Неделен хороскоп за 29. мај до 5. јуни 2023 година - Канал 5

Неделен хороскоп за 29. мај до 5. јуни 2023 година

Неделен хороскоп за периодот од понеделник 29.мај до 5. јуни 2023 година. 

Неделен хороскоп за 29. мај до 5. јуни 2023 година

Близнаци 21.5.-21.6.

Љубов

Пред вас е недела исполнета со интензивни излегувања и бројни шанси за љубов. Вашиот социјален живот ќе оживее и ќе стане толку богат , што во прв момент можеби нема да се снајдете. Прифаќајте ги поканите, дотерајте се и излегувајте меѓу луѓе.

Кариера

Излезете и во пресрет на една личност , која не е сигурна како да ја заврши работата. Бидете отворени , зашто на крајот ќе стане збор за заеднички резултати , што ќе дојдат нешто подоцна. Благодарноста што ќе дојде , ќе ви биде добар мотив за понатамошната работа.

Здравје и совет

Прифатете ги луѓето околу вас.

Рак 22.6-22.7.

Љубов

Малите грижи во приватниот живот ќе ги компензирате со добрите аспекти во другите сфери на животот. Многумина ќе бараат излез во својата работа или во друшттво на пријатели и таму ќе останат додека не најдат нешто што ќе ги привлече емоционално. Многу ќе разговарате со сите.

Кариера

Ќе се замислите над својата иднина , а посебно над своите таленти. Ќе увидите дека тие не се до крај изразени и искористени. Ќе барате начин како да ги вклопите во работата , а некои ќе се впуштат и во дополнителна работа надвор од работното место.

Здравје и совет

Бидете свесни за себе.

Лав 23.7-22.8.

Љубов

Деновиве ќе мешате два приватни стила- едниот е разновиден , атрактивен и со многу луѓе , а другиот е тивок , повлечен , обичен, секојдневен. Некогаш ќе бидете главна цел на додворување , а другиот ден обична личност што ја забележуваат само пријателите. Ќе се чувствувате добро.

Кариера

Можете повеќе отколку што мислите. Угледни луѓе ќе ве поддржат , но не стигнуваат потребните заслуги. Поради сето тоа ќе ви биде потребно трпение. И натаму ќе работите без премногу прашања , зашто наскоро ќе го добиете очекуваното. Бидете професионални и сериозни.

Здравје и совет

Вежбајте ја концентрацијата.

Девица 23.8.-23.9.

Љубов

Во текот на наредните денови ќе знаете да се опуштите. Ќе почнат да ве интересирата најразлични теми , за кои ќе сакате да комуницирате со личности од спротивниот пол. Саканата личност ќе ја забележи оваа дистанца ,а за да не ве сфати погрешно , повеќе разговарајте со неа.

Кариера

Соработката меѓу вас и колегите ќе се обнови со помош на нови информации , кои ги очекувавте. Се ќе биде поставено на нови основи , а вие ќе треба да се најдете во нова улога. Ќе ви треба некое време за да се приспособите. Не треба да брзате.

Здравје и совет

Игнорирајте ги предрасудите и бидете поотворени.

Вага 24.9.-23.10

Љубов

Ќе забележите дека вашите лични односи особено се подобруваат. Секој ден вие ќе станувате поподготвени за да споделувате со другите. Саканата личност повторно ќе биде отворена кон вас. Ќе ве освежи интересен излет или патување.

Кариера

Информациите што ви беа потребни , пристигнуваат. Поради чекањето доволно се нервиравте , па немојте повторно. Едноставно прифатете ги новите насоки и направете се што можете. Бидете реални во очекувањата.Резултатите ќе дојдат.

Здравје и совет

Бидете трпеливи и немојте да ги нервирате луѓето околу вас.

Шкорпија 24.10-22.11.

Љубов

Во текот на оваа недела вашите односи ќе напредуваат во позитивна насока , а вие ќе стануваат поотворени и порасположени за љубов. Саканата личност повторно ќе ве опсипува со нежности , а вие еднакво ќе и враќате. Самците ќе имаат се повеќе додворувачи.

Кариера

Неделава ќе ги добиете потребните информации , па затоа ќе работите со одредено олеснување. Мали напори ќе бидат поврзани со комуникациите , но се полесно ќе излегувате на крај и со овие проблеми. Ќе покажете дека сте дораснати на задачите. На некои ќе им бидете пример.

Здравје и совет

Најдете си ја вистинската мерка во животот.

Стрелец 23.11.-21.12.

Љубов

Фантазијата и реалноста речиси секојдневно ќе ви се мешаат во љубовниот живот. Можеби ќе ја идеализирате саканата личност , припишувајќи и особини , кои ги нема во реалноста или ќе барате нешто невозможно. Треба да се симнете на земја. Тоа е здраво.

Кариера

Ќе ги зацврстите стекнатите позиции и повремено ќе се однесувате како диктатор , иако не сте такви. Гледате дека вредело што сте се потрудиле и сега мирно може да продолжите. Посебно добро ќе им оди на оние кои во работата ја користат својата интуиција или треба да се борат.

Здравје и совет

Задржете некои работи за себе.

Јарец 22.12.-20.1.

Љубов

Ќе ве привлекуваат многу скриени работи. Некои ќе се измачуваат со искушение од тајна љубовна врска. Страста нема да ви даде мир и во себе ќе водите силна битка меѓу разумот и чувствата. Би било подобро да тргнете по разумот. Преиспитајте се.

Кариера

Работата од сенка ќе ви биде најрпријатната опција . Она што го работите, ќе го извршувате мирно без премногу стрес. Ќе уживате да истражувате непознати работи , но и во детали. некои своите амбиции ќе ги сведат на реална мерка и тоа ќе им одговара.

Здравје и совет

Не обрнувајте внимание на кошмарните соништа.

Водолија 21.1.-19.2.

Љубов

Малку е веројатно дека ќе ги отпуштите кочниците. Опуштањето е она што во овој момент добро би ви дошло , но вие цело време сакате нешто по секоја цена , па дури и на сила Кога малку би се олабавиле , се би изгледало поинаку , а и вам би ви било полесно.

Кариера

Утврдени се нови правила за работа и сега постапувате по нив. Тоа што е напорно , е напорно и намате каде.Прифатете ги новите предизвици и носете се со нив со помош на подобра организација. Така ќе бидете поефективни.

Здравје и совет

Добро би ви дошло да повежбате во теретана .

Риби 20.2.- 20.3.

Љубов

Пред вас се убави љубовни денови , во кои ќе има многу шанси за зближување. вашиот социјален живот и натаму ќе биде богат ,а вие среќни и задоволни. Ако сте уште сами, немојте да седите дома. Одете меѓу луѓе , ве очекуваат.

Кариера

Вашите финансии постепено се стабилизираат . Истовремено ќе се отвори нова мрежа за деловна соработка, а некои од нив навистина ќе ви се допаднат. Поврзете се со можните колеги и соработувајте со секого кој за тоа ќе покаже интерес.

Здравје и совет

Опуштете се со добра музика.

Овен 21.3-20.4.

Љубов

Поголем дел од времето ќе се снаоѓате како што знаете . Еден ден ќе биде одлично , а другиот никако. Најдобро е оној другиот ден да останете дома. Не влегувајте во расправии , зашто лошо ќе завршат. Она убаво време меѓу вас и саканата личност , поминете го во љубов.

Кариера

Моментално не сте во најдобра форма за работа. Не само што не ви се работи , туку и ситуацијата не дава поттици. Недостатокот на мотивација ќе биде природна последица на ваквата состојба. Главно ќе го одработувате она што ви е обврска без премногу прашања.

Здравје и совет

Престојувајте во природа за да се освежите.

Бик 21.4- 20.5.

Љубов

Повременета оддалеченост , што ќе ја забележувате во личните односи , понекогаш ќе ве загрижува.Прифатете ја како шанса за да поработите на својата лична анализа. Ова е преодна фаза низ која полесно поминувате со хумор.

Кариера

Работата ќе ви изгледа се полесна. Сепак , тоа е само вашиот агол на гледање. Сега имате доволно причини безгрижно да работите , но напорот ќе ве стигне. Затоа организирајте се подобро. Понекогаш ќе треба да направите пауза.

Здравје и совет

Вежбајте техники за релаксирање.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Југо старо 40 години е продадено на аукција за рекорден износ, се чудат и Американците (ФОТО)

За сумата што купувачот ја платил за 40-годишно Југо, во САД може да се купи нов Доџ Дуранго, теренец долг повеќе од пет метри, со V8 мотор и погон на сите тркала.

Југо старо 40 години е продадено на аукција за рекорден износ, се чудат и Американците (ФОТО)

Купувач со прекар Рикрокс понудил 50.000 долари, или околу 45.500 евра, за бел Југо ГВ од 1986 година. Тој автомобил, кој беше секојдневна појава на нашите патишта во осумдесеттите години и честа мета на шеги во САД, постигна цена што малкумина можеа да ја предвидат.

Од 15.000 до 50.000 долари на крајот од аукцијата

Овој примерок е многу добро зачуван, а километражата е само 121 милја, или околу 195 километри. Колку купувачите биле спремни да платат за такво Југо беше откриено дури на крајот од аукцијата организирана од Bring A Trailer.

Конкурсот на платформата Bring a Trailer заврши на 17 ноември по 37 понуди. Околу половина час пред крајот, највисоката понуда беше 15.000 долари. Додека беше завршена, цената се зголеми за повеќе од трипати, а базата на податоци Classic.com евидентира 50.000 долари како највисока регистрирана продажна цена за Југо. Со аукциска такса од пет проценти, износот се искачува на 52.500 долари, или околу 47.800 евра, пред какви било даноци.

За споредба, новиот Dodge Durango GT со 5,7-литарски HEMI V8 мотор и погон на сите тркала во САД започнува од 43.675 долари, или околу 39.700 евра. Кога Yugo GV на Zastava се појави на американскиот пазар во 1985 година, се рекламираше за 3.990 долари и беше најевтиниот нов автомобил во земјата. Четири децении подоцна, оваа копија се продаде за околу 12,5 пати поголема од таа цена, неприлагодена за инфлацијата.

Купено од продуцентот на филмовите „Ејс Вентура“ и „Последниот Мохиканец“

Според огласот за аукција, Југото е купено на ново од Џејмс Г. Робинсон, филмски продуцент и основач на „Морган Крик“, познат по филмовите „Ејс Вентура: Последниот Мохиканец“ и „Последниот Мохиканец“. Продавачот наведува дека Робинсон не добил лист за сопственост за автомобилот. По неговата смрт во февруари оваа година, автомобилот бил понуден на продажба во Мериленд како дел од неговиот имот.

Под хаубата се наоѓа 1,1-литарски четирицилиндричен мотор со 55 КС и околу 71 Nm, поврзан со четиристепен мануелен менувач. Гумите Tigar TG 605 се на 13-инчни челични бандажи, а резервната гума се наоѓа во моторниот простор. Југото има и багажник на покривот, радио со касетофон и клима уред Frigette, инсталиран во октомври 1987 година.

Продавачот наведува дека маслото и батеријата биле сменети пред аукцијата и дека горивото било освежено. Автомобилот доаѓа со прирачници, документација за климатизација и сервисни записи. Во извештајот на Carfax нема несреќи или други пријавени штети.

„Дали е предоцна за продолжена гаранција“?

Под огласот беа оставени повеќе од 130 коментари. Корисникот TruckDr напиша дека тоа била најневеројатната продажба што ја следел на таа платформа. Wagen59 се прашуваше дали осигурителот ќе го процени и Југото на 50.000 долари, а Boxcar54 се пошегува: „Премногу доцна за продолжена гаранција“?

Секако, шегите не запираат тука, па еден корисник се пошегува дека автомобилот е толку вреден затоа што е еден од ретките што го преживеале тест возењето. И покрај шегите, сите се согласуваат дека ова е една од најневеројатните онлајн аукции што некогаш ги виделе.

Четириесет години откако ја освои титулата за најевтин нов автомобил во Америка, Југото повторно привлече внимание со својата цена. Но, сега на рекордно високо ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Данскиот парламент го ратификува договорот со кој се прошируваат надлежностите на војската на САД на Гренланд

Данскиот парламент едногласно го ратификуваше безбедносниот договор со САД за Гренланд, со кој се проширува улогата на американската војска на арктичкиот остров.

Данскиот парламент го ратификува договорот со кој се прошируваат надлежностите на војската на САД на Гренланд

Данскиот парламент едногласно го ратификуваше безбедносниот договор со САД за Гренланд, со кој се проширува улогата на американската војска на арктичкиот остров, вклучително и дозволување на распоредување на ракетниот одбранбен систем „Златна купола“, а воедно се потврдува данскиот суверенитет и правото на Гренландците на самоопределување.

Спогодбата беше одобрена од 109 дански пратеници, без ниту еден гласач против, објави Ројтерс.

Спогодбата ќе стапи во сила кога данското Министерство за надворешни работи ќе ги извести САД во дипломатска нота дека се завршени сите потребни процедури.

Спогодбата нема да се гласа во американскиот Сенат.

САД, Данска и Гренланд го потпишаа договорот во септември за да ги намалат тензиите откако американскиот претседател Доналд Трамп постојано се закануваше дека ќе ја преземе контролата врз островот богат со минерали, кој е автономна данска територија и дом на 57.000 луѓе.

Одбивањето на Трамп да ја исклучи можноста за употреба на воена или економска сила за преземање на островот предизвика дипломатска криза во рамките на НАТО во јануари и ги принуди Данска и Гренланд да влезат во месеци интензивни преговори.

Парламентот на Гренланд го ратификуваше договорот овој месец.

Договорот го помина првото читање во данскиот парламент минатата недела со поддршка од сите политички партии, а пратениците изразија надеж дека договорот ќе придонесе за нормализирање на ситуацијата во Гренланд.

„Сепак, постојат бројни индикатори дека ова не е крај, туку почеток“, рече Микаел Ведби Расмусен, професор по политички науки на Универзитетот во Копенхаген.

Според него, САД ќе можат да бараат поголемо влијание врз донесувањето одлуки што имаат безбедносни и политички последици, како и врз дел од процесот на искористување на стратешките ресурси, објавува агенцијата.

Други експерти сметаат дека новиот договор не го проширува значително пристапот на американската војска до Гренланд.

Најкратката рута помеѓу Европа и Северна Америка поминува низ стратешки лоциран Гренланд, каде што веќе се наоѓа најсеверната американска воена база.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новак Ѓоковиќ се појави во новиот филм со Роберт де Ниро (ВИДЕО)

Новак Ѓоковиќ се појавува во новата холивудска комедија „Дозвола за брак со новите Фокери“, а не мораше ниту да го спушти рекетот за филмот. 

Новак Ѓоковиќ се појави во новиот филм со Роберт де Ниро (ВИДЕО)

Во кратка сцена, тој му држи час по тенис на Кевин, кој повторно го игра Овен Вилсон. Во објавениот клип се појавуваат и Роберт Де Ниро и Тери Поло.

Ова не е прв пат Ѓоковиќ да снима сцена за холивудски филм. Тој имаше и кратка улога во акциониот филм „The Expendables 2“, но неговата сцена не влезе во верзијата што се прикажуваше во кината.

YouTube video

Бен Стилер сега е на другата страна

„Дозвола за брак со новите Фокери“ е четвртиот филм од серијата што започна во 2000 година со комедијата „Дозвола за брак“. Во првиот филм, Грег Фокер (Бен Стилер) се обиде да го освои својот иден свекор Џек Бернс (Роберт Де Ниро). Сега Грег е на другата страна. Неговиот син Хенри (Скајлер Гисондо) сака да се ожени со Оливија, а Грег не ѝ верува. Оливија, поранешна преговарачка на ФБИ за заложници, ја игра Аријана Гранде. Додека Грег е сомничав кон својата идна снаа, Џек е заљубен во неа. Истиот Џек кој еднаш го стави Грег на тест за детектор за лаги. Семејството се собира за 80-тиот роденден на Џек, а Грег и Оливија се обидуваат да се надмудрат еден со друг.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер