На доскорешна германска министерка и ја одзеле докторската диплома поради плагијат

Политичарката на Социјалдемократската партија на Германија (СПД) и до неодамна министерот за семејство Франциска Гифи остана без докторат поради плагијат, е објавено денеска.

„По темелна консултација и надзор, претседателството на високото образование донесе одлука за одземање на докторската диплома на Франциска Гифи“, се вели во соопштението на универзитетот во Берлин.

Одлуката за одземање на титулата се заснова на фактот дека таа е донесена со „лажно тврдење на сопствен научен придонес“.

„Во докторската дисертација, свесно беа преземени делови од текстови и докази за литературата на други автори, без тоа да биде посочено во потребната мера“, се наведува во образложението.

Гифи ја прифатила одлуката на универзитетот, но уште еднаш истакнала дека таа ја напишала и доставила својата дисертација во 2009 година во „најдобри намери и вера“.

„Грешките што ги направив не беа намерни или планирани“, рече Гифи.

На 18 мај, социјалдемократската политичарка поднесе оставка од позицијата министер за семејство поради, како што рече, „сенката што ја става истрагата за плагијаторство врз функцијата“.

Но, во исто време, таа ја задржала својата позиција како водечки кандидат на парламентарните избори во градот-држава Берлин кон крајот на септември.

Претставници на коалициските партнери во градската влада во Берлин, како и опозицијата, повикаа на натамошна одговорност во случајот Гифи.

Алтернатива за Германија побара од Гифи да ја повлече својата кандидатура за премиер на сојузната покраина Берлин.

„Кој изневерува и мами не може да биде на чело на Берлин“, пренесува АфД.

Пред десет години, министерот за одбрана Карл Теодор фон Гутенберг и две години подоцна министерката за образование Анет Шаван поднеле оставки во врска со обвиненија за плагијат.

Фото: Нивес повторно провоцира

Хрватската пејачка и манекенка повторно ги остави без здив нејзините фанови.

Таа овој пат е облечена во боите на Хрватска за да им пружи поддршка на фудбалските репрезентативци кои учествуваат во ЕУРО 2020.

- И денес сончање во соодветни бои ... Каде го гледате натпреварот? - напиша Нивес.

„Ма каква Карлеуша, бомба си “, стои во еден од коментарите на фотографијата.

Затворена најголемата онлајн продавница за украдени податоци

„Slilpp“ - најголемата онлајн продавница со украдени податоци, конечно е затворена.

„Slilpp“ постои од 2012 година и се проценува дека сопствениците на оваа страница заработиле милиони долари.

Тие продавале украдени податоци, од обични налози за плаќање преку Интернет до податоци за кредитни картички, тековни сметки во банка и тн.

За девет години се проценува дека е направена штета од 200.000.000 американски долари преку оваа страница.

Продадени се повеќе од 80 милиони податоци за најавување на одреден налог.

Околу 1.500 компании настрадаа од „Slilpp“ .

Интернет експерти предводени од експерти од Соединетите Американски Држави конечно и ставија крај на оваа страница и таа е под контрола на ФБИ.

Фото: Ким Кардашијан има необично Ламборџини

Ким својот автомобил го обложи сто ткаенина која наликува на крзно.

Тешко дека на обожувателите на Ламборџини би им се допаднала оваа идеја, но зад екстравагантниот потег стои добро смислен маркетинг.

Имено, Ким го направи своето Ламборџини Урус во крзно со цел да ја промовира својата продавница „Скимс“.

Ова сигурно не е најчудниот персонализиран автомобил на некои од личностите од светот на шоу-бизнисот што сме го виделе досега, но Ким успеа во тоа што го посакуваше - да го привлече вниманието на обожавателите кон нејзината продавница.

притисни ентер