Невидено торнадо го уништи „градот на розите“- прогласен е црвен аларм (ВИДЕО) - Канал 5

Свет

Невидено торнадо го уништи „градот на розите“- прогласен е црвен аларм (ВИДЕО)

Осум лица се повредени откако торнадо го зафати јужно Чиле и уништи неколку згради.

Невидено торнадо го уништи „градот на розите“- прогласен е црвен аларм (ВИДЕО)

Торнадото го погоди градот Пуерто Варас околу 15:30 часот по локално време, со брзина на ветерот помеѓу 138 и 178 километри на час, објави БНО њуз.

Се верува дека торнадото предизвикало „умерена штета“ во градот, вклучувајќи сериозно оштетени покриви, превртени возила и киосци, скршени прозорци и врати што паднале.

Според Националната служба за спречување и реагирање при катастрофи (Senapred), од 15:30 часот според локално време, осум лица се повредени, а се проценува дека се оштетени околу 30 домови и еден супермаркет. Во областа е прогласена црвен аларм.

Новинарот Салвадор Шварцман напиша на мрежата X: „Петмина повредени и 10.000 без струја во Пуерто Варас. Триесет куќи се уништени, далноводи и дрвја се соборени, а многу покриви се однесени од налети на ветер од 170 км/ч“.

Во последователните објави, тој изјави дека супермаркетите се уништени и сподели снимки од оштетени автомобили и куќи во градот.

Чилеанската мрежа за геонаука соопшти дека торнадото се движело по југоисточен пат низ центарот на градот. Националната метеоролошка служба МетеоЧиле предупреди дека бурата претставува сериозна закана по животот и им препорача на граѓаните во погодените области да избегнуваат „непотребни ризици“.

Во метеорошкото предупредување се вели: „Се очекуваат временски феномени со висок интензитет, со голема можност за физички ризик и опасност по животот“.

„Останете информирани, следете ги упатствата на властите и бидете подготвени да преземете итни мерки“, се додава во соопштението, истакнувајќи дека торнадото уништило добар дел од инфраструктурата и соборило многу дрвја.

Видеата од торнадото покажуваат делови од згради како се вртат на ветерот, додека електричните кабли се нишаат во сите правци.

Фотографиите покажуваат сериозни штети на јавни објекти, вклучувајќи уништени бензински пумпи и оштетени станбени згради.

Градот Пуерто Варас, познат и како „град на розите“, е познат како туристичка дестинација.

Тагови: аларм Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напади уништени 12 милиони книги и учебници - Киев тврди дека станува збор за планирана кампања

Руски ракетен напад врз печатница во близина на Киев уништил огромна количина книги наменети за украинските ученици, во момент кога се интензивирало производството пред почетокот на новата учебна година. 

Во руски напади уништени 12 милиони книги и учебници - Киев тврди дека станува збор за планирана кампања

Во нападот целосно бил уништен погон во кој требало да се испечатат околу 1,3 милиони учебници, што претставува приближно 10 отсто од сите учебници планирани за печатење во украина, објави Би-Би-Си. Комерцијална директорка на издавачката куќа „Конви“, смета дека нападите врз печатниците и издавачките куќи се намерни. Во последните недели биле погодени повеќе од 35 објекти поврзани со издавачката дејност, а украинските медиуми известуваат дека во нападите биле уништени околу 12 милиони книги.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД го нападнаа Иран, Техеран возврати со напади на американски бази

Иран и Соединетите Американски Држави разменија жестоки напади, што е најголемата воена ескалација меѓу двете земји по повеќе од еден месец релативен мир.

САД го нападнаа Иран, Техеран возврати со напади на американски бази

Американската војска прво нападна два ирански лансери за ракети на островот ларак во Ормутскиот Теснец. Потоа Иран возврати со ракетен напад и беспилотни летала врз американските воени бази во Јордан, пишува CNN.

Централната команда на САД соопшти дека извршила „ограничена, прецизна акција против силите за поставување мини во Ормускиот Теснец“. Неколку часа по нападот, Доналд Трамп објави видеа со вештачка интелигенција, на кои се гледа како експлодира нафтена инфраструктура. Едно од нив имаше наслов „островот Харг е разнесен на парчиња“, алудирајќи на голем нафтен терминал покрај брегот на Иран, што Трамп се закани дека ќе го заземе.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре тргнува градскиот воз Зелениково – Скопје

Од утре почнува да сообраќа градскиот воз меѓу Зелениково и железничката станица Скопје. 

Утре тргнува градскиот воз Зелениково – Скопје

Линијата ќе има по осум поаѓања дневно во двата правца, а патувањето, зависно од терминот, ќе трае приближно од 24 до 28 минути.

Првиот воз од Зелениково ќе тргнува во 6:20 часот, а следните поаѓања се предвидени во 8:30, 12:26, 14:00, 16:25, 18:30, 20:12 и 21:55 часот. На патот кон централната железничка станица возот ќе минува преку Зелениково, Орешани, Јане Сандански, Драчево и Лисиче. Во обратниот правец, првиот воз од железничката станица Скопје ќе поаѓа во 5:32 часот. Потоа следуваат термините во 7:30, 11:40, 13:20, 15:42, 17:45, 19:12 и 20:56 часот. Картата ќе чини 40 денари, а повратен билет ќе биде 70 денари. Со пуштањето на оваа железничка врска во должина од 24,5 километри во која се инвестираа 5,7 милиони евра, се реализира првата фаза од најавениот проект „Градски воз“.

Тагови: градскиот воз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер