Тенис

Надал се откажа од турнир: Почуствував проблеми во стомакот

Шпанскиот тенисер Рафаел Надал (36) се повлече од АТП турнирот во Монтреал, Канада поради проблеми со повреда на абдоминалниот ѕид.

Освојувачот на рекордни 22 Грен слем титули минатиот месец беше принуден да се повлече од полуфиналето на Вимблдон поради истата повреда.

„Веќе некое време тренирам без сервис и сѐ одеше добро. Почнав да тренирам пред четири дена, но вчера почувствував проблеми во стомакот“, изјави Шпанецот. „Многу сум тажен што не отпатував во Монтреал и не играм на турнирот што го освоив пет пати. Сепак, во овој момент морам да бидам мудар и да размислувам за моето здравје“, додаде тој.

Тој ќе се обиде да се подготви за УС Опен, последниот Грен слем сезонава, кој е на програмата во Њујорк од 29 август до 11 септември. Ниту Новак Ѓоковиќ нема да настапи во Монтреал бидејќи не може да влезе во Канада со оглед на тоа што не е вакциниран против коронавирусот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Најстарата желка во светот Џонатан, на 194 години, доби награда од Гинисовата книга на рекорди

Џонатан, најстарата желка во светот, доби престижна награда – икона на Гинисовите светски рекорди.

Се смета дека Џонатан е роден пред 1832 година, односно има најмалку 194 години, и со тоа е најстарото живо копнено животно во светот, соопшти организацијата.

Се проценува дека имал најмалку 50 години кога во 1882 година бил донесен од Сејшелите на јужноатлантскиот остров Света Елена, како подарок за идниот гувернер на оваа британска прекуморска територија, и оттогаш живее во рамките на гувернерската резиденција, вилата „Плантејшн Хаус“.

Jonathan the tortoise is officially a Guinness World Records ICON ✨

Believed to have been born c. 1832, Jonathan is the oldest living land animal at the grand old age of 194 years. He is a Seychelles giant tortoise and the average life expectancy of his species is 150. pic.twitter.com/WqxBrM4Z8H
— Guinness World Records (@GWR) June 17, 2026

Гинис потсетува дека Џонатан чекорел по планетата уште пред да бидат направени првите фотографии, пред да се воспостават првите телефонски разговори, и пред да биде завршена Ајфеловата кула.

Тагови: Гинисовата книга на рекорди желка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски потпиша потпиша закон за измени на државниот буџет

Украинскиот претседател Володимир Зеленски потпиша закон за измени на државниот буџет за 2026 година, со кој се зголемуваат средствата за безбедносниот и одбранбениот сектор за околу 1,56 милијарди украински гривни, или 30 милијарди евра.

Според украинската новинска агенција Укринформ, измените предвидуваат приходите од државниот буџет за 2026 година да се зголемат за околу 44,7 милијарди евра, со што вкупните приходи ќе достигнат приближно 101 милијарда евра.

Зголемувањето на буџетските приходи е предвидено, објаснува Укринформ, првенствено благодарение на финансиската поддршка од Европската Унија (ЕУ), врз основа на спроведувањето на Планот за Украина, односно спроведувањето на иницијативата на ЕУ за Украина, и зголемените приходи од даноци на доход на граѓаните поради растот на готовинските приходи на воениот персонал.

Како што потсетува Укринформ, на 10 јуни Врховната рада на Украина ги усвои во второ читање и во целост измените на државниот буџет за 2026 година, кои првенствено се насочени кон зголемување на средствата за безбедносниот и одбранбениот сектор.

Извор: Б92

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ подготвува револуција: Сè што знаеме за преклопливиот „iPhone Ultra“ (ВИДЕО)

Се појави ново видео кое сугерира како ќе изгледа претстојниот „iPhone Ultra“.

Преклопливиот „iPhone“ на „Apple“, за кој се очекува да се нарече „iPhone Ultra“, беше предмет на бројни протекувања на инфорамции. Видовме рендери базирани на „CAD“, практични видеа од уредот и друго. Сега, се појави ново видео кое нуди уште еден детален поглед на дизајнот на преклопливиот уред.

Јутјуберот Џон Просер од каналот „Front Page Tech (FPT)“ објави ново видео во кое го прикажува наводниот „iPhone Ultra“.

Видеото го прикажува преклопливиот „iPhone“ во бела и црна боја, за кои се вели дека се единствените бои што „Apple“ планира да ги понуди при лансирањето.

Исто така, дава подетален поглед на двојната задна камера, сместена во испакнатина инспирирана од „iPhone Air“, заедно со „LED“ блиц.

Извор: Б92

Тагови: Apple iPhone

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.