Николовски: Изборите се решение и гаранција за поефикасно справување со последиците од кризата,тоа е одговорно и државнички

Заедно со кандидатите за пратеници од Изборната единица 3 денеска имавме координативен состанок со Регионалниот изборен штаб, изјави Љупчо Николовски, генерален секретар на СДСМ и носител на кандидатската листа на СДСМ и коалицијата во ИЕ 3.

Разговаравме за справувањето со коронавирусот, за мерките за заштита на граѓаните и потребата од избори најдобро што може.

Изборите се потребни заради целосна подготвеност на државата пред вториот бран на вирусот наесен, заради заштита на здравјето, рестарт на македонската економија но и целосно функционални институции.

Изборите се решение! Тоа е нашата порака!

Решение затоа што ќе им дадат полн легитимитет на законодавната и извршната власт, на ново Собрание и Влада.

Решение затоа што ќе создадат простор за подобра и понавремена подготовка пред вториот бран на вирусот наесен.

Решение кое гарантира најголема заштита на здравјето на граѓаните и најдобри услови за рестарт на економијата.

Никој не знае колку ќе биде голем и какви последици би донел тој нов бран на коронавирус на есен, за што предупреди и Светската здравствена организацијата.

Затоа сега е моментот, кога ситуацијата ја држиме под контрола.

На државата на граѓаните и се потребни институции, функционално Собрание, политичка Влада со пренесен легитимитет од граѓаните.

Така, државата уште подобро би се справила со тоа што не чека на есен.

Здравјето и животот на луѓето се најважни. Но, важна е и економијата, важни се и останатите сектори.

Колку пократко трае оваа состојба ,толку побрзо ќе се вратиме во нормала.

Затоа, изборите се решение!

Уверени сме, институциите ќе ги обезбедат сите превентивни мерки за 100% заштита на граѓаните на денот на гласањето, ќе имаме 100% безбедно гласање.

Веќе 18 држави соопштија дека ќе одат на избори пред летото. Сите држави кои имаат избори оваа година ги закажуваат во овој период, затоа што тоа е одговорно, државнички.

Предлозите за избори на крајот на август или почетокот на септември, се опасни за здравјето и всушност се предлози да нема воопшто избори туку да се создаде Уставна криза.

Ние како одговорни луѓе тоа нема да го дозволиме.

Мицкоски од сите страни е веќе виден како неодговорен и незрел политичар, тоа го велат граѓаните.

Ничија политичка кариера не може да биде поважна од граѓаните и нивната сигурна иднина, рече Николовски.

Буневски: Производството на сопствена храна, вода и енергија е приоритет на секоја земја

Денеска беше промовиран дел од Програмата за земјоделство и производство на храна од Прогласот за достоинствена Македонија на Движењето ЗНАМ - За наша Македонија.

За мерките пред новинарите зборуваше професорот Ѓоко Буневски, кој рече дека Македонија е традиционално аграрна земја, со учество на земјоделството во бруто-домашниот производ од околу 10 проценти, односно, заедно со преработувачката индустрија 12-15 проценти и е на третото место, после индустрискиот сектор и услугите.

„Во Движењето ЗНАМ – За наша Македонија имаме преку 40 предлог мерки за подобрување на секторот производство на храна, но тука ќе ги истакнеме само поважните:

- Воведување забрана за пренамена на земјоделско земјиште од прва. до трета категорија за друга намена, освен за производство на храна.

- Приоритетно доделување земјоделско земјиште на локалните фармери, а не на странски инвеститори. Локалните фармери мора да имаат приоритет при доделувањето земјоделско земјиште. - Форсирање на синџирот "од нива до трпеза".

- Субвенционирање по предадени земјоделските култури по загарантирана откупна цена“, рече Буневски.

Тој додаде дека сме сведоци на состојбата каде земјоделските производи се откупуваат од земјоделците и под нивната производна цена, што го прави производството на храна непрофитабилно и неконкурентно. „Токму затоа, рече тој, - сметаме дека е многу важно за развојот на оваа гранка да се обезбеди откуп по загарантирани цени“.

Буневски потенцира дека покрај овие мерки, Движењето ЗНАМ ќе се заложи да се зголемат субвенциите во земјоделството барем на ниво на соседните земји, а буџетот од сегашните 160-180 милиони евра да се реорганизира и да се воведат нови мерки за субвенционирање. Исто така, тој рече дека ќе предложат мерки за да се намали, па дури и запре напуштањето на селото и земјоделството, особено со поголеми стимулирања на млади фармери, на жените фармери, како и поголеми погодности за отворање бизнис во овие средини. Како што рече Буневски, ќе се обрне големо внимание на мерките за подобрувањње на квалитетот на храната, а ќе се подобри и степенот на советодавни услуги за земјодлеците, а особено засовремените технологии и иновации во секторот, професор Буневски потенцира дека многу важен сегмент е брендирањето на традиционалните производи и производи со познато географско потекло и рече дека во момментот 160 производи чекаат и стојат во фиока.

Како мерка која треба да се воведе, е и заштитата на генетските ресурси во растителното и сточарското производство. Исто така за да може да се подобри севкупната ситуација во овој сектор Буневски рече дека ЗНАМ ќе воведе стипендирање на деца од земјоделски земејства на земјоделските школи и факултети.

„Земјоделството бара долгогодишна стратегија, а не брзи политички инстант решенија, која политичка партија доаѓа на власт, како од неа да почнува се. Производство на своја храна, вода и енергија е приоритет на секоја земја. Затоа сметаме дека е неопходно да дадеме максимум за земјоделството, максимум за Македонија“, рече Буневски, се наведува во партиското соопштение.

Крузер од 200 метри удри во пристаништето во Кушадаси, екипажот направи грешка (ВИДЕО)

На социјалните мрежи кружи снимка од турско пристаниште каде луксузен брод за крстарење долг 200 метри удри во бетонското пристаниште.

„Celestyal Journey“ пристигна во Кушадаси минатата недела, но работите не одеа според планот и се случи необичен инцидент.

За среќа, бродот е минимално оштетен, како и самото пристаниште, а нема извештаи за повредени, пишува Дејли Мејл.

Екипажот направил една фатална грешка кога погрешно ја пресметале брзината, што довело до несреќата.

Во обид да го забават крстосувачот, тие наводно го спуштиле сидрото, но и покрај нивните напори дошло до инцидент.

Медиумите јавуваат дека патниците нормално се симнале од бродот и го разгледале градот, а „Celestyal Journey“ не морал подоцна да ја менува рутата.

Крузерот работи од 1994 година, има 630 кабини, седум ексклузивни ресторани, осум барови и салони.

Мицкоски: Потребна е масовна излезност на 8 мај за да ги пратиме во опозиција ДУИ

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати.

Овој резултат од 24 април е и одговорност. Се што зборуваме треба и да примениме. Народот очекува и убеден сум дека во овие нешто повеќе од 10 дена народот ќе се приклучи, народот е обединет и сака промени и брзи резултати, рече лидерот на ВМРО-ДПМНЕ, Христијан Мицкоски на денешниот митинг во Росоман.

Мицкоски информираше дека како коалиција внимателно е пристапено во креирање на програмата.

„Внимаваме што ќе ветуваме, не сакаме да ветуваме нешто што не може да се реализира, не сакаме народот да ја губи надежта. Си дадовме збор дека програмата ќе ја ревидираме за две години. Нема скандал за повеќе од две години во работата на градоначалниците. Затоа можам да кажам дека поучени од ова искуство имајќи во предвид дека најголем дел од проектите се веќе реализирани одлучивме по две години да направиме ревизија и на оваа програма. Сметаме дека можеме повеќе, ама не сакаме да ве разочараме“, кажа Мицкоски.

Мицкоски порача дека сега треба максимална мобилизација бидејќи како што рече „нема да остават да биде едноставно, мора да добиеме мнозинство во парламентот, да имаме наш претседател и заедно со градоначалниците да направиме трансформација на Македонија“, изјави Мицкоски.

Според него за ова треба масовност.

„Има центри на моќ кои не сакаат да ја видат успешна Македонија, имаме такви и тие беа клучен фактор до сега беа и во Владата, и тука мислам на ДУИ и Али Ахмети, тој сака да ја види осиромашена Македонија и слично. Тие не сакаат да ја видат успешна Македонија“, рече Мицкоски.

Мицкоски укажа дека овие избори се шанса криминалците да ги пратиме во опозиција.

„И ова го зборам само поради криминалот, не го зборам за ДУИ затоа што се Албанци, не, туку поради криминалот. Јас ја повикав опозицијата кај Албанците да се бориме заедно. Јас се борам против ДУИ кои ја ограбуваат и на колена ја ставаат Македонија“, заклучи Мицкоски, се наведува во партиското сопоштение.

притисни ентер