Најбогатите од страв од пандемијата купуваат луксузни скривници (ВИДЕО)

Богатите луѓе ширум светот купуваат бункери, засолништа што ќе им овозможат да ја преживеат пандемијата.

Денешните бункери се полуксузни од кога било, а компаниите што ги градат имаат полни раце работа.

Главниот извршен директор на компанијата Texas Lynx Rising S, Гери Линч, изјави дека од 2016 година интересот за високо-луксузни подземни бункери никогаш не бил поголем, и бидејќи е прогласена пандемијата на коронавирус, неговиот телефон не престанал да ѕвони.

„Имаме повеќе модели на бункери. Најлуксузен е Аристократ, кој има базен, сауна, теретана, зелени површини и гаражи“, рече Линч.

Рон Хабард, директор на „Атлас Survival Shelters“, рече дека тие промовираат засолништа наречени Безбеден подрум, кои ги инсталираат во одреден дел од домот.

„Може да се наоѓа под дневната соба, кујната или гаражата и се состои од безбедна просторија, винарска визба и оклопна просторија“, објасни Хабард.

И додека некои претпочитаат да бидат сами, други сметаат дека е поинтересно да се преживее во заедница која нуди поживо искуство како во реалниот свет.

Повеќето вакви засолништа можат да сместат неколку стотици луѓе, а вклучуваат намирници за една или повеќе години и имаат хидропонски градини. Дизајнерите за развој, исто така, работат на создавање заедници со членови запознаени со различни вештини потребни за долгорочно опстанок, од лекари до наставници.

Главниот извршен директор на Вивос, Роберт Вичино, рече дека објектите се опремени како мал град и имаат театар, училници, градини, клиника, бања и теретана. За оние што бараат уште повеќе луксуз, компанијата нуди и Vivos Europa One, единица како Ноева Арка во поранешен магацин за воена опрема во Германија.

Тој вели дека милиони се заинтересирани за овој вид засолниште, но тој не е сигурен кога ќе се отвори.

„Не ни требаат засолништа за карантини, туку сè што ќе дојде подоцна. Сè додека има потреба, ќе градиме засолништа. Овој свет нема да стане побезбедно место“, заклучува Вицино.

Членовите на светската елита, како Бил Гејтс, за кој се шпекулира дека има бункери на секој негов имот, бараат бегство од апокалипсата во бункери кои можат да издржат нуклеарен напад, паѓања на астероиди, војни и пандемии.

Насилни антивладини протести во повеќе градови во Тунис

Насилни протести, предизвикани од тешката економска состојба, избувнаа вчера вечер во најмалку шест туниски градови, вклучително и главниот град на Тунис и крајбрежниот град Сус, објави Ројтерс, повикувајќи се на изјави на сведоци.

Протестите се одржуваат кога Тунис ја одбележува десетгодишнината од револуцијата што го симна починатиот претседател Зин Ел Абидин Бен Али.

Сведоците во Сус велат дека безбедносните сили фрлиле солзавец за да ги растераат стотиците лути демонстранти кои блокирале патишта и палеле гуми.

Безбедносни извори велат дека демонстранти во Сус упаднале во продавници. Судири се случиле и во градот Кала Кебира во близина на Сус.

Една деценија по револуцијата против невработеноста, сиромаштијата, корупцијата и неправдата, Тунис тргна кон демократија, но економската состојба се влошила и земјата сега се најде на раб на банкрот. Премиерот Хикем Меџиџи ја смени владата, со нови министри во министерствата за внатрешни работи, правда и енергетика.

Во рускиот град Јакутс измерени минус 47 степени

Во рускиот регион Јакутија, температурата повторно достигна екстремни минус 47 степени Целзиусови.

Оваа област инаку се смета за најстудено место за живеење на планетата, пишува Спутник.

Јакутија е најголема руска автономна република по територија, која ја зазема целата територија на источен Сибир и се наоѓа во североисточниот дел на евроазискиот континент.

Повеќе од 40 проценти од територијата на републиката е зад Арктичкиот круг.

Вкупната површина на реонот на Арктикот е скоро 1,6 милиони квадратни километри, што претставува околу 52 проценти од нејзината територија.

Бројот на починати од корона во Франција надмина 70.000 , вратен е полицискиот час

Франција вчера го надмина прагот на 70.000 смртни случаи од ковид-19 од избувнувањето на пандемијата, според јавните здравствени власти.

Вкупно 70.142 лица починале како резултат на болеста, од нив 196 во последните 24 часа, се вели во дневниот извештај на националната агенција.

Бројот на новоинфицирани е сè уште висок со 21 406 случаи во последните 24 часа, слично како и во последните денови.

Позитивната стапка на случаи е стабилна и останува на 6,5 проценти.

Во Франција е во сила полициски час од саботата од 18 до 6 часот наутро во обид да се спречи зголемувањето на бројот на лица заразени со новите, позаразни варијанти на коронавирусот.

Досегашната политика на владата не била доволно ефикасна за значително намалување на бројот на дневни инфекции, а кампањата за вакцинација само што започна.

Министерството за здравство објави нови податоци за бројот на вакцинирани, 413.046, во саботата, за разлика од 389.000 во петокот, пишува Ројтерс.

притисни ентер