Живот

Неверојатно е тоа што го прават „Тему“ и „Шејн“: Европа реагираше – еве што прават со производите

Европскиот комесар за правда Мајкл Мекграт денеска изјави дека е шокиран од начинот на кој кинеските трговци на мало ги заобиколуваат законите на Европската Унија.

Мекграт ова го изјави по повод извештај на пратеници од Европскиот парламент во кој се наведуваат примери на производи што се продаваат преку кинеските платформи „Тему“ и „Шејн“, за кои се тврди дека содржат опасни или небезбедни материи.

– Шокиран сум и сметам дека имаме обврска да ги заштитиме европските потрошувачи – изјави Мекграт за „Гардијан“.

Moжеби ќе ве интересира: Царините би можеле да ги поскапат производите на Тему?

Тој додаде дека ги очекува резултатите од операцијата „таен купувач“, односно поширока истрага преку тајни, анонимни купувања, со цел дополнително тестирање на веќе собраните докази дека кинеските трговци ги заобиколуваат законите на ЕУ, пренесува Б92.

Иако потрошувачките здруженија се загрижени за безбедноста, Мекграт истакна дека е исто така загрижен дека овие платформи за онлајн купување, чие што влијание драматично се зголемило во последните две години, му штетат на локалниот бизнис преку нелојална конкуренција.

– Растот е извонреден и врши огромен притисок врз системите на земјите членки. Одлучен сум да го засилиме спроведувањето на нашите закони за безбедност на производи и правилата за заштита на потрошувачите. Не се работи само за заштита на потрошувачите, туку и за многу сериозен проблем со еднакви услови за сите европски компании, бидејќи од нив се очекува да се натпреваруваат со продавачи што не ги почитуваат нашите правила – изјави Мекграт.

Меѓу најсериозните примери што ги навел се цуцли со монистра кои лесно се одвојуваат, што претставува опасност од задушување бидејќи не поседувале пропишан отвор преку кој бебето, доколку случајно ја проголта една од монистрите, би можело и понатаму да вдишува воздух.

Меѓу другите производи кои ги навеле европратениците во извештајот објавен овој месец се и детски дождовни мантили со токсични хемикалии, очила за сонце без УВ-филтер и детски шорцеви со врвка за стегање подолга од дозволената, што претставува опасност од сопнување.

Податоците на ЕУ покажуваат дека секојдневно во Унијата влегуваат 12 милиони производи со мала вредност, што изнесува 4,6 милијарди пратки под 150 евра за 2024 година – двојно повеќе од 2023 и трипати повеќе од 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со едноминутен молк во Собранието одбележана 35-годишнината од независност на Украина

Со оддавање почит кон загинатите и едноминутен молк, во Собранието се одржа сесија на интерпартиската парламентарна група за поддршка на кримската платформа, посветена на одбележувањето на 35-годишнината од независноста на Украина..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жителите на гостиварско Дебреше половина година без вода – најавуваат блокади на патишта

Речиси половина година полна со ветувања, но и натаму со празни чешми, жителите на гостиварското село Дебреше продолжуваат летните горештини да ги минуваат без капка вода во домовите.

Конечно решеавање на овој децениски проблем им беше ветено најдоцна до 15ти јули, но велат состојбата не е мрдната од “мртва точка“ - и натаму надлежните само декларативно се залагаат, а во последниот период ги избегнуваат и нивните повици. Револтот велат кај жителите секојдневно расте, велат тие, па по неколкуте протести, од кои еден помина потензично, најавуваат блокада на главниот пат Гостивар – Охрид.

-На новиот директор му се јавив, ми кажуваше „треба ова, треба она, запознаен сум“ – Му реков, во ред, убаво што сте запознаени, но дали имате нешто преземено. Тој вели треба рестрикција, јас му реков дај преземете, ништо од тоа. Повторно го барам прво ѕвонење – ѕвони и телефонот исклучува. Ако ништо не се преземе, ќе мора цело село да се организираме и да се блокираат патишта за да добиеме вода, ова веќе 5 месеци, капка, значи воопшто, капка не е падната од чешмите. Планираме да блокираме после патарина Гостивар и Здуњнска крстосница, тој пат да биде онеспособен тотално, целосно. Тоа е главниот пат кон Охрид. Да, да. - Гаврил Исајлоски – Жител на С. Дебреше.

Во Гостивар за време на епидемијата се носеа полни цистерни со вода, а во Дебреше не е однесена ниту капка, половина година, вели Исајлоски, кој секојдневно со возилото оди во соседните села да наполни вода за семејството. Се жали, едноставно веќе е и физички исцрпен.

-Секој ден одиме, колата ја искршив, по 200л вода ставам во кола, тоа е секој ден, треба да се полнат тие туби, да ги растовариш, да ги натовариш во автомобил, кога ќе дојдеш до село да ги истовариш. Тоа е секој ден значи и раце и коли и нозе, ова е невидено, пет месеци, пет, можеби и повеќе, капка вода од цевките нема потечено, многу се изреволтирани сите. Во Македонија има и села и населби, ние сме Македонија целосно, не се само градовите. - Гаврил Исајлоски – Жител на С. Дебреше.

Дека во првите две недели од јули проблемот ќе биде трајно решен, градоначалникот на Гостивар Лимани тогаш уверуваше и во изјава за Канал 5.

На минатиот протест, жителите на Дебреше пред општината симболично донесоа кофи да им бидат наополнети, а дојде и до турканица при што беше искршено стакло од зградата на општината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Досега потврдени вкупно 44 случаи со западнонилска треска, од кои 43 се хоспитализирани

Додека помладите со западно нилска треска се испишуваат од болница, нови седумина сомнителни за западно нилска треска се хоспитализирани на Инфективна, а тројца се најкритични и се борат за живот.

Додека помладите со западно нилска треска се испишуваат од болница, нови седумина сомнителни за западно нилска треска се хоспитализирани на Инфективна, а тројца се најкритични и се борат за живот, потврдуваат здравствените власти. Најмладите 24 годишно момче и 25 годишна девојка веќе се пуштени дома, вели Министерот за здравство Сашо Клековски, но поради тоа што бил засегнат мозокот за дел од испишаните пациенти пак ќе треба мецинска помош односно рехабилитација. За тоа дали најлошото помина или допрва доаѓа, Клековски вели дека има добри знаци на стагнација на епидемиолошката крива, што може да значи дека мерките како што е прскањето од земја даваат резултати.ишно момче и 25 годишна девојка се пуштени дома. Сепак, тоа поради што бил засегнат енергијата за нив и за делот од спе

Во меѓувреме, Општина Кисела вода донесе одлука да исклучи три фонтани, од кои две во населбата и село Драчево, а и неколку јавни чешми, бидејќи поради високите температури и задржувањето на стоечка вода, овие места се оценети како потенцијални жаришта за размножување на комарците.

Од Општина Аеродром велат дека во координација со здравствените власти ја следат состојбата, но засега не се планира исклучување на фонтани или јавни чешми за вода. Од Ѓорче пак, велат дека освен на една локација каде што има проблем со дефект на хирант на кој се работи немаат застоени води. Во главно, речиси сите општини што ги контактиравме кажаа дека ако е неопходно, иако е непопуларна мерка, ќе се спроведе.

Здравствените власти за наредните денови најавија дека објават интерактивна мапа, за сите во реално време да знаат каде и какви мерки се преземаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.