На денешен ден - Канал 5

Живот

На денешен ден

На денешен ден

12 февруари 2023.

1809.- Роден е Чарлс Дарвин, британски научник, творец на теоријата на еволуцијата на живите суштества. Од 1813 до 1836 година учествувал во научната експедиција на бродот „Бигл, која имала пресудно значење за поставувањето на неговата теорија за развој на живите суштства, која била во спротивност со учењето на црквата. Неговите записи биле научни ремек-дела, пишувани со јасен и логичен стил. Капитално дело – „Потеклото на видовите“. Умрел на 19 април 1882 година.

1809.- Роден бил Абрахам Линколн, шеснаесеттиот претседател на САД. Бил земјоделец, дрводелец, адвокат, член на Конгресот и еден од основачите и лидер на Републиканската партија, која се борела за укинување на ропството, а во 1860 година станал претседател на САД. Убиен бил во атентат од застапниците на робовскиот систем, во 1865 година.

1818.- Чиле прогласило независност од Шпанија.

1851.- Едвард Харгрејвс пронашол злато во Самерхил Крик во Нов Јужен Велс, предизвикувајќи златна треска во Австралија.

1912.- Последниот кинески цар од династијата Манџу - Пу Ји, абдицирал, по што Кина станала република со претседателот Сун Јат Сен. Кога Јапонија во 1932 година од североисточната кинеска провинција ја создала сателитската држава Манџуко, Пу бил „вратен“ на престолот, станувајќи фигура во рацете на освојувачите. По Втората светска војна бил осуден, но бидејќи во затворот ја „сфатил“ грешката бил помилуван и во 1962 година станал член на Националниот конгрес. Оставил мемоари под наслов „Бев кинески цар“.

1914.- Во Скадар, Република Албанија, е роден Василие Поповиќ - Цицо, македонски сликар, карикатурист и сценограф, еден од основоположниците на карикатурата, на сценографијата и на Друштвото на ликовните уметници на Македонија. Умре во Скопје, на 10 декември 1962 година.

1923.- Роден е италијанскиот филмски режисер Џанфранко Корси, познат како Франко Зефирели, кој режираше филмови, опери и музички драми.

1946.- Весникот „Лаки фони“, орган на Бирото на КПГ за Македонија, објави дека од 12 февруари 1945 година до 12 февруари 1946 година од грчките власти и терористичките банди биле убиени 1.300, затворени 20.000 и прогонувани 200.000 луѓе. Од убиените 200 биле од Македонија, а од убиените од Леринско, во Костурско и во Соровичко - 98 отсто биле Македонци.

1953.- Советскиот Сојуз ги прекинал дипломатските односи со Израел по бомбашките напади на советското претставништво во Тел Авив.

1974.- Во Москва бил уапсен рускиот писател Александар Солжењицин, добитник на Нобеловата награда за литература, на кого следниот ден му било одземено советското државјанство и бил протеран од земјата, по што во емиграција поминал две децении.

1979.- Умрел францускиот филмски режисер Жан Реноар, син на сликарот Огист Реноар. Автор е на низа антивоени филмови со кои силно влијаел на духовната состојба на нацијата. Ги напишал книгите: „Реноар, мојот татко“, и „Мојот живот и моите филмови“. Филмови: „Нана“, „Кучка“, „Мадам Бовари“, „Тони“, „Излет“, „Голема Илузија“, „Човек - ѕвер“, „Правила на гира“, „Оваа земја е моја“, „Жена на брегот“, „Река“...

1984.- Во Париз умрел Хулио Кортасар, аргентински писател. Автор на голем број прозни дела, а негов најпознат роман е „Книгата на Мануел“ за која во 1974 година му била доделена наградата „Медисис“. Роден бил во Брисел, во 1914 година.

1990.- Кармен Лоренс станала премиер на Западна Австралија како прва жена шеф на влада на некоја од австралиските држави.

1992.- Република Словенија и Република Хрватска ја признале независноста на Република Македонија. И Република Македонија ја признала независноста на Република Словенија и на Република Хрватска.

1996.- Јасер Арафат ја презел должноста прв палестински претседател.

1996.- Република Мекедонија и Република Гана воспоставиле дипломатски односи на амбасадорско ниво.

1996.- Во Атина официјално започнала со работа Канцеларијата за врски на Република Македонија.

1999.- Американскиот сенат по повод скандалозните љубовни афери на шефот на државата Бил Клинтон со приправничката во Белата куќа Моника Левински со мнозинство гласови не го прифати сменувањето на претседателот.

2002.- Пред Судскиот совет во Хашкиот трибунал почнало судењето на поранешниот претседател на Југославија и Србија Слободан Милошевиќ, обвинет за воени злосторства и злосторства против човештвото. Судењето не беило завршено бидејќи обвинетиот во текот на процесот умрел.

2012.- Популарната поп пејачка Витни Хјустон умрела на 48-годишна возраст во хотелот „Беверли Хилс“ во Лос Анџелес. Витни Хјустон починала на ден пред церемонијата на доделување на музичките награди „Греми“ и тоа во истиот хотел во кој се одржувала забавата по манифестацијата. Хјустон во текот на 80-те и 90-те години на минатиот век со своите песни била на врвот на музчиките топ листи, а настапила и во неколку филмови. Имала освоено шест Греми награди, издала седум албуми и имала продадено околу 170 милиони носачи на звук и видео спотови.

2019.- На 82-годишна возраст почина легендарниот англиски голман Гордон Бенкс. Бенкс со националниот тим стана светски шампион 1966 година. Го освои второто место на листата на најдобри голмани на 20 век по Лав Јашин. Настапуваше за Лестер и Стоук сити. На 34, голманот го изгубил едното око, но тоа не го спречило да продолжи да игра. Во САД, голманот играше за Форт Лодердејл. Бенкс е автор на најистакнатите одбрани не само во историјата на светските првенства, туку и во целата светска фудбалска историја, која ја направи на Светското првенство во 1970 година по ударот на Пеле.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Десетици илјади на антивладини протести во Њу Делхи, бараат оставка од Моди

Десетици илјади луѓе се собраа во Њу Делхи за да протестираат против владата на Нарендра Моди, додека гневот расте низ цела Индија поради сеопфатната ревизија на избирачкиот список со која се отстранети 130 милиони имиња.

Десетици илјади на антивладини протести во Њу Делхи, бараат оставка од Моди

Опозицискиот сојуз на Индија, предводен од Конгресната партија, ги собра поддржувачите од целата земја на митинг во индискиот главен град.

Опозициските лидери велат дека ревизијата на избирачкиот список ѝ дава на владејачката партија Бхаратија Џаната (БЏП) на Нарендра Моди изборна предност и побараа оставка и отстранување на нејзиниот главен изборен службеник, Гјанеш Кумар.

БЏП ги отфрли обвинувањата, објавува Гардијан.

Опозицискиот лидер Рахул Ганди изјави на митингот дека Кумар „го извршил најголемиот злостор со обидот да го замолчи гласот на народот“.

Ганди рече дека обединетата опозиција нема да дозволи „демократијата во земјата да биде уништена“ и му рече на Моди дека „нема каде да бега“.

Најголемиот предизвик за режимот дојде во форма на протести предводени од млади, организирани од движење кое се нарекува себеси „Лебарки“, што доведе до оставка на еден од министрите на Моди, потсетува „Гардијан“.

Опозицијата, предводена од Ганди, ги загуби последните три циклуси општи избори од БЏП, бидејќи опозициските партии во голема мера не успеаја да се спротивстават на силната хинду националистичка реторика на БЏП, објави весникот.

Прашањето за ревидирање на избирачките списоци беше покренато минатата година, но неодамна стана национален скандал откако истрагата на весникот „Индијан експрес“ откри неправилности и несогласувања во рамките на Изборната комисија околу спроведувањето на процесот.

Милиони луѓе кои според сите стандарди треба да имаат право на глас открија дека нивните имиња недостасуваат од избирачките списоци, при што муслиманите и малцинствата се непропорционално погодени.

„Хјуман рајтс воч“ оваа недела изјави дека обвинувањата покренуваат „сериозни прашања за фер однос на идните избори во Индија“. Партијата БЏП се обиде да ги отфрли протестите на опозицијата како анархија.

Тагови: Моди Њу Делхи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Светски натпревар во планинарење за хуманоидни роботи- учествуваат 90 тимови

Хуманоидни роботи се искачија на планинска патека долга 3,9 километри на планината Таи во Кина, искачувајќи се на 3.100 камени скали, во првото натпреварување во качување за роботи во светот.

Светски натпревар во планинарење за хуманоидни роботи- учествуваат 90 тимови

Покрај нив, во необичниот предизвик учествуваа и четириножни роботи и роботски егзоскелети, надминувајќи висинска разлика од 600 метри. Рутата вклучуваше стрмни падини, долги скали и остри кривини, објави CBS.

Додека набљудувачите гледаа, роботите напредуваа по планината, а некои од нив дури и стигнаа до целта. Настанот ја претвори една од најпознатите планински патеки во Кина во тест-полигон за роботи.

Нерамните камени скали и стрмните искачувања ја тестираа способноста на машините да одржуваат рамнотежа и да го совладаат тешкиот терен. Некои од четириножните роботи, исто така, носеа залихи од храна по патот.

На натпреварот учествуваа 90 тимови кои ги презентираа најновите достигнувања во областа на истражувањето и инженерството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германски планинар бил спасуван 14 часа среде снежна бура на Алпите, двајцата пријатели продолжиле без него

20 годишен германски планинар, беше спасен во австриските Алпи за време на викендот откако неговите двајца пријатели го продолжија искачувањето без него. 

Германски планинар бил спасуван 14 часа среде снежна бура на Алпите, двајцата пријатели продолжиле без него

Младиот човек повеќе не можеше да го продолжи своето патување, па остана на висина од околу 2600 метри и побара помош. Операцијата за спасување траеше 14 часа, соопшти австриската служба за планинско спасување, пишува Euronews.

Сè уште не е познато зошто двајцата планинари одлучија да го продолжат искачувањето и да го остават својот пријател да чека спасувачи. Не е ни јасно дали претходно се согласиле да се одвојат. Австриската алпска полиција ги истражува околностите на инцидентот. Тројца Германци тргнале по тешката планинарска рута Кенигсјодлер во масивот Хохкениг во саботата попладне, и покрај лошата временска прогноза и предупредувањето од друг планинар.

На висина од околу 2.600 метри, еден од нив повеќе не можеше да продолжи и побара помош околу 19 часот. Неговите двајца придружници продолжија кон врвот и истата ноќ стигнаа до планинарскиот дом Матрашхаус на висина од 2941 метар, кој веќе беше затворен.

Тешко искачување и остаток од акцијата

По повикот за помош, планинската спасувачка служба од Милбах излезе на терен. Задачата беше исклучително тешка поради лошите временски услови, а хеликоптерот не можеше да полета. „Дури и самото искачување беше напорно за нашиот спасувачки тим поради временските услови“, рече Волфганг Хагенмилер, раководител на спасувачката операција и локалната станица во Милбах.

Во текот на ноќта, снегот продолжи да паѓа, што ја направи акцијата уште потешка. Спасувачите успеаја да стигнат до исцрпениот 20-годишник кратко пред полноќ. Младиот човек потоа беше врзан со јаже и почна да се спушта низ длабокиот снег. Паднаа околу 20 сантиметри нов снег, планинарската патека повеќе не беше видлива, а поради слабата видливост беше многу тешко да се најде безбеден пат.

„Беше опасно по живот за сите“

„Беше опасно по живот за сите. Со обилни снежни врнежи и слаба видливост, нашиот тим стигна до планинскиот дом Ериххите дури во 8:18 часот наутро“, соопшти планинската спасувачка служба од Милбах. Герхард Кремзер, раководител на планинската спасувачка служба за округот Понгау, рече дека младиот човек веројатно нема да преживее уште една ноќ на планината поради временските услови

Тој додаде дека овој случај покажува колку брзо преценувањето на сопствените способности, игнорирањето на предупредувањата и лошото планирање на искачувањето може да доведат до ситуација опасна по живот. Тој исто така нагласи дека планинарењето подразбира навремена одлука за откажување од искачувањето и враќање на безбедно место.

Тагови: Алпи планинар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер