Свет

ТВ станица на удар на торнадо за време на временската прогноза: Скријте се под маса (ВИДЕО)

Телевизиска станица на Флорида била погодена од торнадо среде предупредување за торнадо, што ги запрепасти гледачите кои го следеа преносот во живо.

Метеорологот Брукс Гарнер од станицата WOFL Fox 35 во Орландо даваше ажурирање за лошите временски услови во државата Саншајн кога сфати дека торнадо се движи директно кон телевизиското студио.

„Најдете скривалиште. Сите во зградата на Фокс 35, одете на безбедно“, извика Гарнер, додека камерата на покривот на зградата сними силен дожд и ветрови кои се приближуваат, покажува снимката од директниот пренос.

"Скријте под вашите маси, луѓе. Менаџери, бегајте под вашите маси!"

Камерата целосно ја изгубила сликата во еден момент бидејќи Гарнер ги предупреди и гледачите и вработените во засолништето дека зградата сега се наоѓа во самиот центар на полето со отпад што го носи торнадото.

„Отпадот штотуку ја погоди зградата. Слушнавме на покривот. Дрвја, гранки, којзнае што друго“, рече тој додека на видеото се гледа како ветерот ги врти остатоци над покривот.

„Националната метеоролошка служба, ако слушате, ова е торнадо“, рече тој додека беснееше невремето, подоцна додавајќи: „Ова не беше потврдено од радарот, ние го потврдивме. Можам да ви кажам од прва рака, ова е вистинско торнадо“.

Светлото трепереше во студиото, една надворешна камера накратко замрзна, но торнадото не го прекина преносот во живо на локалната станица Фокс, на што Гарнер со олеснување прокоментира: „Фала му на небото за добрите услови во нашата станица“.

"Во овој бизнис сум 25 години и никогаш во мојата кариера не сум доживеал торнадо да погоди студио. Ова е многу, многу сериозна ситуација", рече Гарнер, обидувајќи се да здивне.

Откако невремето помина, метеорологот продолжи да известува за патеката на торнадото и да ги предупредува жителите на Орландо за неговата потенцијална опасност. Тој истакна дека торнадото не било премногу силно, со оглед на тоа што сообраќајот на автопатот се одвивал непречено и немало извештаи за поголеми штети.

Невремето уништило најмалку еден дом во погодената област, но двајца жители се неповредени, соопшти противпожарната служба на округот Семинол.

Флорида имала во просек по 46 торнада годишно од 2003 до 2022 година, според податоците на Weather.com.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Валбон Лимани бега од одговорност за скандалот со водата, СДС, ДУИ и Таравари го штитат со молк

Валбон Лимани, кандидатот на Филипче, Ахмети и Таравари, покажа дека за него најважно е да ја зачува функцијата, а не довербата на граѓаните.

Наместо да излезе пред јавноста со чувство на одговорност и да признае дека како градоначалник ја носи најголемата одговорност за случувањата во Општина Гостивар, тој избра да се огради од скандалот со водата и да порача дека не чувствува никаква морална одговорност.

Токму тоа е суштинската разлика меѓу политичарите кои преземаат одговорност и оние кои секогаш бараат изговори.

Кога целиот град е погоден од ваков сериозен проблем, граѓаните не очекуваат оправдувања, туку отчетност. Ако градоначалникот не е одговорен за работата на луѓето што самиот ги поставил да раководат со јавните претпријатија, тогаш кој е?

Дополнително загрижува молкот на СДС, ДУИ и Таравари. Наместо да побараат одговорност од својот кандидат, тие избраа да молчат. Очигледно, кога станува збор за нивни функционер, стандардите се менуваат, а принципите исчезнуваат.

Никој не смее да биде заштитен од политичка или институционална одговорност. Ги повикуваме надлежните институции целосно да го расчистат случајот, без селективност и без политички калкулации.

Граѓаните на Гостивар заслужуваат одговорност, а не ароганција, заслужуваат градоначалник кој ќе стои зад своите одлуки.

Оттука, сметаме дека моралната одговорност и политичките последици за Валбон Лимани се неизбежни доколку сака да покаже почит кон граѓаните на Гостивар.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Втор ден од посетата на индиската претседателка- ќе ги посети Спомен-куќата на Мајка Тереза и Музејот на град Скопје и Охрид

Претседателката на Индија Друпади Мурму на вториот ден од официјалната посета на земјава, денеска заедно со претседателката Гордана Сиљановска Давкова ќе ги посетат Спомен-куќата на Мајка Тереза и Музејот на град Скопје.

Претседателката на Индија Друпади Мурму на вториот ден од официјалната посета на земјава, денеска заедно со претседателката Гордана Сиљановска Давкова ќе ги посетат Спомен-куќата на Мајка Тереза и Музејот на град Скопје, кадешто ќе се обратат на церемонија на откривање на биста на Махатма Ганди.

По церемонијата во Музејот на град Скопје, претседателката Сиљановска-Давкова и претседателката Мурму ќе се упатат кон Охрид, кадешто ќе го посетат манастирскиот комплекс Свети Наум, како и манастири и цркви во стариот град на Охрид.

Вчера, на првиот ден од посетата на индиската претседателката заедно со владината и бизнис делегацијата, на средба во Вила Водно со Сиљановска Давкова, ги потврдија пријателските односи, заедничките вредности и заемната почит меѓу Македонија и Индија.

Ова е прва посета на индиски претседател на државава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Работевме до доцна во ноќта, продолжуваме и утрово – сите екипи остануваат на терен

Екипите на Општина Центар работеа до доцна во ноќта на расчистување на последиците од силното невреме што ја зафати општината.

Веднаш по невремето беше свикан итен состанок на Општинскиот штаб за заштита и спасување, по што сите расположливи служби беа упатени на терен и започнаа со интервенции на најкритичните локации.

Во текот на ноќта беа расчистени повеќе локации во Капиштец, Дебар Маало, населба Пролет и потегот кај Соборниот храм, а екипите интервенираа и во Буњаковец, како и на други места каде што беа пријавени паднати дрвја, оштетувања и опасности за безбедноста на граѓаните.

„Работевме до доцна во ноќта и уште од раните утрински часови повторно сме на терен. Приоритет ни е да ги отстраниме сите опасности и што побрзо да ја нормализираме состојбата. Благодарам на сите служби за нивната пожртвуваност и на граѓаните за разбирањето, трпението и навремените пријави“, изјави градоначалникот Горан Герасимовски.

Општина Центар и понатаму ги повикува граѓаните да пријавуваат кризни локации, паднати дрвја, оштетувања на инфраструктурата или каква било ситуација што може да ја загрози безбедноста на следните телефонски броеви:

075 219 068
076 350 767

Секоја навремена пријава овозможува побрза реакција на терен.

Воедно, апелираме до граѓаните, онаму каде што имаат можност, да помогнат во расчистување на своите дворови и просторот пред своите домови, со цел побрзо нормализирање на состојбата.

Екипите на Општина Центар и денес продолжуваат со интензивни активности на терен и ќе интервенираат согласно приоритетите и пристигнатите пријави, сè до целосно санирање на последиците од невремето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.