Николоски: Заев соочен со пораз го сели својот капитал во Бугарија

На крајот сме од изборната кампања за предвремените парламентарни избори  во 2020-тата година. 

Победата на ВМРО-ДПМНЕ, промената во Македонија е веќе извесна. Обновата доаѓа. И со тоа се гледа и паниката кај Зоран Заев и СДСМ.

Мојот противкандидат во 4-тата изборна единица не собра храброст во текот на целата кампања да излезе на дуел со мене, и да се соочи со мене во однос на програмските концепти и определби за во 4-тата изборна единица. Да видиме што ветувам јас и ВМРО-ДПМНЕ за 4-тата изборна единица, а што ветува Зоран Заев и СДСМ за 4-тата изборна единица. Но исто така да видиме и што е досега направено.

Она од што најмногу страда Македонија е криминалот и корупцијата, и мислам дека тоа е едно од основните причини зошто избега од едно вакво соочување. Но граѓаните на 4-тата изборна единица ќе го дадат одговорот на 15-ти јули, кога ќе се случи една голема победа на ВМРО-ДПМНЕ.

Дека е така, покажува и фактот што Заеви почнаа да го селат капиталот од Македонија. Имено семејството Заеви се јавува како странски инвеститор во Република Бугарија. Јас јавно повикав пред една недела да излезе во јавноста и да каже дали неговото семејство се јавува како странски инвеститор во најмалку две европски држави. Еве едната ја објавувам денес, тоа е Република Бугарија. Но денес нема одговор, и бидејќи нема одговор решив јас да се произнесам на јавноста и да ги презентирам документите.

Основното прашање е дали се спремаат за бегство после поразот на парламентарните избори на 15-ти јули. Домашните фирми, односно фирмите во Македонија кои што се во сопственост на Заеви веќе се селат односно мигрираат во Бугарија. Односно тамошните фирми веќе стануваат сопственици на фирмите кои што Заеви ги поседуваат во Македонија. Покрај досега објавените фирми кои што се во сопственост на Заеви во Бугарија, а тоа се: „Ориент Груп“, „Гомасидра“, „Радиша Трејд“. Сите формирани во Бугарија откако Зоран Заев е на власт. Основани се две нови после претседателските избори кога веќе мирисаше на скандалот „Рекет“. Значи свесни дека поразот е неминовен, свесни дека скандалите ќе почнат да излегуваат формираат две фирми во Бугарија.

Двете нови фирми кои се во сопственост на Трајче Заев и Бобан Заев истите се основани на 13-ти мај 2019-та година. На иста адреса во Петрич, како и претходните со име „Медикал 420 БГ“ и „Фарма ЕУ БГ“.

Во интерес на јавноста ги презентирам документите за овие две фирми, ова е „Фарма ЕУ БГ“ и еве го потписот на основачкиот акт.

И втората фирма исто така основана во Бугарија, во Петрич, „Медикал 420 БГ“, исто така потпишан на основачкиот акт.

Истите овие две фирми, основани во Бугарија, „Фарма ЕУ БГ“ и „Медикал 420 БГ“ се јавуваат како сопственици на најмалку две фирми во Македонија, а во дел други фирми се јавуваат како малцински акционери. Сето ова отвора прашање во однос на тоа какви се намерите на семејството Заеви после поразот на парламентарните избори. Свесни дека ќе треба да одговараат за сторениот криминал и корупција кои што ги направија во изминатиот скоро четири годишен период на власт и второ го поставува логичното прашање зошто во текот на целата кампања Зоран Заев не одговори на моето прашање, а тоа е дали е во состојба да го докаже потеклото на сопствениот капитал и потеклото на капиталот на неговото семејство затоа што ВМРО-ДПМНЕ ветува во програмата За обнова на Македонија е еден од основни носечки проекти во делот на борба против криминал и корупција да биде усвојување на закон со кој што ќе се испита потеклото на капитал на сите луѓе кои што се занимавале со јавен живот во изминатите 30 години. Цела кампања го повикував, цела кампања не одговори, веројатно ова е една од причините.

Почитувани,

Обновата доаѓа, јас сум сигурен дека вие ќе одберете обнова и дека на 15 јули ќе се случат промени, а после тоа ќе ја градиме заедно Македонија, економски ќе ја издигаме, но исто така ќе има одговорност за сиот сторен криминал и корупција уште во првите 6 месеци, на тоа јас се обврзувам, на тоа ВМРО-ДПМНЕ се обврзува.

Александар Николоски, потпретседател на ВМРО-ДПМНЕ

Маск нуди 100 милиони долари за изум за зафаќање јаглерод од воздухот

Сопственикот на Тесла Моторс, претприемачот Илон Маск, на Твитер вети награда од 100 милиони долари за развој на најдобрата технологија за зафаќање јаглерод.

„Давам награда од 100 милиони долари за најдобра технологија за зафаќање јаглерод“, напиша Маск, проследен со втор твит, ветувајќи повеќе детали следната недела.

Ко-основачот на PayPal, што го продаде, Маск денеска управува со некои од најфутуристичките компании на светот. Покрај Тесла, тој е сопственик и на SpaceX и Neuralink, старт-ап компанија која го поврзува човечкиот мозок со компјутерите.

Зафаќањето на емисиите од глобалното затоплување станува критичен дел од многу планови за борба против климатските промени, но до денеска е направен многу мал напредок во технологијата, со напори насочени кон намалување на емисиите наместо отстранување на јаглеродот од воздухот.

Меѓународната агенција за енергетика (ИЕА) кон крајот на минатата година соопшти дека е потребно нагло зголемување на употребата на технологијата за зафаќање јаглерод, доколку земјите сакаат да постигнат цели за нето-емисиите.

Американскиот претседател Џо Бајден вети дека ќе го забрза развојот на технологијата за зафаќање јаглерод како дел од неговиот сеопфатен план за борба против климатските промени.

Постигнат напредок на средбата на македонско-бугарската Комисија за историски прашања

Во периодот до наредната редовна средба, која начелно е договорена да се одржи на 25 и 26 февруари, ќе се продолжи со работа во однос на останатите прашања од записникот од десеттата и за записникот од последната, единаесеттата средба на Комисијата.

На денешната средба на Заедничката мултидисциплинарна експертска комисија за историски и образовни прашања помеѓу Македонија и Бугарија, на која се дискутираше за усогласување на содржината во записниците од деветтата и десеттата средба беше постигнат напредок, соопштија за МИА извори од Комисијата.

– Двете страни ја усогласија содржината на Записникот од деветтата средба, а во однос на десеттата средба беа надминати неколку прашања поврзани со содржината на записникот, посочија истите извори.

Во периодот до наредната редовна средба, која начелно е договорена да се одржи на 25 и 26 февруари, ќе се продолжи со работа во однос на останатите прашања од записникот од десеттата и за записникот од последната, единаесеттата средба на Комисијата.

Како што претходно јави МИА, на денешниот онлајн состанок, на кој учествуваа по тројца претставници од двете страни, беше предвидено да се разговара само за текстовите на записниците што сè уште не се потпишани, но не и за некакви историски прашања.

Во 2021 година се очекува Комисијата да има пет состаноци. Претходниот, 11-ти состанок на Заедничката комисија се одржа на 4 декември минатата година./МИА

Академик Беџети: Се чудам дека сé уште се размислува со резерва за промените во образованието

„Се чудам дека има сé уште такви кои размислуваат со резерва и на некој начин со предрасуди за да не се влезе во почетни промени во овој дел.“

Академик Абдулменаф Беџети ја оцени како многу плодна денешната дебата на членовите на Одделението за општествени науки на МАНУ и на Центарот за стратегиски истражувања на МАНУ со претставници на МОН, Бирото за развој на образованието и на работната група што ја изготви концепцијата за основно образование.

„Ми останува да повикам на поддршка на оваа иницијатива, бидејќи знаеме колку е комплексно, колку е тешко да се влезе во ваков комплексен зафат. За поздравување е тоа што првпат, дури и при расправа за еден реформски зафат во основно образование, се повикуваат дури и институции од највисоки образовни и научни области како што се претставниците на МАНУ. Од оваа гледна точка навистина сите елементи беа разгледани, расправата беше многу плодна, конструктивна и би требало да биде проследена и од другите“, изјави академик Беџети.

Тој укажа дека има голем консензус во тоа дека проблемите во образованието и образовниот систем започнуваат во основно образование, а како последица ги има и во високото образование.

„Се чудам дека има сé уште такви кои размислуваат со резерва и на некој начин со предрасуди за да не се влезе во почетни промени во овој дел. Не само дека тоа е законска обврска, која произлегува од веќе донесениот закон пред две години, туку е определба да не се задоцни“, нагласи Беџети.

За академиците рече дека останува да дадат конструктивен придонес за реформата да се одвива во најдобар тек.

„Дури и најдолгите патишта почнуваат со првите чекори. Ова се само први чекори на влегување во еден многу тежок и комплексен систем, а министерството, работната група и сите чинители во тој дел, на чело со Бирото за развој на образованието многу јасно ги препознаваат овие проблеми и знаат дека и решенијата не се така едноставни, туку тие се доста комплексни од сите аспекти. Почнувајќи од педагошки аспект, од ресурси, од инфраструктура и суперструктура на образование, па се до резултати на учење коишто треба да произлезат од ова“, рече академик Беџети.

Министерство за образование и наука

притисни ентер