Нема јасен победник на изборите во Бугарија - Канал 5

Балкан

Нема јасен победник на изборите во Бугарија

Денот по изборите не ја расчисти политичката неизвесност во Бугарија. 

Нема јасен победник на изборите во Бугарија

По 95 проценти избројани гласови, се уште останува непознато кој е победник на изборите, со оглед на разликата од 0,25 проценти во корист на Борисов пред Трифонов.

ГЕРБ има23,69% проценти, Има таков народ на Трифонов 23,91%. Следат Бугарските социјалисти со 13,51% и Демократска Бугарија со 12,56%. Место во парламентот обезбедија и „Движењето за права и слободи“ со безмалку 11 и Исправи се со 5,03%. Партијата на Каракачанов со „Бугарски патриоти“ повторно остана во аут.

Иако за официјалните резултати ќе се почека барем до четврток, помалку изнененадувачки шоуменот Слави Трифонов во видео обраќање најави дека ќе формира експертска влада, без да фигурира во неа и без да коалицира со ниту една партија. Не откри на што го базира ваквиот оптимизам, со оглед дека за состав на Влада ќе му недостасуваат околу 60 пратеника, кои би можел да ги обезбеди само со поддршка на некоја од поголемите партии, со кои тој одбива соработка. За премиер го предложи економистот Николај Василев, министер во три различни ресори – економија, транспорт и врски и администрација во периодот од 2001та до 2009-тата година. За министер за надворешни, пак, Ради Најденов, поранешен шеф на дипломатија и амбасадор во четири европски земји. Шоуменот во приоритетите најави од отворање на градинки до вселенски проекти, во кои од незнање или како класична провокација, рече дека гледа и северномакедонски астронаут.

-Ќе направам се што е возможно да испратам маж и жена кои ќе бидат првите бугарски астронаути во НАСА. Ќе направам се што е возможно ним да им се приклучи и еден северномакедонски астронаут за да не гледаме надолу во земјата од срам, туку да почнеме да гледаме нагоре кон ѕвездите. Време е за идеи, а не за објави. , изјави Слави Трифонов, лидер на „Има таков народ“

Дел од експертите гледаат две можни сценарија или нови избори или експертска влада каква што нуди Трифонов, но на стаклени нозе. Сметатаат дека било која опција нема да има легитимитет со оглед на ниската излезност од 38 проценти, што според математиката, би значело дека за победникот не гласале ниту 10 проценти од Бугарите со право на глас.

-Многу ќе и биде тешко на новата влада. Претпоставувам дека ќе има експертски состав, поддржан од таканаречените „партии на протестот“, веројатно од ДПС и од БСП. ГЕРГ ќе останат во опозиција извесно време. Не очекувам дека таква влада ќе биде стабилна., вели Марија Пиргова, политиколог

Според Уставот, претседателот Радев треба да му го даде мандатот на победникот, а доколку тој не успее да обезбеди мнозинство мандатот оди кај второпласираниот, па кај дел од останатите партии. На априлските избори процесот заврши неуспешно, по што беше назначена техничка влада и распишани нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија .

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија и дека понатамошните одговори, односно целите за напади со долг дострел, веќе се утврдени.

„Благодарен сум на секоја единица за нивната прецизност и на сите наши одбранбени и безбедносни сили на Украина за систематската природа на украинските напади со долг дострел. Операцијата против руската индустрија за рафинирање на нафта продолжува, како одговор на руските напади врз украинските енергетски објекти“, рече Зеленски во објава на Телеграм, пренесува Укринформ.

Зеленски додаде дека електраните, енергетските мрежи, снабдувањето со топлина, снабдувањето со вода и цивилната логистика на територијата на Украина се под постојани напади од руски беспилотни летала и ракети „Шахид“, и дека Русија не ја менува природата на своите агресивни активности и дека ги напуштила чекорите за деескалација за кои зборуваа партнерите и дека планира понатамошни напади.

Тој рече дека искуството од хуманитарната операција во градот Олешки, кој е под руска контрола, во југоисточна Украина, каде што кон крајот на октомври беше воспоставено локално примирје за неколку дена за хуманитарни активности, покажува дека ако рускиот претседател Владимир Путин одлучи да ја запре војната, може да дојде до смирување.

„Украина не треба да биде убедена дека е потребен мир што е можно поскоро. Ние го сакаме тоа. Русија треба да одлучи дека времето за војна е завршено. Нашите напади со долг дострел, нашите напади со среден дострел, како и целиот притисок од партнерите врз Русија поради оваа војна, тоа е она што создава мотивација за вистински преговори“, нагласи Зеленски.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка на воените тунели (ВИДЕО)

Државните медиуми на Иран објавија снимки за кои тврдат дека ги прикажуваат подземните тунели на морнарицата на Исламската револуционерна гарда (ИРГЦ) на југот од земјата. 

Иран објави снимка на воените тунели (ВИДЕО)

Камиони со лансери и ракетни тенкови може да се видат во ходниците. Ирански извори наведуваат дека во комплексот се складирани противбродски ракети и моторни чамци.

Снимката, исто така, го прикажува Абдолах Хаџи-Садеги, претставникот на иранскиот врховен лидер во ИРГЦ, како го обиколува комплексот со воени претставници. Лансирање ракета беше прикажано во посебни кадри, но не е потврдено дека овие сцени се снимени за време на обиколката.

Точната локација на тунелот и датумот на снимањето не се независно потврдени.

Видеото објавено по американските напади

Видеото е објавено еден ден откако САД извршија ограничени напади на иранскиот остров Кешм во Ормутскиот теснец. Американски функционер ги опиша како одбранбени напади и рече дека тие не значат враќање на големи борбени операции против Иран.

Не е потврдено дека објавувањето на снимките е поврзано со нападите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судот му нанесе уште еден удар на Трамп- блокирана е изградбата на неговата Триумфална капија во Вашингтон

Федералната судијка на САД, Тања Чуткан, издаде привремена забрана за изградба на Триумфалната капија на претседателот Доналд Трамп во областа на Вашингтон.

Судот му нанесе уште еден удар на Трамп- блокирана е изградбата на неговата Триумфална капија во Вашингтон

Федералната судијка на САД, Тања Чуткан, издаде привремена забрана за изградба на Триумфалната капија на претседателот Доналд Трамп во областа на Вашингтон, кратко откако комисија за планирање предводена од членови на Комисијата за планирање на Трамп ја одобри нејзината изградба.

Привремената забрана ѝ забранува на администрацијата да „започне, изврши или на друг начин да изврши каква било изградба, ископ или други чекори“ во проектот Триумфална капија во период од 14 дена, објави NBC News.

Наредбата на судијата дојде еден час откако Националната комисија за планирање на капиталот го одобри огромниот и контроверзен проект за лакови, кој ќе биде сместен во Меморијалниот круг помеѓу Споменикот на Линколн и Националните гробишта Арлингтон.

Дистриктот Колумбија и американската држава Вирџинија поднесоа тужба со која бараат привремена забрана за Триумфалната капија.

Демократскиот конгресмен Дон Бејер од Вирџинија ја поздрави пресудата и го обвини Трамп дека се обидува да ги заобиколи законските пречки.

„Оваа борба не е завршена. Иако оваа одлука го спречува Доналд Трамп веднаш да ги спроведе своите планови за создавање споменик на неговото его, судовите и Конгресот мора да воспостават трајни заштитни мерки за да ја спречат администрацијата на Трамп да го прекрши законот и да продолжи со овој проект“, се вели во соопштението на Баер.

Администрацијата на Трамп ја пофали одлуката на комисијата да ја одобри Триумфалната капија и ја критикуваше пресудата со која беше блокирана.

„Белата куќа ја поздравува одлуката на Националната комисија за планирање на капиталот целосно да ја одобри историската визија на претседателот Трамп за многу потребната Триумфална капија во Вашингтон. Активистичкиот Окружен суд потоа го блокираше проектот“, изјави портпаролот на Белата куќа, Дејвис Ингл, во соопштението на платформата X.

Тој рече дека администрацијата е уверена дека барањата за Триумфалната капија ќе бидат „целосно оправдани додека продолжува овој судски спор“.

Тагови: Доналд Трамп Триумфална капија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер