Шоу биз

Музичката индустрија во САД денеска молчи и бара правда за Флојд

Музичката индустрија во Соединетите држави денеска ќе ја прекине работата на еден ден, како реакција на смртта на невооружениот Афроамериканец Џорџ Флојд, чиј врат го притиснал полицаец во Минеаполис за време на апсењето , по што се задушил.

Сите три најголеми американски издавачки куќи објавија на социјалните медиуми дека ќе престанат да работат еден ден и „повторно ќе се поврзат со својата заедница“, пишува Би-Би-Си.

Вработените денеска се слободни, а денот е прогласен за „ден на акција, чија цел е да ги охрабрат луѓето да преземат одговорност и да се променат“.

Interscope вети дека нема да објавува нова музика оваа недела, додека Ебро Дарден од Apple Music ги откажа своите радио-емисии.

Бројни големи sвезди се изјаснија по повод смртта на Флојд. Ријана на Инстаграм ги сподели чувствата на лутина и тага низ кои минува изминатата недела.

„Тешко ми е да гледам како мојот народ е убиван и јавно егзекутиран “, напиша пејачката.

Бијонсе објави видео на Инстаграм, во кое ги замоли нејзините фанови да потпишат петиција во која се бара правда за Флојд.

„Сите бевме сведоци на неговото убиство среде ден. Ние сме скршени и ужаснати“, напиша таа.

Речиси и да нема јавна личност во Соединетите држави кои не го коментираа случајот Џорџ Флојд.

Лејди Гага на својот Твитер објави дека гласот на црната заедница е замолчен долго време и дека смртта на Џорџ Флојд е резултат на системски расизам и корумпиран систем.

Тејлор Свифт го изрази својот гнев кон претседателот Доналд Трамп на Твитер, а претседателот не беше поштеден и од фронтменот на „ Guns n’ Rosesa “, Аксел Роуз, кој се обрати директно до Трамп, одговарајќи на неговиот твит.

Аријана Гранде, Џ.Кол, Тинаше, Ник Канон, Јангблад, Камила Кабело и Шон Мендес им се придружија на протестите одржани низ цела Америка во текот на викендот.

Свет

Хамас повикува на ескалација на сите фронтови

Портпаролот на вооруженото крило на Хамас, бригадите Ал-Касам, повика на ескалација на сите фронтови во телевизиски говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година.

Во видеото објавено синоќа од Ал Џезира, Абу Убаида го пофали нападот на Иран врз Израел на 13 април, велејќи дека директните напади со дронови и ракети „поставуваат нови правила, повлекоа важни паралели и ги збунија непријателот и оние што стојат зад него“.

Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“.

- Го повикуваме јорданскиот народ да ги засили своите акции и да го крене својот глас, рече тој.

Абу Убаида рече дека Хамас останува на барањата што ги постави на разговорите за прекин на огнот, односно бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Газа и да ја укине блокадата.

Во меѓувреме, Израел вчера ги засили нападите низ Појасот Газа, рекоа жителите, додавајќи дека тоа било едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“.

Во објава на X, портпаролот на израелската армија Авичај Адраи ги повика жителите на четири зони во Беит Лахиа во северниот дел на Појасот Газа да се преселат во засолништа во две одредени области.

Новото гранатирање и бомбардирање на северниот дел на Појасот Газа доаѓа речиси четири месеци откако израелската армија објави дека ги повлекува своите војници, тврдејќи дека Хамас повеќе не ги контролира областите.

Израел, исто така, овој месец повлече поголем дел од своите сили од јужниот дел на Појасот Газа. Но, обидите да се постигне прекин на огнот не успеаја, а израелските бомбардирања и упади на територијата од која војниците се повлекоа го отежнуваат враќањето на раселените во своите домови./МИА

Свет

Хезболах истрела неколку десетици ракети кон Израел

Либанското исламистичко движење Хезболах синоќа соопшти дека истрелало десетици ракети врз северен Израел како одговор на смртта на двајца цивили во јужен Либан, во напад за кој е обвинет Израел.

Борците на Хезболах истрелаа „десетици ракети Катјуша“ врз северен Израел „како одговор на нападите на израелскиот непријател врз домовите на цивилите, особено за масакрот во Ханин и смртта на цивили“, се вели во соопштението на проиранското шиитско движење.

Од почетокот на војната меѓу Израел и палестинското движење Хамас во Појасот Газа на 7 октомври, секојдневно има размена на оган меѓу израелската армија и Хезболах, кој тврди дека го поддржува палестинското исламистичко движење.

Проиранскиот Хезболах, кој има арсенал ракети и прецизни проектили, гаѓа израелски воени позиции и локации во близина на границата, а Израел реагира со бомбардирање цели на либанска територија, претежно на југ, вклучително и целни напади врз припадници на Хезболах и Хамас. /МИА

Македонија

Во Кавадарци отворени гласачките места, се гласа за претседател на државата

Во Кавадарци утрово навремено беа отворени гласачките места, се гласа за претседател на државата, информираше претседателката на Општинската изборна комисија, Емилија Петровска.

- Малку проблеми пак со убиг апаратите. Но, со помош на ИТ лицата, се е ставено во ред, нагласи таа за МИА.

Петровска потсети дека за вчерашниот ден, за гласање беа пријавени 110 болни и немоќни лица во домашни услови и 14 штитеници во Дом за вонсемејна грижа „Др.Јанески" во кавадаречкото село Чемерско.

- Согласно на законот, тие лица гласаа вчера, ден пред изборите за претседател на државата денеска. Во избирачкиот список за општина Кавадарци се евидентирани вкупно 31.868 гласачи, соопшти Петровска.

Таа појасни дека немаа пријавено лица од оваа општина што издржуваат казна затвор, а кои исто така можеа да гласаат во текот на вчерашниот ден.