На празниот стадион во Атина , Јапонија го доби олимпискиот оган (ВИДЕО)

Олимпискиот оган за прв пат во историјата е предаден на празниот стадион во Атина.

Организаторите на Олимписките игри во Токио 2020 денеска го примија олимпискиот пламен на церемонијата во грчката престолнина, среде ширењето на коронавирусот, кое го стави под знак прашање одржувањето на овој најголем глобален настан.

На кратката церемонија, затворена за гледачи на атинскиот стадион „Панатенаикос“, местото на одржување на првите модерни игри во 1896 година, факелот го прими претставникот на Токио 2020, Наоко Имото.

Факелот ќе пристигне утре во Јапонија каде што ќе започне домашната штафета на 26 март, додека игрите се закажани од 24 јули до 9 август.

притисни ентер