Наполи го потврди трансферот на Елмас во Лајпциг - Канал 5

Фудбал

Наполи го потврди трансферот на Елмас во Лајпциг

 Бундеслигашот Лајпциг во јануарскиот преоден рок ќе ги засили своите редови со македонскиот репрезентативец Елиф Елмас, потврди денеска претседателот на италијанскиот првак Наполи, Аурелио Де Лаурентис.

Наполи го потврди трансферот на Елмас во Лајпциг

„Тој (Елмас) е веќе продаден. Тој секогаш сака да игра. Не беше свесен дека ние го гледаме како играч од почетниот состав, дури и кога нема да го одигра целиот натпревар“, изјави Де Лаурентис за италијанскиот весник „Кориере дело Спорт“.

Бундеслигашот Лајпциг сè уште не потврди дека е постигнат договор со 24-годишниот македонски репрезентативец од средниот ред, но италијанските и германските медиуми тврдат дека тоа ќе го направи кога Елмас ќе ги направи задолжителните лекарски прегледи кон крајот на оваа календарска година.

Елмас во Лајпциг ќе го замени 32-годишниот Швеѓанец Емил Форсберг кој по 325 одиграни натпревари во дресот на германскиот клуб ќе се пресели во американската МЛС лига и ќе настапува за Њујорк.

Откако минатата сезона настапи на 36 од 38 натпревари во Серија А во која Наполи по пауза од 33 години ја освои шампионската титула, Елмас сезонава само четири пати се најде во почетниот состав на клубот од Неапол. Досега во италијанското првенство собра 11 настапи на кој постигна два голови. Во Лигата на шампиони на пет натпревари влегуваше од клупата за резервни играчи.

Елмас дојде во Наполи во 2019 година за сума од 16 милиони евра од турски Фенербахче.

Во дресот на македонската репрезентација Елмас досега одигра 52 натпревари на кои постигна 12 голови.

Елмас не беше во составот на Наполи на последниот прволигашки дуел против Каљари поради повреда на бутниот мускул.

Доколку успее навреме да се рехабилитира од повредата, Елмас треба да им се приклучи на новите соиграчи во шпанска Ла Манга од 2 до 7 јануари.

Бундеслигата продолжува кон средината на идниот месец, а Лајпциг во првиот натпревар на 13 јануари е домаќин на Ајнтрахт Франкфурт.

Новиот клуб на Елмас во моментов е четвртопласиран во Бундеслигата со 33 бодови, девет помалку од лидерот Баер Леверкузен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мадона го прослави роденденот во село на Крф: Кршеше чинии со звуците на бузуки (ВИДЕО)

Американската поп-ѕвезда Мадона го прослави својот 68-ми роденден во селото Курамадес на грчкиот остров Крф, а селските улици беа привремено затворени за таа пригода.

Мадона го прослави роденденот во село на Крф: Кршеше чинии со звуците на бузуки (ВИДЕО)

Таа и нејзиното семејство и пријателите вечераа во традиционална таверна со ребетико музика и грчки специјалитети, до кои пристигнаа во црни комбиња со обезбедување, објавува Прототема.

Според локалните жители, од жителите било побарано да ги затворат прозорците на своите куќи за да се обезбеди приватноста на пејачката, додека во селото било распоредено и полициско обезбедување.

Мадона седеше во градината на ресторанот, а во текот на вечерта беше изведена песната „О пио калос о матитис“ од Јоргос Замбетас, додека прославата беше завршена со традиционално кршење чинии, пренесе Мирор.

Пред вечерата, Мадона планирала да ја посети црквата „Пресвета Богородица“ во Курамадес, која била отворена специјално за неа, но поради големиот број луѓе собрани во селото, пејачката ја откажала посетата и решила да остане само за роденденската вечера.

Неколку дена пред нејзиниот роденден, Мадона престојувала во Метеора, каде што пристигнала со хеликоптер од Крф со група од околу 12 лица, меѓу кои и нејзиниот син и 30-годишниот партнер.

За време на тричасовната посета, таа го посетила манастирот Варлаам, кој бил отворен исклучиво за нив, и разговарала со игуменот Бенедикт, од кого, според монахот, побарала духовен совет и се распрашала за бројаницата што ја држел во рака.

Тагови: Мадона

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Расчистени две кривични дела „измама “, откриени се сторителите

Следува соодветна пријава.

Расчистени две кривични дела „измама “, откриени се сторителите

Одделот за криминалистичка полиција – Сектор за општ и насилен криминал во координација и соработка со СВР Охрид и СВР Велес преземаа мерки и активности и расчистија две кривични дела „измама“ извршени во Охрид и Струга, при што сторителот се стекнал со противправна имотна корист од 5.500 евра. Имено, по преземени мерки утврдено е дека сторители се лицата А.С. и Д.С., двајцата од Велес, по што денеска (19.08.2026), полициски службеници од криминалистичката полиција при СВР Велес, со судска наредба, извршија претрес во нивниот дом во Велес, при што се пронајдени и одземени повеќе лажни банкноти во евра во различни апоени, српски динари и повеќе златници со жолтеникава боја налик на злато, циркони, алка со циркони жолтеникава боја, алка синџир жолтеникава боја тркалезни топчиња налик на кристали повеке кутии за накит и мобилни телефони кои ги користеле за извршување на наведеното кривично дело.

По целосно документирање на случајот, во координација со јавен обвинител, против нив ќе биде поднесена соодветна пријава.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кендал Џенер во црвено бикини уживаше во идиличен излет во природа

Моделот Кендал Џенер објави серија фотографии од излет во природа на Инстаграм, вклучувајќи една на која позира во црвено бикини. 

Кендал Џенер во црвено бикини уживаше во идиличен излет во природа

30-годишната Џенер беше фотографирана како седи на карпа во шумата, покрај голем водопад, а накратко ја опиша објавата со зборовите „Имам толку среќа“.

Во позадината на фотографијата во костим за капење може да се види суптилно виножито. Во остатокот од објавата, Џенер позираше на отворено во плетен џемпер во крем боја, држејќи чаша црвено вино, а комбинацијата ја комплетираше со обетки, очила за сонце и голема чанта.

Таа, исто така, им откри на своите следбеници што моментално чита, колекцијата „Медитации во итен случај“ од Френк О'Хара, и сподели фотографија од сцена од концерт на Крис и Моргана Стејплтон.

Отворено за менталното здравје

Џенер зборуваше во интервју за „Elle Canada“ во април за начините на кои се грижи за себе. „За мене, справувањето со анксиозноста е многу поврзано со мојата околина и мојата рутина“, рече таа. „Научив дека морам свесно да ја бирам енергијата со која се опкружувам.“

Таа, исто така, сподели неколку совети за секој што се бори со слични проблеми. „Мојот совет до секој што се бори со ова е да прави мали чекори. Пронајдете ритуал што ќе ве смири, како што е прошетка или слушање одредена плејлиста, и направете го тоа нешто од кое нема да се откажете.“

Во претходно интервју за „Vogue France“, моделот го опиша својот сегашен начин на живот како „здрав“. „Мојата дневна рутина се чувствува здрава и стабилна и многу сум благодарна за тоа“, рече таа во февруари. „Но, тоа не дојде без напор. Ден по ден, се обидувам да донесувам одлуки што се добри за моето ментално здравје, но тоа не е секогаш лесно.“

Таа додаде дека сè уште има многу тешки денови. „Редовно имам многу тешки денови кога се чувствувам како едвај да можам да ја држам главата над вода. Понекогаш може да биде многу фрустрирачко.“

Извор: Индекс.хр

Тагови: Кендал Џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер