевски со лидерот на Алијанса за Албанците, Зијадин Села.

Премиерот Ковачевски вчера во изјава за медиумите потврди дека имал телефонски разговор со Села и најави дека најверојатно денеска ќе му го презентира францускиот предлог.

Широките консултации за францускиот предлог почнаа во петокот најпрво со коалиционите партнери во Владата, од кои дел веќе се изјаснија позитивно за предлогот, а дел се очекува тоа да го сторат во следниот период.

Вчера, премиерот Ковачевски имаше средба и со лидерот на најголемата опозициска партија Христијан Мицкоски. За ВМРО-ДПМНЕ, францускиот предлог е неприфатлив. Мицкоски по средбата изјави дека му предложил на Ковачевски две опции – да го одбие предлогот, а ВМРО-ДПМНЕ да се откаже од барањето за предвремени парламентарни избори или доколку Ковачевски верува дека со предлогот е обезбеден идентитетот, тогаш да бидат избришани четири члена.

Францускиот предлог вчера беше разгледан и од страна на Советот за безбедност кој го свика претседателот на државата Стево Пендаровски. Шефот на државата по седницата на прес-конференција изјави дека францускиот предлог е прифатлив. Со прифаќањето на предлогот, како што наведе, ја креваме бугарската блокада која трае повеќе од две години и се дозволува формално отворање на преговорите после 17 години чекање. Се овозможува скрининг процес, што е задолжителна фаза пред преговорите за кластерите – поглавја и она што е најважно, како што рече, е тоа што со ништо не се поткопува македонскиот идентитет затоа што темелната одреденица за македонскиот јазик во предлогот има чиста формулација без фуснота.

Францускиот предлог во земјава пристигна во четвртокот по што премиерот Ковачевски најави широк консултативен процес со владината коалиција, претседателот на државата, Парламентот, опозицијата, како и со граѓанскиот сектор, експертската и севкупната јавност во земјата.

Седница на собраниската Комисија за одбрана и безбедност

Собраниската Комисија за одбрана и безбедност денеска ќе ја одржи 34-тата седница на чиј дневен ред се две предлог-одлуки за испраќање војници на Армијата на Република  Македонија во мисиите на ЕУ „EUTM RCA“ и „Алтеа“.

Првата точка е Предлог-одлука за испраќање на припадници на Армијата на Република Македонија за учество во меѓународната операција на Европската Унија „EUTM RCA“ во Централноафриканската Република.

Втората точка, Предлог – одлука за испраќање на припадник на Армијата на Република Македонија за учество во меѓународната операција на Европската Унија „АЛТЕА“, во Босна и Херцеговина.

На ГП Богородица се чека околу 30 минути

Поради зголемена фреквенција на возила, времето на чекање на ГП Богородица за излез од земјава е околу 30 минути.

На останатите гранични премини, од македонска страна, нема подолги задржувања за влез и излез од државата, информира АМСМ.

Интензитетот на сообраќај на патните правци надвор од градските средини е зголемен.

Сообраќајот на државните патишта се одвива непречено, по суви коловози. /МИА

притисни ентер