Николоски: Брза пруга на Коридор 10, доизградба на железничкиот Коридор 8 и заедничкиот тунел со Бугарија, продолжуваме со крупните проекти во железницата - Канал 5

Македонија

Николоски: Брза пруга на Коридор 10, доизградба на железничкиот Коридор 8 и заедничкиот тунел со Бугарија, продолжуваме со крупните проекти во железницата

Од месец октомври започнавме да работиме на планирање на пругата. До лето ќе завршиме и потоа првите багери ќе ги видиме на терен.

Николоски: Брза пруга на Коридор 10, доизградба на железничкиот Коридор 8 и заедничкиот тунел со Бугарија, продолжуваме со крупните проекти во железницата

Во 2031 година проектот брза пруга ќе биде завршен, а во меѓувреме еден колосек или до 2028 ќе биде функционален, изјави вицепремиерот и министер за транспорт Александар Николоски, говорејќи за проектите во железницата.

-Сeга го работиме најзначајниот дел што не е видлив за грaѓаните, а тоа е добро планирање. Сега го работиме планирањето и подготовката. Кога ќе направите добро планирање тогаш проектот колку и да е комплициран оди брзо и во рок. Кога нема да направите тогаш ви се случува проектот да оди бавно и да не се решава, на пример Охрид - Кичeво. А имаме и добар пример автопатот Демир Капија Смоквица или Скопје - Штип. Очекувам до лето да завршиме и потоа првите багери да ги видиме на терен. Пет години откако ќе почнат да работат да се заврши и ветивме дека во 2031 година проектот брза пруга од граница север- југ да биде завршен. Имајќи предвид дека пругата ќе биде двоколосечна, една пруга во 2028 година ќе биде функционална, истакна Николоски.

Во однос на пругата на Коридор 8, како што информираат од Министерството за транспорт, тој истакнал дека тимови од двете железници работат интензивно на прекуграничниот тунел.

-Тимови од областа на железниците од Македонија и Бугарија активно работат на документацијата за изградба на меѓуграничниот тунел од железничката пруга, одлично одат работите и околу тендерските постапки од двете страни. Во Бугарија пред неколку дена помина договорот, се ратификуваше, од наша страна обврските се завршени, знаете дека повторно има политичка криза, за жал падна Владата таму. Се надевам дека Собранието таму ќе продолжи да работи во јануари месец, но без разлика на тоа, веќе интензивно работат железничките тимови од двете страни. Сега треба да се формира Комитет од двете страни, кој ќе треба да ја сработи документацијата за тунелот, која што пак најверојатно ќе е онаа која што ние веќе ја имаме како проект изработен од Македонски железници, рече Николоски.

Вкупната инвестиција на двете страни за целосно поврзување на Скопје и Софија, како што истакна вицепремиерот, ќе чини над 2 милијарди евра, од кои 810 милиони од македонска страна и 1 милијарда и 200 милиони евра на бугарска страна, стои во соопштението.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Генијален трик со помош на кој на авион ќе можете да понесете повеќе багаж бесплатно

Ако ви пречи тоа што не можете да понесете доволно облека бидејќи вашата авионска карта вклучува само рачен багаж, еве едно интересно решение.

Генијален трик со помош на кој на авион ќе можете да понесете повеќе багаж бесплатно

Една корисничка на Тикток открива генијален трик за избегнување на трошоците за багаж, а за сето тоа ви е потребно само една навлака за перница.

21-годишната Белгијка секоја година оди на одмор со авион и со тек на време научила неколку трикови за своите авантури. Отсекогаш и пречело тоа што не може да понесе доволно облека, бидејќи нејзината карта вклучувала само рачен багаж.

На видеото кое го сподели на социјалната мрежа Тикток, таа шета низ аеродромот со полна навлака од перница, а персоналот на авиокомпанијата воопшто не ја прегледува. Подоцна во видеото, таа пристигнува во хотел и ја отвора навлаката фрлајќи ги парчињата облека на креветот, покажувајќи всушност што имало внатре.

Таа ги советува нејзините придружници, навлаката да ја полнат исклучиво со меки работи за во текот на летот да ја користат. Исто така, додава и да не се однесувате сомничаво зашто не правите ништо погрешно. Корисниците на Тикток беа воодушевени од нејзината идеја. Видеото има повеќе од 40 милиони прегледи, но и коментари:

- Ја надмудри авиокомпанијата, генијална идеја! –напишал еден од корисниците.

- Многу паметно, ќе го пробам на следното патување со авион – додала друга корисничка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Природно чистење на цревата: „Метла“ салата и намирници за „чистење“ и на дебелото црево

Неодамнешните истражувања потврдуваат дека специфични растителни соединенија - фитонутриенти од зелен зеленчук делуваат како моќен регулатор на микробиомот и се клучни фактори во чистењето на цревата.

Природно чистење на цревата: „Метла“ салата и намирници за „чистење“ и на дебелото црево

Според студија објавена во списанието „Микроорганизми“, исхраната базирана на растенија богата со фитонутриенти не само што го забрзува елиминирањето на штетните супстанции од дебелото црево, туку и директно го поттикнува растот на корисни бактерии кои го намалуваат системското воспаление и го подобруваат метаболичкото здравје.

Чистењето на дебелото црево е неопходна биолошка потреба на современиот човек

Дали некогаш сте се разбудиле со чувство дека целото тело ви е „тешко“, иако сте се наспале доволно? Можеби се борите со постојана надуеност што не поминува ни по најлесниот оброк, или вашата концентрација на работа е на најниско ниво досега? Одговорот на овие проблеми ретко лежи во уште една шолја кафе. Тој лежи во вашиот дигестивен тракт.

Чистењето на дебелото црево и систематската детоксикација на цревата сега се неопходна биолошка потреба на современиот човек. Секој ден нашето тело обработува илјадници токсини - од адитиви во храната до загадување на воздухот. Кога овие процеси стануваат побавни, цревата складираат отпад што го труе остатокот од телото. Затоа експертите предлагаат како да го „ресетирате“ системот преку научно докажани методи и да ја вратите енергијата.

Зошто здравјето на цревата е клучно за целото тело?

Денес, науката го потврдува она што древната медицина отсекогаш го знаела: смртта, но и животот, започнува во цревата. Нашиот дигестивен систем не е само „цевка“ за храна - тоа е динамичен екосистем што ја контролира нашата биологија.

Според експертите од клиниката Мајо, разбирањето на микробиомот може драстично да го подобри не само варењето, туку и функцијата на мозокот, како и нивото на воспаление во телото. Се проценува дека дури 70 до 80 проценти од нашите имунолошки клетки се наоѓаат во цревниот тракт. Кога се детоксифицирате, директно ја зајакнувате вашата прва линија на одбрана од вируси и хронични болести. Покрај имунитетот, цревата се дом на трилиони микроби кои произведуваат витамини и го регулираат метаболизмот. Ако цревата се чисти, овие микроби работат за нас. Ако се полни со токсини, тие стануваат извор на воспаление. Затоа чистењето на цревата е првиот чекор кон целта за благосостојба, без разлика дали станува збор за губење на тежина или чистење на тенот.

Храна што природно го „чисти“ дебелото црево

Она што го јадеме помеѓу периодите на детоксикација одредува нашите црева ќе останат чисти. Клучот е да јадете лесно сварлива храна.

Цвекло: Содржи пигменти (беталини) кои му помагаат на црниот дроб во фазата 2 од детоксикацијата. Овие соединенија ги подготвуваат токсините за полесна елиминација преку цревата, додека природните нитрати го подобруваат протокот на крв низ дигестивниот тракт.

Ленено семе: Богато со слуз која набабрува во контакт со вода, ги обложува цревата и делува како ефикасен „лубрикант“ што го олеснува празнењето на столицата без иритација на слузницата.

Јаболка: Содржат пектин, вид растворливи влакна кои делуваат како биохемиски „лепак“ за токсините и тешките метали во цревата, безбедно отстранувајќи ги од телото.

Брокулата и карфиолот содржат сулфурни соединенија (како сулфорафан) кои го стимулираат производството на ензими за чистење и ја штитат ДНК-та на цревните клетки од оштетување.

Шпаргла: Одличен извор на специфични влакна кои делуваат како храна за добрите бактерии, но исто така содржат аминокиселина аспарагин, која помага во исфрлањето на вишокот вода и метаболички отпад од системот.

Целер (стебло): Делува како природен чистач поради неговата висока содржина на вода и минерали. Неговите влакна ја задржуваат влагата во дебелото црево, што спречува стврднување на столицата и го олеснува нејзиното елиминирање.

Коморач: Се користи со векови за смирување на воспаленија во цревата. Неговите влакна механички ги чистат цревните ѕидови, додека есенцијалните масла ги ублажуваат грчевите и го поттикнуваат ослободувањето на заробените гасови.

Артичоки: Содржат цинарин, кој го стимулира производството на жолчка, што е од суштинско значење за разградување на мастите и миење на токсините од црниот дроб директно во дигестивниот тракт поради исфрлање.

Лиснат зелен зеленчук (кељ, спанаќ, блитва): Преполн со хлорофил, кој ја штити слузокожата на цревата и ги неутрализира токсините од околината, дејствувајќи како природен внатрешен дезодоранс и прочистувач на крвта.

Ротквици: Содржат сулфурни соединенија кои го помагаат во одржувањето на здравјето на жолчното кесе, што е од суштинско значење за ефикасно празнење и чистење на тенкото црево.

„Метла“ салата за чистење на дебелото црево

Оваа салата името го добила бидејќи механички ги чисти цревата и го подобрува варењето на храната. За салатата ви е потребно:

Рендано сурово цвекло

Рендан морков

Сечкана зелка

За прелив додајте:

Сок од лимон

Една лажица ладно цедено масло од коноп.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бекамови го вклучуваат Бруклин во објавата за Денот на татковците и покрај наводната караница

Бруклин Бекам можеби не е во најдобри односи со своето семејство, но неговите родители сè уште мислат на него.

Бекамови го вклучуваат Бруклин во објавата за Денот на татковците и покрај наводната караница

Дејвид и Викторија Бекам вклучија фотографии од нивниот најстар син, 27, во нивните објави на Инстаграм за Денот на татковците.

Семејни честитки на Инстаграм

„Да бидам татко е мојата најважна работа... Ве сакам сите и ви благодарам, мама @victoriabeckham, што ни го подари нашето прекрасно семејство. Среќен Ден на татковците на сите татковци низ целиот свет“, напиша Дејвид на Инстаграм.

Викторија, исто така, објави почит на својот профил. „Дејвид, ти навистина си најдобриот татко. Нашите прекрасни деца отсекогаш биле твое најголемо достигнување и многу те сакаме. Среќен Ден на татковците“, рече таа. Таа вклучи фотографија од Дејвид како позира на плажа со сите нивни четири деца, вклучувајќи ги Ромео, 23, Круз, 21 и Харпер, 14.

Раздор во позадина

Објавите доаѓаат неколку дена откако Бруклин навидум ги прозва своите родители во реклама на „ DoorDash“ снимена пред Светското првенство. Во рекламата, Бруклин седи на каучот во својот дом додека во позадина се слуша фудбалски натпревар.

„Веројатно се прашувате зошто го гледам Светското првенство во 2026 година од дома“, вели Бруклин со насмевка. „Долга приказна е.“ Потоа станува и фрла неколку билети за турнирот на масичката за кафе. Рекламата завршува со натписот: „Комплицирано е. Наскоро повеќе.“

Бруклин, најстариот син на поранешниот фудбалер Дејвид Бекам и модната дизајнерка Викторија Бекам, во јануари објави долга изјава за неговите семејни проблеми и зошто не сака да го поправи својот нарушен однос со своите родители, браќа и сестра.

Извор: Индекс.хр

Тагови: Бекамови караница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер