Некои луѓе стареат три пати побрзо од останатите - Канал 5

Некои луѓе стареат три пати побрзо од останатите

Некои луѓе стареат три пати побрзо во однос на своите врсници, покажува новото истражување.

Некои луѓе стареат три пати побрзо од останатите
Американските научници кои го спровеле истражувањето на една група на луѓе на возраст од 38 години, откриле дека секој од нив има поинаква “биолошка старост“ – од 28 до 61 година.

Експертите направиле 18 тестови, за да ја одредат брзината на стареењето – испитување на бубрезите, црниот дроб, белите дробови и имунолошкиот систем, како и брзината на метаболизмот, холестеролот, здравјето на срцето и должината на теломерите – заштитните капи на краевите на хромозомите.

Истражувањето било спроведено на 871 испитаник кај кои биомаркерите се мерени кога имале 26, 32 и 38 години.

Иако биолошката старост се поклопува со хронолошките години, некои стареат три пати побрзо, додека други не остареле воопшто во текот на дванаесетгодишниот период.

Научниците напишале дека некои од испитаниците дури и пред средните години остареле побрзо и биле “физички помалку способни и покажувале знаци на когнитивно пропаѓање и стареење на мозокот“.

Меѓутоа, научниците истакнуваат дека стареењето не зависи од генетиката, бидејќи во истражувањата дури и близнаците старееле на различен начин.

„Тоа ни дава надеж дека медицината можеби ќе го забави процесот на стареење и ќе им овозможи на луѓето поздрави и поактивни години“ изјави еден од авторите, професорот Тери Мофит, истражувач од универзитетот Дјук.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Дамата со камелии“ – раскошна балетска приказна за љубовта

Инспирирана од познатата приказна за Маргарита и Арман, претставата ја пренесува на балетската сцена љубовната судбина на двајцата главни ликови.

„Дамата со камелии“ – раскошна балетска приказна за љубовта

На 28 ноември со почеток во 19.30 часот, на сцената на Националната опера и балет ќе биде изведена раскошната балетска претстава „Дамата со камелии“ – емотивна сценска приказна за љубовта, страста и жртвата, раскажана преку моќта на танцот и музиката на Џузепе Верди.

Инспирирана од познатата приказна за Маргарита и Арман, претставата ја пренесува на балетската сцена љубовната судбина на двајцата главни ликови.

Музиката на Верди, препознатлива по својата мелодиска убавина и силен емоционален набој, ја надополнува драматургијата и ја продлабочува приказната за љубовта, личните жртви и општествените ограничувања.

Изведбата ќе биде под диригентската палка на Едуард Амбарцумјан од Ерменија, додека кореографијата е на Василиј Медведев, еден од истакнатите руски кореографи, кој соработува со водечките балетски театри, меѓу кои „Бољшој“ во Москва и „Марински“ во Санкт Петербург. Сценографијата и костимографијата се дело на Павол Јураш од Словачка, а концерт-мајстор е Јане Бакевски.

Во главните улоги на Маргарита и Арман ќе настапат Марија Кичевска Шокаровска и Франциско Хименес Руиз од Шпанија, заедно со солистите, балетскиот ансамбл и оркестарот на Националната опера и балет.

Со раскошна сценографија, впечатливи костими, музиката на Верди и кореографијата на Василиј Медведев, „Дамата со камелии“ ја оживува безвременската љубовна приказна преку елеганцијата на балетскиот израз и силата на сценските емоции.

Национална опера и балет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хашим Тачи доби уште една затворска казна

Денеска Специјалниот суд го осуди Хашим Тачи на 17 месеци затвор, Башким Смакај на 12 месеци, Фадил Фазлију на 12 месеци, Хајредин Кучи на условна казна од една година, додека Исни Килај е ослободен од сите обвиненија.

Хашим Тачи доби уште една затворска казна

По одлуката, Специјалниот суд веќе ја објави целосната пресуда во случајот Тачи и др. за попречување на правдата, објави Индексонлајн.

Тој беше прогласен за виновен за „обид за попречување на службени лица во вршењето на нивните службени должности“ преку заедничко дејствување, за „повреда на тајноста на постапката“ и за „непочитување на судот“.

Тој беше осуден на единствена казна од 17 месеци затвор. Во исто време, тој е ослободен од едно кривично дело „обид за попречување на службено лице“.

Обвинителството тврди дека разговорите снимени за време на посетите во притвор докажуваат обиди за влијание врз сведоците, додека одбраната ги оспори овие тврдења, барајќи обвиненијата да бидат отфрлени.

Целосна одлука:

Денес, 17 ноември 2026 година, судијата на Специјализираните совети на Косово (ССК) ја донесе својата пресуда во судењето на Специјализираниот обвинител против Хашим Тачи, Башким Смакај, Исни Киљај, Фадил Фазлију и Хајредин Кучи.

Овие постапки се однесуваат на кривични дела против спроведувањето на правдата и јавниот ред во врска со второто судење пред овој Трибунал (Тачи и др., познат како Случај 6), во кое Тачи беше обвинет и се соочува со обвиненија за воени злосторства и злосторства против човештвото.

Судијата утврди дека Тачи открил доверливи информации за одредени сведоци во неговото судење за воени злосторства на посетителите на неговата притворска единица во 2023 година и дека им дал упатства на сведоците преку посетителите за тоа како треба да сведочат на неговото судење за воени злосторства.

Судијата го прогласи Хашим Тачи за виновен за обид за попречување на службени лица во вршењето на нивните службени должности, кршење на тајноста на постапката и непочитување на судот, за што беше осуден на 17 месеци затвор, кои треба да се издржуваат одделно од која било друга казна изречена за неговата вина во случајот за воени злосторства Тачи и др.

Башким Смакај беше прогласен за виновен за обид за попречување на службени лица и помагање и поттикнување на непочитување на судот, за што беше осуден на 12 месеци затвор. Пресметувајќи го времето поминато во притвор, поединечниот судија ја сметаше издржаната казна и беше ослободен.

Фадил Фазлиу беше прогласен за виновен за обид за попречување на службени лица и помагање и поттикнување на непочитување на судот, за што беше осуден на 12 месеци затвор. Пресметувајќи го времето поминато во притвор, поединечниот судија ја сметаше издржаната казна и беше ослободен.

Хајредин Кучи беше прогласен за виновен по едно обвинение за непочитување на судот, за што беше осуден на условна едномесечна затворска казна, која ќе се смета за издржана по една година доколку во тој период не стори друго кривично дело според Кривичниот законик на Косово.

Исни Килај беше ослободен од обвиненијата против него.

Во својата пресуда, поединечниот судија ја нагласи суштинската тежина на извршените кривични дела. Тој истакна дека попречувањето на службените должности при водењето на судењето претставува напад врз интегритетот на судскиот систем, кој служи како основа на владеењето на правото.

МОЖЕТЕ ДА ЈА СЛЕДИТЕ ПРЕСУДАТА ТУКА.

Како што претходно беше објавено, обвинителството ги толкува овие материјали како докази за обиди за влијание врз сведоците. Адвокатите на Тачи го оспоруваат и толкувањето и веродостојноста на транскриптите.

Во својот завршен поднесок, одбраната тврди дека истрагата не обезбедила докази за несоодветни контакти со сведоци во име на поранешниот претседател.

Според адвокатите, делови од разговорите биле неразбирливи, додека транскриптот од страна на персоналот на Обвинителството ризикувал да биде под влијание на очекувањата на самите истражители.

Одбраната, исто така, се спротивставува на третманот како доверливи на информациите што, според нејзините тврдења, биле јавно познати или претставувале споделени спомени на Тачи со посетителите.

Адвокатите, исто така, тврдат дека кривичните одредби биле толкувани надвор од значењето што го имаат во судската пракса на Косово. Ова остануваат аргументи на одбраната, сè уште без конечна оценка од страна на судот.

Вештакот Хелен Фрејзер, повикан од одбраната, сведочеше за прашањето за транскриптот. Таа оцени дека веродостојноста на транскриптите е ниска.

Сепак, Фрејзер појасни дека не може да тврди дека транскриптите се погрешни. Таа, исто така, го призна ограничувањето што произлегува од нејзиното непознавање на албанскиот јазик.

Нејзините критики се однесуваа на употребениот метод и недостатокот на доволни гаранции за точноста на презентираниот материјал.

Обвинителството ја оспорува оваа проценка. Се потпира на снимки, документи за кои тврди дека ги поткрепуваат и проверки од страна на јазичната служба на судот. Во својот завршен збор, обвинителот Џошуа Хафец спомена околу 28 часа разговори снимени за време на девет посети, распоредени во текот на четири месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наследници ја оспоруваат продажбата на ремек дело на Ван Гог поради нацистички притисок

Продажбата на слика од холандскиот сликар Винсент ван Гог, чија вредност се проценува на 180 милиони долари, е доведена во прашање откако наследниците на нејзиниот поранешен еврејски сопственик поднесоа приговор.

Наследници ја оспоруваат продажбата на ремек дело на Ван Гог поради нацистички притисок

Продажбата на слика од холандскиот сликар Винсент ван Гог, чија вредност се проценува на 180 милиони долари, е доведена во прашање откако наследниците на нејзиниот поранешен еврејски сопственик поднесоа приговор, тврдејќи дека семејството било принудено да го продаде уметничкото дело под притисок на нацистичкиот режим.

Ремек делото „Цветови од костен“, насликана од Ван Гог во 1890 година, ќе биде понудена на аукција во „Сотбис“ во Њујорк во среда навечер, објавува британски „Телеграф“.

Доколку се продаде по проценетата цена, би можела да стане најскапото уметничко дело понудено на аукција во текот на есенската сезона оваа година.

Наследниците, кои живеат во Соединетите Американски Држави, тврдат дека нивното семејство било принудено да ја продаде сликата во Амстердам во 1936 година поради нацистичкиот прогон на Евреите во Германија.

Нивниот адвокат со седиште во Берлин, Гунар Шнабел, побара аукцијата да се одложи освен ако „Сотбис“ не може да докаже дека сликата е продадена по пазарна вредност и дека семејството би се согласило на продажбата доколку немало нацистички режим.

Шнабел рече дека неговите клиенти биле подготвени да работат на фер спогодба во согласност со Вашингтонските принципи од 1998 година, меѓународни упатства за решавање на прашањето за уметнички дела конфискувани или продадени под принуда за време на нацистичкиот период.

Сликата била купена во 1909 година од Самуел Фишер, основач на германската издавачка куќа S. Fischer Verlag и прадедо на еден од наследниците што ја оспорувале продажбата.

По неговата смрт во 1934 година, издавачката куќа ја презел неговиот зет Готфрид Берман Фишер.

Како што растел нацистичкиот режим, многу од авторите што ги претставувала издавачката куќа се соочиле со цензура и забрани за објавување, а Берман Фишер бил принуден да се пресели во Виена.

Семејството ја доверило сликата, заедно со две дела од Пол Сезан, на трговецот со уметнички дела Валтер Фајхенфелд во галеријата Пол Касирер во Амстердам на почетокот на 1930-тите.

Според адвокатот, сликата била продадена три месеци откако семејството го напуштило Берлин, бидејќи нацистичките власти го ограничиле имотот што Евреите можеле да го изнесат од земјата.

Семејството, исто така, наводно било принудено да плати посебен данок при напуштање на Рајхот, воведен за да се спречи изнесување пари од Германија за време на емиграцијата.

Сотби изјави дека е свесен за жалбите на наследниците и дека е во разговори со нив за историјата на сликата.

Од аукциската куќа изјави дека нивното досегашно истражување не потврдило дека уметничкото дело е продадено под принуда, но дека е посветено на наоѓање решение прифатливо за двете страни.

Сè уште не е потврдено дали аукцијата ќе се одржи според планот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер