Фудбал

Мурињо: Тотенхем е единствениот клуб во мојата кариера со кој немам блиски односи

Жозе Мурињо го нарече Тотенхем единствениот клуб во неговата кариера со кој нема блиска врска.

- Тотенхем е единствениот клуб со кој немам блиски односи. Можеби затоа што стадионот беше празен за време на Ковид. Или затоа што претседателот Леви не ми дозволи да играме финале и да го освојам трофејот. Но, ова е единствениот таков клуб во мојот живот, изјави Португалецот, кој сега работи во Рома.

Мурињо го предводеше Тотенхем од 2019 до 2021 година.

Во кариерата Португалецот има работено и во Бенфика, Леира, Порто, Челзи, Интер, Реал и Манчестер јунајтед. /МИА

Свет

Израел потврди дека ја добил листата на заложници

Израелската влада потврди дека добила список на заложници кои треба да бидат ослободени во текот на денот.

Хамас претходно објави дека денеска им ги предал на посредниците имињата на тројцата израелски заложници кои групата ќе ги ослободи во Газа.

-Бригадите Ал-Касам одлучија денеска, недела, 19 јануари 2025 година, да ги ослободат следните израелски затвореници, објави вооруженото крило на Хамас, објавувајќи ги имињата на трите млади жени киднапирани на 7 октомври 2023 година.

Регион

Камион натоварен со јаглен направи хаос во село во БиХ- урнати бандери, огради, куќи (ВИДЕО)

Невообичаена сообраќајна несреќа се случи денеска во Масловаре кај Котор Варош во БиХ, кога камион натоварен со јаглен изгубил контрола и оштетил делови од дворови на неколку куќи.

Како што може да се види на снимките, урнати се огради во неколку дворови, во еден од нив настрешница, а срушена е и бандера, што им направи дополнителни проблеми на мештаните, објави Независне.

Според локалните жители, се чини дека камионот превезувал руда од локалниот рудник, кој бил затворен со години, но неодамна повторно започнал со работа.

Во оваа несреќа за среќа нема повредени, а полицијата извршила истрага за утврдување на околностите на несреќата.

Македонија

Министерот Минчев со честитка по повод Богојавление – Водици

Во мое лично име и во име на Министерството за јавна администрација, дозволете ми да Ви го честитам големиот христијански празник Богојавление – Водици.

Овој празник нè потсетува на значењето на верата, единството и љубовта меѓу луѓето.

Нека Богојавление донесе мир, здравје и благосостојба во Вашите домови.

Нека овој ден биде поттик за заедништво и зацврстување на врските во нашите заедници.

Со најискрени желби за радост и благосостојба,

Горан Минчев

Министер за јавна администрација

притисни ентер