Со сериозни изгореници на телото, најчесто на горните екстремитети и лицето, но и оштетувања на горните и долни дишни патишта, 50-ина најкритични пацинети повредени во пожарот во Кочани, веќе се сместени во болниците во соседството.
Србија прими 17 пациенти во четири болници. Со воен авион во белградскиот клинички центар и Воената медицинска академија се пренесени 12 пациенти, додека со воени амбулантни возила две болници во Ниш се пренесени уште двајца. Српскиот претседател Александар Вучик во придружба на министерот за здравство Златибор Лончар, ги посети поврдените кои се сместени во Кличничкиот центар во Белград, каде им посака брзо закрепнување, посочувајќи дека трагедијата е огромна.
„Ќе пристигнат уште 12 пациенти, ги имаме и во ВМА и во Клиничкиот центар во Ниш, уште 12 пациенти ќе пристигнат во Србија, што значи 29 вкупно ќе прими Србија. Мислам дека се подразбира дека за нас трагедијата во Кочани е како трагедија кај нас.“
14-мина пациенти се лекуваат во соседна Бугарија, шестмина во воената болница во Варна, неколкумина во Пловдив, а најголем дел, 8 мина се згрижени во болницата Пирогов во Софија. Според директорот на болницата состојбата на сите пациенти е тешка.
„Три деца се под 18 годишна возраст – две девојчиња и едно момче, додека останатите се четворица мажи и една жена, на возраст од 22 до 25 години. Највозрасниот пациент има 31 година. Состојбата на сите пациенти е тешка. Тројца од пациентите се интубирани, додека за останатите ќе биде направена дополнителна медицинска проценка и терапевтски план. Сите пациенти биле донесени во тешка состојба со повреди на горните и долни дишни патиша, што е сериозна закана за организмот.“
Покрај Бугарија и Србија, петтмина пациенти се пренесени и во Грција, а деветмина Анкара и Истанбул во Турција.
Од петтмината пациенти кои се сместени во воентата болница во Солун и болницата Папаниколау, двајца веќе се оперирани, додека според информациите на други двајца им била извршена трахеотомија.
„Станува збор за две девојчиња и едно момче кои вчера попладне пристигнаа во болница. Два пациенти беа веднаш однесени на операција, додека третиот беше третиран во одделението за изгореници....“
Пациенти примија и Унгарија и Литвалнија, а според најавите, уште 10-тина ќе да бидат испратени на лекување во Словенија, Хрватска и Австрија. Голем број македонски граѓани кои живеат или работат во соседните држави каде има хоспитализирани лица, преку социјалните мрежи нудат помош и бесплатно сместување за семејствата на повредените.