МВР поднесе кривична пријава против четири деца и пет родители за насилството врз малолетничката во Аеродром - Канал 5

Македонија

МВР поднесе кривична пријава против четири деца и пет родители за насилството врз малолетничката во Аеродром

5 кривични пријави за 4ца малолтеници и 5 кривични против петмина родители за запуштање и малтретирање на дете поднесе МВР по последниот случај во општина Аеродром. 

МВР поднесе кривична пријава против четири деца и пет родители за насилството врз малолетничката во Аеродром

Како што посочија од полицијата двете малолтенички кои држеа за коса и и удираа шлаканици на нивна врсничка заработија кривични пријави за наслиство, против двјаца малолетници се поднесени криични за неовластено снимање, а против еден од нив како што посочуваат од полицијата поднесена е и пријава за поттинкување на делото.

Во последниве неколку месеци јавноста е сведок на се позачестени случаи на врсничко насилство. Случајот во Аеродром се случи пред една недела, а сличен случај имаше и пред околу 3 месеци во општина Ѓорче Петров кога насилнички малтретираа девојче, гасеа цигара од нејзе и ја понижуваа терајќи ја да јаде измет. За овој случај, судија за малолетници се уште постапува, за девојчињата има мерки на претпазивост, но не е познато кои се, бидејќи надлежните велат дека согласно законот за правда на децата не смеат јавно да кажат каде малолетничките што го извршиле насилството можат, а каде не смеат да се движат.

Социолозите и психолозите постојано апелираат дека не треба само декларативно да зборуваме туку и во пракса како држава да делуваме. По последните неколку случаи надлежните почнаа обуки за училишните психолози, педагози и социјални работници во основното образование, со цел да се препознаат децата кои се жртви на насилство за правовремено да им се помогне. Инаку според податоците на МВР претходната учебна година евидентирани се 93 пријави на насилства во 64 училишта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Алонсо го купи најскапиот Вејрон во историјата- за да се изработи биле потребни 20 тони алуминиум (ВИДЕО)

Иако е далеку од својата поранешна форма, познатиот возач на Ф1 се почасти со уште еден бисер од автомобилската егзотика.

Алонсо го купи најскапиот Вејрон во историјата- за да се изработи биле потребни 20 тони алуминиум (ВИДЕО)

Фернандо Алонсо ја доживува најмалку успешната сезона во својата богата кариера во Формула 1, откако дебитираше во тоа натпреварување во 2001 година. Во сезоната 2026, тој веќе се откажа пет пати, а досега освои само три бода. И покрај лошите резултати на патеката, тој наводно заработува 20 милиони долари во британскиот тим и се чини дека наоѓа утеха во скапите автомобили.

Во мај, Шпанецот го зеде уникатниот Pagani Zonda Diamante Verde, автомобил чија вредност се проценува на повеќе од 10 милиони долари. Автомобилот, продаден од германскиот трговец на мало Mechatronik, беше на пазарот најмалку две години.

Неколку месеци подоцна, Алонсо ги зеде клучевите од уште еден хиперавтомобил со подеднакво импресивна, ако не и позначајна, приказна.

Еден од најспецијалните Вејрони

Видео објавено на социјалните мрежи го прикажува Алонсо зад воланот на можеби најспецијалниот примерок на Бугати Вејрон Гранд Спорт Витес како го напушта салонот на Бугати во Монако.

Автомобилот беше продаден и од Мехатроник. Носи број на шасија 8100, а во еден момент беше најскапиот Вејрон некогаш произведен.

До пред неколку години, приказната за овој автомобил беше обвиткана во тајност. Првиот сопственик бил инспириран од Вејрон 16.4 Пур Санг и побарал од Бугати да создаде уникатен Гранд Спорт Витес со фрезирани алуминиумски панели на каросеријата.

Бугати првично го отфрлил неговото барање, објаснувајќи дека изградбата на таков автомобил би била прескапа. Но, сопственикот не се откажал. Се вели дека се заканил дека ќе откаже уште неколку нарачки од Бугати, по што производителот се согласил да го изгради автомобилот.

Потребни биле повеќе од 20 тони алуминиум за да се направи

Се вели дека секој панел на каросеријата е фрезиран од еден блок алуминиум, а повеќе од 20 тони алуминиумски блокови биле потребни за да се направи целиот автомобил.

Полираната алуминиумска каросерија е комбинирана со внатрешност обложена со светло црвена кожа.

Автомобилот првично имал и неколку детали по нарачка со натпис „Kaq“, меѓу другите на потпирачите за глава и капачето на резервоарот за гориво. Сепак, се чини дека тие детали биле отстранети пред Алонсо да го купи автомобилот.

Специјалната мрежа во препознатливата маска во облик на потковица на Бугати е исто така променета. На оригиналот исто така пишувало „Kaq“, додека сега е вграден поконвенционален дизајн.

Тагови: Вејрон алуминиум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Две третини од Швајцарците не се за строга неутралност, резултатите нема да му се допаднат на Путин

Швајцарските гласачи со големо мнозинство го отфрлија предлогот за воведување на построга интерпретација на долгогодишната политика на неутралност во уставот, според првите проекции за резултатите од референдумот. 

Две третини од Швајцарците не се за строга неутралност, резултатите нема да му се допаднат на Путин

Околу 71 процент од гласачите гласаа против иницијативата, изјави Лукас Голдер, ко-раководител на институтот за истражување на јавното мислење gfs.bern, како гост на телевизијата SRF.

Анкетите спроведени пред референдумот покажаа дека иницијативата ќе биде отфрлена. Таа беше покрената од здружението Pro Schweiz, тесно поврзано со десничарската популистичка Швајцарска народна партија. Неутралноста е загарантирана со швајцарскиот Устав од 1848 година, а иницијативата имаше за цел да воспостави построга интерпретација на тој принцип.

Санкциите против Русија во фокусот

Според предлогот, во иднина Швајцарија не само што ќе избегнува учество во вооружени конфликти и ќе ја затвори својата територија за завојуваните страни, туку ќе престане и да воведува санкции врз земјите што ја започнале војната, како што е Русија. Исклучок би биле санкциите на Обединетите нации.

Економската соработка би продолжила како и досега, вклучително и со земјите што ја започнале војната. Застапниците на построгата неутралност тврдат дека тоа би ја направило Швајцарија побезбедна и би го зајакнало нејзиниот кредибилитет како неутрален медијатор.

Сепак, противниците тврдат дека во современиот свет државата не може да се крие зад неутралноста и да ги изедначува сторителите и жртвите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Детали за инцидентот кај американската база во Британија- уапсени се петмина, пристигнаа и роботи за бомби (ВИДЕО)

Британската полиција уапси пет мажи во Англија, во близина на воздухопловната база што ја користат американските стратешки бомбардери за летови со долг дострел. 

Детали за инцидентот кај американската база во Британија- уапсени се петмина, пристигнаа и роботи за бомби (ВИДЕО)

Тие беа уапсени под сомнение за тероризам и дела поврзани со експлозиви, а антитерористичката полиција започна истрага. Воени пиротехнички единици се испратени на терен, додека десетици куќи во близина се евакуирани како мерка на претпазливост додека трае истрагата, објави Скај Њуз.

Ричард Оконе, постар детектив во Глостершир, рече дека апсењата дошле откако локалното население пријавило сомнителна активност кратко по полноќ. Идентитетот на мажите не е соопштен, а полицијата допрва треба да го открие можниот мотив.

Вики Еванс, висок офицер за борба против тероризмот, потврди дека истрагата е во рана фаза. „Петмината мажи остануваат во притвор. Како што се очекуваше, тесно соработуваме со нашите партнери за да ги разјасниме сите околности на овој инцидент“, рече таа.

Од антитерористичката единица наведуваат дека, освен за поседување експлозив, лицата се осомничени и за подготовка на терористички акт. Британските антитерористички закони дозволуваат полицијата да ги притвори осомничените до 14 дена пред да ги обвини.

Воздушната снимка покажува како робот за отстранување бомби се движи помеѓу три бели комбиња во шумска област до базата. Задните врати на двете комбиња биле отворени, а околу нив биле расфрлани големи црни предмети.

Дејли Мејл објави видео на кое наводно се гледа моментот на апсењето во раните утрински часови во неделата. На видеото се гледаат мажи без кошула со рацете зад грб.

Локална жена изјави за Си-Ен-Ен дека слушнала хеликоптери над селото околу 2 часот по полноќ, а возила за пиротехнички служби пристигнале околу еден час подоцна.

Премиерот редовно добива извештаи

Британскиот премиер Енди Барнам редовно добива ажурирања за инцидентот, потврди владиниот портпарол.

„Ние сме благодарни на службите за итни случаи кои реагираа брзо, приведоа неколку осомничени и презедоа мерки за да ја зачуваат заедницата безбедна“, рече портпаролот, додавајќи: „Би било несоодветно да се коментира дополнително додека истрагата е во тек“.

Британскиот министер за одбрана Вес Стритинг рече: „Можеме да бидеме мирни бидејќи ситуацијата се решава. Затоа нашите тимови за одговор при итни случаи и вооружените сили се во подготвеност 24 часа на ден“.

Базата на РАФ Ферфорд и операциите на САД

Инцидентот се случил во селото Велфорд, во близина на базата Ферфорд на Кралските воздухопловни сили (РАФ). Таа база ја користат американските бомбардери Б-1 кои учествуваа во напади на цели во Иран. Ферфорд служи како напредна оперативна локација за Глобалната команда за удар на САД, која спроведува воздушни напади со долг дострел.

Портпаролот на американските воздухопловни сили во Ферфорд, каде што е сместено 501. борбено крило за поддршка, изјави за Си-Ен-Ен: „Поради оперативната безбедност, нема да разговараме за конкретни мерки за заштита на силите“.

Тој додаде дека единицата „и понатаму е внимателна и ќе преземе соодветни мерки за да се осигура безбедноста на американските војници, цивили, изведувачи и нивните семејства“.

Локален жител, кој сакаше да остане анонимен, изјави за PA Media дека безбедносните мерки околу базата се засилени во последните недели. „На сите влезови поставија тешки, многу тешки возила... огромни трактори и слични машини“, рече тој.

Друг жител изјави за Си-Ен-Ен дека се чини дека базата неодамна била целосно затворена. „Цела недела изгледаше како град на духови“, рече тој.

Во март, британската влада ги овласти американските воздухопловни сили да ја користат базата Ферфорд за да ги нападнат иранските ракетни локации насочени кон бродови во Ормутскиот теснец.

Неколку месеци подоцна, откако иранската Револуционерна гарда издаде предупредување за дозволување американски бомбардери да полетаат од британските бази, Британија објави дека нејзините вооружени сили се подготвени да ја заштитат земјата од каков било напад.

„Нашите вооружени сили се подготвени да ја заштитат безбедноста на Обединетото Кралство од секаков вид на напад, без разлика дали на наша територија или од странство. Обединетото Кралство е подготвено да се брани во секое време“, изјави тогаш владиниот портпарол.

Тагови: база Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер