Никола Мемов – директор на ФПИОСМ: „На пензионерите треба да им се даде можност за вработување доколку сакаат и се работноспособни“ - Канал 5

Македонија

Никола Мемов – директор на ФПИОСМ: „На пензионерите треба да им се даде можност за вработување доколку сакаат и се работноспособни“

Целта на настанот, како што беше речено е актуелизирање на состојбата со работната сила во областа на приватното обезбедување и изнаоѓање на решение за нејзино подобрување.

Никола Мемов – директор на ФПИОСМ: „На пензионерите треба да им се даде можност за вработување доколку сакаат и се работноспособни“

Директорот на Фондот на ПИОМ, Никола Мемов учествуваше на Тркалезната маса – работна сесија - „Недостигот на работна сила: Од предизвик до можност преку активно стареење и искористување на позитивни искуства“ во организација на Комората на Македонија за приватно обезбедување.

Целта на настанот, како што беше речено е актуелизирање на состојбата со работната сила во областа на приватното обезбедување и изнаоѓање на решение за нејзино подобрување.

Во своето излагање директорот Мемов нагласи дека Фондот на ПИОМ е институција која не креира политики во областа, но дава предлози како состојбите да се подобрат врз основа на искуството од работата.

„Сметам дека пензионерите кои сакаат и се во добра здравствена состојба, треба да имаат можност за работа. Актуелната состојба на пазарот на трудот покажува дека има потреба од нив. Во областа на приватното обезбедување тие навистина може да дадат придонес, бидејќи поседуваат големо искуство и ги имаат бараните вештини“, рече Мемов и додаде дека вработувањаето на пензионерите треба да се однесува само за вработувањата во приватниот сектор.

Тој појасни дека со законското овозможување на ангажирањето на пензионери ќе има троен бенефит.

„Со вработувањето на пензионерите работодавачите ќе имаат лица со кои ќе ги пополнат работните места и за кои ќе плаќаат придонеси. Со тоа корист ќе има државата, бидејќи ќе прибира средства за пензиско, здравствено осигурување и други давачки, а корист ќе имаат и самите пензионери, бидејќи ќе имаат и пензија и плата“, потенцира директорот на Фондот, Мемов.

Професорот д-р Лазар Јовевски рече дека ова е тема која е длабоко поврзана со опстанокот и иднината на државата. Тој додаде дека стареењето на нацијата е факт, а за решавање на проблемот има два начина.

„Едниот пат е увоз на работна сила, кој си има свои последици, а кои што ги гледаме од искуството во западните земји, а вториот пат е внатрешно да се реорганизираме и да ги надминеме недостатоците. Ако се договорат сите чинители дека ќе се оди по вториот пат“, додаде Јовевски, „тогаш ќе треба да се редефинира правно-економската регулаторна рамка со која ќе се овоможат нови решенија за вработување, и правила на пазарот на труд“.

Претедателката на Комората, м-р Верица Милеска Стефановска нагласи дека секторот на приватното обезбедување се соочува со проблеми кои што поскоро треба да се

решат. Таа изнесе повеќе примери од нашето окружувње каде што на пензионерите им е дозволено да се вработат и да ја задржат пензијата.

Учесниците на тркалезната маса потенцираа дека мора да се направат измени во законската регулатива што поскоро и со тоа да се обезбеди работна сила која ќе ги поплни празните работни места во секторот на приватното обезбедување.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мајка во Германија си го заборавила бебето во автомобил- девојчето починало

Во Шорндорф, град во германската сојузна покраина Баден-Виртемберг, 20-месечно девојче почина откако беше оставено со часови во автомобил . 

Мајка во Германија си го заборавила бебето во автомобил- девојчето починало

Според првичните информации, детето било оставено во возилото од нејзината мајка. Криминалната полиција и канцеларијата на државниот обвинител започнаа истрага, пишува Берлинер Цајтунг.

Истрага против мајката

Полициската управа во Ален извести дека добила пријава за безживотно дете во автомобил паркиран на Рихард-Кафан-Штрасе околу 14:50 часот во среда.

Според досегашните информации, 44-годишната мајка го пронашла малото девојче во возилото дури попладне, неколку часа откако го оставила таму. Канцеларијата на државниот обвинител во Штутгарт потврди за германската новинска агенција дека мајката е под истрага поради сомнение за убиство од небрежност.

Обидот за реанимација бил неуспешен

Иако службите за итни случаи веднаш започнаа со мерки за реанимација по пристигнувањето на местото на настанот, обидите за нејзино оживување беа неуспешни и девојчето почина. Истрагата за точните околности на смртта ја презедоа криминалистичката полиција од Вајблинген и државното обвинителство во Штутгарт, кои изјавија дека интензивно работат на случајот.

Наредена е обдукција на телото на починатото девојче за да се утврди точната причина за смртта. Истражителите сè уште не објавија никакви информации за можните причини зошто мајката го оставила детето во автомобилот.

Тагови: девојче мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

„Жешко“ на трибините: Никој не гледа фудбал поради навивачка на Конго (ВИДЕО)

Натпреварот помеѓу Конго и Португалија заврши без победник (1:1), но резултатот на семафорот беше донекаде засенет од една атрактивна дама на трибините која стана апсолутен хит на социјалните мрежи.

„Жешко“ на трибините: Никој не гледа фудбал поради навивачка на Конго (ВИДЕО)

Додека играчите се бореа на теренот, вниманието на сите присутни, како и на ТВ камерите, го украде атрактивна конгоанска навивачка. Опремена со знаме и облечена во минијатурен син топ кој едвај ги држеше нејзините бујни облини, оваа убавица не штедеше енергија бодрејќи ги своите момчиња.

Во моменти на еуфорија, по постигнатиот гол на крајот од првото полувреме, таа почна енергично да скока, а оваа глетка никого не остави рамнодушен. Нејзините величествени гради „танцуваа“ во ритамот на навивањето, што предизвика вистински транс кај навивачите во нејзина близина.

Камерата ги сними лицата на мажите околу неа кои буквално не знаеја каде попрво да погледнат - кон теренот или кон нејзиното деколте кое се закануваше да „експлодира“.

Иако Конго успеа да ремизира против моќната Португалија и одигра 1:1, се чини дека овој натпревар ќе се памети исклучиво по „најсилните атрибути“ од трибините што го запалија интернетот.

И не само таа, туку и другите навивачи на овој африкански тим кои доминираа на трибините.

Тагови: Конго трибините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсен екс претседател на ФФМ Илчо Ѓорѓиоски поради сомнеж за финансиски малверзации,осомничени уште 17 лица

Акција, приведувања и сомнеж за проневера на речиси 3 милиони евра во Фудбалската федерација на Македонија. 

Уапсен екс претседател на ФФМ Илчо Ѓорѓиоски поради сомнеж за финансиски малверзации,осомничени уште 17 лица

Обвинителството отвори истрага против 18 физички и осум правни лица, меѓу кои и поранешните претседатели на ФФМ, Илчо Ѓорѓиоски и Муамед Сејдини. Во координирана акција на ОЈО ГОКК, МВР и Финансиската полиција денеска беа приведени 12 лица, додека петмина се недостапни. За десет лица ќе биде побаран притвор, а за седуммина мерки на претпазливост. Сејдини веќе се наоѓа во притвор во друга постапка.

Според истрагата, Ѓорѓиоски во периодот од 2015 до јули 2018 година, заедно со раководителката на финансии, присвоил над 2 милиони евра, додека Сејдини од јули 2018 до октомври 2019 година уште околу 870 илјади евра.

Обвинителството се сомнева дека парите биле извлекувани преку исплати кон компании врз основа на фиктивни фактури, а потоа преку сметководствени манипулации биле прикривани трагите за нивното трошење.

- Двајцата осомничени претседатели на ФФМ, во различни временски периоди, иако биле должни да обезбедат законито, економично, наменско и транспарентно користење на финансиските средства и да вршат контрола над финансиското работење на федерацијата, одобриле и потпишале вкупно 728 налози за исплата доставени од страна на осомничената раководителка. Со тоа овозможиле исплата на парични средства без целосна и валидна финансиска документација и без претходна проверка на основаноста и намената на исплатите. Постапувајќи спротивно на член 92 од Статутот на ФФМ и член 6 од Правилникот за организација на ФФМ, тие предизвикале штета на Фудбалската федерација на Македонија во вкупен износ од 180.802.365 денари.“ - Велат од ОЈО ГОКК.

Со реакција за денешната акција се огласија и од ФФМ.

- Осомничената раководителка изготвувала налози за исплата кои биле доставувани до одговорните лица во ФФМ за одобрување и потпишување. На овој начин на ФФМ ѝ била причинета штета во наведениот износ, додека правните лица се стекнале со противправна имотна корист. Потоа, средствата прибавени со кривичното дело биле примани, раситнувани, пуштани во оптек и користени во финансискиот промет со цел прикривање на нивното незаконско потекло. -ФФМ.

Под истрага се и повеќе сопственици и управители на компании осомничени за перење пари и прикривање на потеклото на средствата.

YouTube video

Тагови: ФФМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер