Николина Андова добитничка на наградата „Мостови на Струга“ - Канал 5

Култура

Николина Андова добитничка на наградата „Мостови на Струга“

Младата македонска поетеса Николина Андова е добитничка на годинашната награда „Мостови на Струга“ за најдобра дебитантска поетска книга во светот, што ја доделуваат Струшките вечери на поезијата (СВП) и УНЕСКО.

Николина Андова добитничка на наградата „Мостови на Струга“
Како што истакна претседателот на Управниот одбор на СВП Славе Ѓорго Димоски на денешната прес-конференција, Андова наградата ја добива за дебитантската книга „Влезот е од другата страна“, а Одлуката на УО на СВП за доделување едногласно е донесена на состанокот на 15 јули годинава во Струга.

- Наградата „Мостови на Струга“ е воспоставена во 2004 година и во овие десет години си направи свое место така што стана една од најактуелните нагрди за млади поети која се доделува за дебитантска книга во светот. Наградата ја доделуваат СВП и УНЕСКО за најдобра дебитантска поетска книга во светот со цел да се промовираат поетските трендови на новите поетски генерации, рече Ѓорго Димовски.

Тој посочи дека книгата „Влезот е од другата страна“ импонира со своевиден занимлив поетски исказ кој вниманието на читателот го привлекува со својата необичност и провокативност, проткаени со префинета иронија и пародија, присутна речиси во сите песни без исклучок.

- Таа го актуелизира поетскиот субјект, го открива неговиот темперамент и сензибилитет, доведувајќи го поетскиот јазик во полна кондиција на нови откривања, значења и вредности. Во оваа книга ќе наидеме на многу интересни одговори, актуелни кои се однесуваат на сите нас, но љубопитниот читател во предвид треба да ги има сите лексички слоеви, преливи и нијанси, кои прецизно компонирани, тематски и поетички ја градат оваа целина со која Николина Андова влегува во сериозните кругови на македонската поезија, рече Ѓорго Димоски.

Добитничката Андова рече дека и е мило што е првиот поет од Македонија што ја добива наградата.

- Многу ми значи наградата зашто е за мојата прва книжевна објава која излезе пред само неколку месеци. Предходно ја немам многу експонирано мојата поезија и се надевам дека сега ќе стигне до поголема публика. Верувам дека пишуваме поради радоста на создавањето, но пред се поради радоста на споделувањето, рече Андова.

Директорот на СВП Мите Стефоски посочи дека од денеска е достапна и новата веб-страница на фестивалот www.svp.org.mk на која може да се најдат сите податоци поврзани со фестивалот и со светската поезија, зошто, како што рече, се она што било значајно во светската поезија во втората половина на 20.век и на почетокот на 21. век на некој начин било претставено на СВП.

- СВП во минатото имаше неколку веб-страници, но тие не беа вистинско огледало за големината на фестивалот, за значењето, ниту, пак, беа алатка која нема да биде само лична карта на фестивалот, туку ќе биде и дигитална поетска архива во која секој што сака ќе може да ги најде сите податоци поврзани со фестивалот и со светската поезија како што е сега. Целокупното архивско богатство од сите 5.000 поети кои поминале низ СВП сите автографи, аудиовизуелни материјали и поетски колекции, книги и изданија на СВП и за СВП, изданијата од излагањата на Симпозиумот и редица други кои се поврзани со СВП ќе се обидеме да ги ставиме во дигитална форма на нашата веб-страница која нема да биде обична. Ќе биде најголемата дигитална поетска архива и најголемата сеопшта антологија на светската поезија, рече Стефоски.

Тој посочи дека веб-страницата се уште е во изработка и оти ќе се надградува и во наредните две години.

Новата веб-страница како почетна точка го зема поетот од кого тргнува целата навигација, а покрај тоа е и детален водич низ програмата на фестивалот. Поврзана е со социјалните мрежи и има паметен пребарувач сличен на фејсбук. Главната база на податоци е поетската колекција која води до сите други информации.

Годинашното издание на СВП ќе почна на 22 август, а до 10 август ќе биде објавен и добитникот на наградата „Браќа Миладиновци“ што се доделува за најдобра поетска книга напишана на македонски јазик. Досега е потврдено учеството на 50-тина еминентни поети од странство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер