На порталот „uslugi.gov.mk“ има 352 услуги, месечно се користат речиси 14.000 - Канал 5

Македонија

На порталот „uslugi.gov.mk“ има 352 услуги, месечно се користат речиси 14.000

Бројот на електронски услуги на порталот „услуги.гов.мк“ е тројно зголемен, а бројот на издадени услуги е деветпати поголем, кажа минстерот за дигитална трансформација Стефан Андоновски на отчетот за двегодишнината од мандатот..

На порталот „uslugi.gov.mk“ има 352 услуги, месечно се користат речиси 14.000

Бројот на електронски услуги на националниот портал uslugi.gov.mk е зголемен од 120 во 2024 година на 352 годинава, а бројот на корисници надмиува 260.000, од кои околу 92.000 се регистрирани само во текот на минатата година. На отчетот за двегодишното работење, министерот за дигитална трансформација Стефан Андоновски, го издвои развојот на порталот како еден од клучните приоритети, посочувајќи дека месечниот број на издадени електронски услуги е зголемен десеткратно, односно од околу 1.300 на повеќе од 13.000, додека вкупниот број поднесени барања надминува 340.000. Потсети дека преку порталот без чекање на шалтери, граѓаните меѓудругото можат електронски да добијат изводи од матичните книги на родени, венчани и умрени, уверение за државјанство, потврди за неосудуваност, како и да поднесат барања за лични документи, услуги од социјалната заштита, даночни и пензиски постапки.

„ Македонија не смее да биде држава на чекање, мора да биде држава што испорачува, затоа што власта не е привилегија, туку да наследиш подобар систем од оној што си го наследил. Во Македонија предолго зборувавме за дигитализација, се најавуваа стратегии портали, системи реформи, но граѓанинот често не гледаше промена во секојдневниот живот, а ние сакавме да ја прекинеме таа пракса, реформа која граѓанинот не ја чувствува не е завршена реформа.“

Дигитализацијата има и темна страна – тн. Фишинг напади, вели Андоновски, по зачестените измами со лажни пораки поврзани со сејф сити системот.. порача дека единствената ефикасна заштита е зголемување на свесноста на граѓаните, па затоа апелира до граѓаните со особена внимателност да ги проверуваат пораките кои ги добиваат, пред да споделуваат свои лични податоци.

„Не постои друг механизам на заштита на граѓаните освен да бидат свесни дека не секоја порака што ја добиваат е вистинска и е од вистински испраќач. Секогаш прво се проверува испраќачот, дали сте сигурни дека тој испраќач е тој, а потоа и суштината на пораката, ја читате неколку пати да проверите дали вистина сте биле во таква ситуација, го познавате испраќачот, ја познавате пораката, дали има грешки во текстот, бидејки најчесто има.“

Меѓу клучните приоритети на министерството Андоновски вештачката интелегенција, образоанието и дигиталните вешини. Нагласи дека првите придобивки од заштитата на македонскиот јазик во дигиталниот простор преку националниот центар „Везилка“ ќе бидат видливи уште ова лето. Најави дека на есен вештачката интелегенција ќе се применува во секторите енергетика, , култура, здравство, земјоделство и во јавната администрација.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Забрана за пиење на водата во Гостивар, граѓаните бараат одговори – кој дозволи да се труеме?

Вонредна здравствена состојба во Гостивар.

Забрана за пиење на водата во Гостивар, граѓаните бараат одговори – кој дозволи да се труеме?

Поради загадена вода за само неколку дена дури 1.200 граѓани побарале медицинска помош. Пациентите, меѓу кои има и многу деца, се јавуваат со симптоми на труење.

Првичните информации од полицијата упатуваат на сомнеж дека локалниот водовод ја загадил водата со отпадни води во обид да го зголеми притисокот во мрежата.

Во меѓувреме издадена е забрана за пиење на водата во тој регион.

Во Гостивар е нашиот Дејан Србиновски, до имаме во живо.. Дејан каква е моменталната состојба на лицата кои се затруени?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Леброн Џејмс за својот иден НБА тим: Ќе биде забавно

Леброн Џејмс пред да избере нов НБА клуб изјави дека „без разлика каде ќе заврши оваа есен, ќе биде забавно“. 

Леброн Џејмс за својот иден НБА тим: Ќе биде забавно

Џејмс, кој влегува во својата 24-та сезона, неодамна објави на 41-годишна возраст дека ги напушта Лос Анџелес Лејкерс, со кои ја освои шампионската титула во 2020 година. И покрај ова, тој не се повлекува од кошарката и сака да им докаже на критичарите дека сè уште може да биде одлучувачки играч во лигата.

„Се надевам дека навивачите и критичарите ќе ме следат. Каде и да одам, ќе биде забавно, ќе го правам она што го правам најдобро. Ме мотивира кога ми велат дека повеќе не сум доминантен играч“, рече Џејмс и се осврна на своето време во Лос Анџелес: „Поминав осум одлични години со Лос Анџелес Лејкерс, една од најпознатите франшизи во светот. Ќе ми недостига. Со нетрпение очекувам што носи иднината додека полека влегувам во крајот на мојата кариера“.

Леброн Џејмс го држи рекордот во НБА по број на одиграни сезони (23), одиграни натпревари (1.622) и освоени поени (43.440). Досега има освоено четири титули во НБА, две со Мајами Хит, една со Кливленд и една со ЛА Лејкерс.

Мајами и Кливленд се опции за враќање, додека потенцијалните заминувања во Голден Стејт или Минесота би значеле дека би играл за четврти НБА клуб во текот на неговата тешко повторувачка кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пирати грабнаа танкер за хемикалии во близина на Јемен- бродот испрати повик за помош

Вооружени напаѓачи денеска се качија на танкерот за хемикалии Асана во Аденскиот Залив, покрај јужниот брег на Јемен, и се верува дека ја презеле контролата врз бродот. 

Пирати грабнаа танкер за хемикалии во близина на Јемен- бродот испрати повик за помош

Инцидентот беше објавен од извори за поморска безбедност, објави Ројтерс.

Сомневања за сомалиски пирати

Податоците од следењето покажаа дека малиот танкер, кој плови без потврдено знаме, го навел сомалиското пристаниште Босасо како своја дестинација. Еден безбедносен извор рече дека првичните проценки укажуваат дека нападот го извршиле сомалиските пирати, а не јеменските Хути, поддржани од Иран.

Околностите и состојбата на екипажот се нејасни

Организацијата за поморска трговија на Велика Британија (UKMTO) соопшти дека на бродот се качиле неовластени лица додека пловел во Аденскиот Залив, 65 наутички милји јужно од јеменското пристаниште Ал Мукала.

Британската фирма за управување со поморски ризици Вангард изјави: „Деталите за бројот на напаѓачи, околностите на нападот и состојбата на бродот и екипажот остануваат нејасни“. Службеник од грчката фирма за поморска безбедност Диаплус потврди дека јужнокорејски воен брод е испратен во областа.

Танкер без обезбедување

Британската фирма за поморска безбедност „Амбреј“ соопшти дека бродот упатил повик за помош околу 6:20 часот по Гринич во петокот и дека во времето на инцидентот немало вооружено обезбедување на бродот. Напаѓачите се осомничени дека се дел од организирана пиратска група.

Операторот на бродот е наведен во поморските бази на податоци како „Ексон Енерџи“ од Маршалските Острови, но неговите претставници не беа достапни за коментар.

Во меѓувреме, „Ројтерс“ во четвртокот објави, повикувајќи се на извори, дека Иран побарал од јеменските Хути да бидат подготвени да ги блокираат нафтените патишта во Црвеното Море доколку САД ја нападнат иранската енергетска инфраструктура, што претставува нова закана за глобалните резерви на енергија.

Тагови: Јемен Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер