Најозлогласениот нарко- бос во Мексико е погребан во златен ковчег (ВИДЕО) - Канал 5

Свет

Најозлогласениот нарко- бос во Мексико е погребан во златен ковчег (ВИДЕО)

Озлогласениот мексикански нарко-бос Немесио Осегуера Сервантес, попознат како „Ел Менчо“,е погребан вчера во златен ковчег.

Најозлогласениот нарко- бос во Мексико е погребан во златен ковчег (ВИДЕО)

Водачот на картелот подлегна на повредите здобиени во вооружен конфликт со мексиканските специјални сили кои се обидоа да го уапсат кон крајот на февруари. Неговата смрт предизвика бран одмазднички насилства низ целата земја, пишува Би-Би-Си.

Раскошно испраќање со силни безбедносни мерки

Погребот се одржа во близина на Гвадалахара во државата Халиско, упориште на неговиот картел, а беа распоредени силни сили на Националната гарда за да се спречи понатамошно насилство. Пред церемонијата, во погребалниот дом беа донесени огромни цветни аранжмани, вклучувајќи еден во форма на петел, алузија на неговата страст за борби со петли.

Според новинската агенција АФП, беа потребни пет камиони за да се транспортираат сите цветни аранжмани до гробиштата, од кои повеќето беа испратени анонимно.

На погребот ги криеја лицата со маски

Погребната поворка беше придружена со музика наречена „наркокоридос“, односно песни што го слават животот на нарко-босовите. Локалните медиуми објавија дека традиционалната песна „Ел Мучачо Алегре“ (Среќното момче) се слушала додека златниот ковчег со телото на Осегуера пристигнувал во капелата на гробиштата.

YouTube video

По едночасовната церемонија, ожалостените, од кои многумина ги покривале лицата со маски, го испратиле ковчегот до местото на погребување. Мексиканските медиуми забележале дека гробницата била релативно скромна во споредба со онаа на другите нарко-босови, кои често се погребуваат во големи мавзолеи.

Најбараниот човек во Мексико

Педесет и деветгодишниот Осегуера бил основач на озлогласениот картел „Нова генерација Халиско“ (CJNG) и најбараниот човек во Мексико. Соединетите Американски Држави понудиле награда од 15 милиони долари за информации што довеле до негово апсење.

YouTube video

Под негово водство, CJNG прераснала во моќна транснационална криминална организација која се проширила од своето упориште во Халиско во бројни други мексикански држави, каде што е вклучена во производство и трговија со дрога.

Стравување од нов бран насилство

Убиството на Осегуера се смета за победа за владата на претседателката Клаудија Шајнбаум, која е под зголемен притисок од американскиот претседател Доналд Трамп да ја засили борбата против трговијата со дрога. По неговата смрт, членовите на картелот запалија возила и блокираа патишта во 20 мексикански држави.

Сепак, постојат стравувања дека вакуумот во лидерството создаден со неговата смрт би можел да доведе до пораст на насилството на краток рок. Се проценува дека картелот има десетици илјади членови, а сега се очекува различни фракции во рамките на криминалната група да се борат за контрола.

Тагови: Мексико наркобос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер