„Мислиме дека животот е еден голем биохемиски процес и оти после нашата смрт, ние се распаѓаме во земјата. Но, не е баш така“ – изјави Ланза.
Според неговата теорија на биоцентризам луѓето веруваат во конечната смрт бидејќи така се научени.
Според Ланза, животот го поврзуваме со телото, а докажано е дека телото изумира.
„Нашата свест формира универзум, а не обратно. Се работи за тоа како го перципираме светот околу себе. Личноста го гледа небото сино бидејќи некој му кажал дека небото има сина боја. Но ќелиите во нашиот мозок можат да бидат “изменети“ па небото можеме да го видиме во црвена или зелена боја“ – додава Ланза.
Истомислениците на теоријата на Ланза тврдат дека се што гледаме не постои без нашата свест, односно таа ни го претставува светот онаков каков што е. Биоцентристите тврдат дека вселената и времето се алатки на нашиот ум.
„Постојат илјадници паралелни универзуми во кои живееме, само за тоа не сме свесни. Во тој систем нема смрт. Кога ќе умреме, нашиот живот едноставно се враќа во тој бесконечен систем на универзуми и негде повторно ќе “процвета“ – тврди Ланза, кој пред неколку години објавил книга за биоцентризмот.
Скоро сите негови теории се поткрепени со бројни експерименти, а еден од нив е оној со честичката која проаѓа низ препреки. Набљудувано со човечко око, честичката буквално проаѓа низ препреките и се движи линеарно.
„Животот е авантура која го надминува нашиот линеарен начин на размислување. Кога ќе умреме, повторно оживуваме, а тоа го докажуваат квантната механика и бројните докази од квантната физика“ – додава Ланза.
Сепак, со Ланза не се согласуваат некои од научниците кои тврдат дека погрешно ги протолкувал квантните закони и на тој начин ја отфрлил Дарвиновата теорија која е прифатена во научните кругови.
„Денешната наука, ги отфрла теориите кои не се согласуваат со Дарвиновата теорија. Таа е еден од темелите на модерната наука, а Ланза се занимава со некои нејзин чуден облик кој е неприфатлив. Биоцентризмот не нуди никакво детално објаснување за свеста и системски ги игнорира новите научни сознанија за истата“ – тврдат научниците.
Од друга страна, многумина сметаат дека Ланза се наоѓа на прагот на големо откритие.