Муцунски на Дубровник форум: Постепената интеграција во ЕУ да биде мост кон членство, а не трајна чекална - Канал 5

Македонија

Муцунски на Дубровник форум: Постепената интеграција во ЕУ да биде мост кон членство, а не трајна чекална

Шефот на дипломатијата Тимчо Муцунски позитивно гледа на последната иницијатива за т.н. постепена интергација во ЕУ, но предупредува дека оваа алатка може да биде корисна само ако биде мост до полноправо членство,а не да се претвори во трајна чекална.

Муцунски на Дубровник форум: Постепената интеграција во ЕУ да биде мост кон членство, а не трајна чекална

По најавите дека есенва Европската Комисија ќе усвои нова стратегија за т.н постепена интеграција на земјите кандидати во ЕУ додека спроведуваат реформи, шефот на дипломатијата Тимчо Муцунски ваквите иницијативи ги оцени како позитивни, но само ако на нив не се гледа како на алтерантива за полноправното члнество.

На панел дискусија на Дубровник форумот, осврнувајќи се на процесот на проширување, Муцунски истакна дека е потребна поголема дисциплина, со појасни стандарди, рокови и исходи, како и покредибилен и попредвидлив пристапен процес.

-Доколку овој нов модел на постепена интеграција што треба да се имплементира, се надеваме во одреден момент, претставува мост кон полноправно членство и тоа е пораката што ја примаме од сите, тогаш ќе биде исклучително корисна алатка. Но, мора да внимаваме да не стане алатка за поплаки каде што се гледа како нешто што е направено и ќе создаде трајна чекална без врата кон целосно членство. И мислам дека ова е главната загриженост која постои, но генерално расположението и тоа што го слушнавме и за што се разговараме, од наша перспектива е исклучително позитивн, изјави Муцунски.

Во обраќањето министерот за надворешни работи посочи и дека покрај тврдењата на 26 земји членки дека Македонија има две основни обврски за отворање на пристапните преговори: уставните измени и исполнувањето на т.н. отворачки критериуми, истовремено Бугарија според него инсистира и на дополнителни билатерални барања, поврзани со ревизија на националната историја и други области што, како што рече, не се дел од европското законодавство и критериумите за членство.

- Една земја членка, вели, покрај тоа, европскиот консензус е и сет на други договори кои очигледно постојат меѓу двете држави, вклучувајќи, меѓудругото, ревизија на нашата национална историја и области како интервенција во домашните медиумски работи на земјата и други прашања исто така. Значи прашањето е дури и ако го направиме она што 26 земји членки на ЕУ и европските институции ни кажуваат да го направиме, една земја членка штом го направиме ќе рече: „Сега кога сме тука, ајде да почнеме со овие други аспекти што ни се важни“. Ова е замката, многу очигледна, изјави Муцунски.

На истиот панел, американскиот професор и експерт за Балканот, Едвард Џозеф, оцени дека Европската Унија прави грешка доколку врши притисок врз Скопје да спроведе договор без јасни гаранции дека Софија ќе го почитува неговиот дух и нема да поставува нови барања поврзани со идентитетските прашања.

-Ова е уште една грешка на Европската Унија, да го притиска Скопје да спроведе договор за кој не постои никаква гаранција дека Софија ќе го почитува во неговиот дух и дека нема повторно да поставува нови идентитетски барања. И постојат и други решенија. Може да држат состаноци во Советот и погодете што, Бугарија може да излезе од просторијата како што Унгарија излезе од просторијата, изјави Џозеф.

Во однос на прашањата поврзани со македонскиот идентитет, министерот Муцунски од Дубровник порача дека не постои „северномакедонски“ народ, „северномакедонски“ јазик ниту „северномакедонски“ идентитет, туку единствено македонски народ, македонски јазик и идентитет, нагласувајќи дека секој обид за нивно оспорување ќе наиде на соодветен одговор. Простор за дијалог со Софија за отворените прашања од македонска страна постои, кажа Муцунски, а во меѓувреме, државата продолжува да испорачува резултати во спроведувањето на реформите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Расел дојде до втората победа во сезоната по одличната трка во Австрија

Џорџ Расел во Мерцедес е победник на Големата награда на Австрија, до која стигна од првата стартна позиција обезбедена во драматичните квалификации.

Расел дојде до втората победа во сезоната по одличната трка во Австрија

Трката на Ред Бул Ринг беше обележана со многу возбудувања и престигнувања, а на крајот Макс Верстапен во Ред Бул го освои второто место, додека клупскиот колега на Расел и лидер во генералниот пласман, Кими Антонели, беше трет.

Почеток на трката и првите инциденти

Расел имаше одличен старт и го одбрани дуото на Ферари, Шарл Леклер и Луис Хамилтон, а Хамилтон веднаш го престигна својот соиграч за второто место. Најголем добитник на стартот беше Макс Верстапен, кој од пониска стартна позиција се проби до третото место, додека Леклер падна на четвртото место. Трката заврши рано за Валтери Ботас, чии сопирачки се запалија, а не долго потоа, неговиот соиграч од Кадилак, Серхио Перез, се повлече откако се пожали на чад во кокпитот.

Жестока борба меѓу Хамилтон и Верстапен

Централниот дел од трката беше обележан со жестока борба меѓу Луис Хамилтон и Макс Верстапен. Во 11-от круг, Верстапен агресивно нападна и го освои второто место во третата кривина, но Хамилтон веднаш возврати на надворешната страна во четвртата кривина и на крајот го турна Холанѓанецот на чакалот и ја задржа позицијата.

Поради тој инцидент, Хамилтон се најде под истрага од страна на судиите. Сепак, во 22-от круг, Верстапен, во речиси копија од првиот дуел, повторно нападна и овој пат успешно го престигна Хамилтон. Во меѓувреме, Кими Антонели го престигна Шарл Леклер за четвртото место.

Тактички игри со гумите

Дополнителна драма донесе жолтото знаме во 25-от круг, кога Карлос Саинц во Вилијамс застана покрај патеката. Периодот на виртуелното безбедносно возило го искористи Луис Хамилтон за да влезе во боксот, каде што се префрли на помеки гуми, што се покажа како интересна, но не целосно успешна стратегија за Ферари.

Тој се врати на патеката на седмото место. Водечките возачи ги направија своите редовни застанувања во боксот подоцна, а Верстапен му кажа на тимот дека неговите гуми се „мртви“ непосредно пред промената. Откако сите водечки ги сменија гумите, Расел го задржа водството.

Развршувањето на крајот

Џорџ Расел го контролираше водството пред Макс Верстапен на крајот од трката и мирно ја донесе трката до крајот за победа. Зад него се водеше битка за второто место, бидејќи Кими Антонели се приближи до Верстапен за помалку од една секунда во последните кругови, но не можеше да го престигне.

Луис Хамилтон се проби низ редоследот по промената на гумите, но на крајот заврши на петтото место, зад Оскар Пјастри во Мекларен. Најголем губитник беше Шарл Леклер, кој падна во генералниот пласман поради проблеми со гумите и дополнително застанување во боксот и заврши на осмото место, откако беше престигнат од Исак Хаџар и Ландо Норис.

Позиција на возачите

По трката во Австрија, Кими Антонели од Мерцедес останува лидер во генералниот пласман на возачи со 171 поен. По него следуваат победникот на трката Џорџ Расел (Мерцедес) со 131 поен и Луис Хамилтон (Ферари) со 125 поени.

Тагови: Џорџ Расел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

На Кети Пери во последен момент ѝ го откажаа настапот во Белгија: Немав избор, несреќна сум како и вие

Кети Пери вчера го откажа својот настап на белгискиот музички фестивал Верхтер Бутик во последен момент, само неколку часа пред да се качи на сцената.

На Кети Пери во последен момент ѝ го откажаа настапот во Белгија: Немав избор, несреќна сум како и вие

Пејачката (41), која требаше да биде главна ѕвезда на вечерта, им порача на своите обожаватели на Инстаграм дека „немала избор“.

Одлуката е донесена поради безбедноста на публиката

Пери требаше да го затвори фестивалот по настапот на Питбул, но шоуто беше откажано поради лошите временски услови. „За жал, мојот настап вечерва во @WerchterBoutique не може да се одржи поради одлуката на властите да го откажат поради предвиденото лошо време и загриженоста за безбедноста на публиката“, напиша пејачката.

Таа исто така откри дека во моментот на донесување на одлуката, веќе била зад сцената и подготвена да излезе. „Бев зад сцената и се подготвував за настапот кога ми јавија за веста и ми рекоа дека настапот нема да биде можен“, додаде таа.

„Исто толку сум несреќна како и вие“, продолжи таа, истакнувајќи дека ситуацијата е „целосно надвор од моја контрола“ и дека безбедноста на посетителите е на прво место. „Жал ми е што не можам да влијаам на времето, а уште повеќе ми е жал што нема да бидеме заедно вечерва“, рече таа.

Својата објава ја заврши со разочарување што не се врати на фестивалските настапи по 2009 година. „Дури и планирав повторно да ја носам истата облека од настапот во 2009 година. Ве сакам сите и ве молам вратете се дома безбедно“, напиша таа.

Заедно со објавата, таа прикачи фотографија на која седи во пругаста тренерка и бела мантија и пуши цигара, додека облеката што планираше да ја носи остана до неа. Во официјалното соопштение на фестивалот беше наведено дека програмата ќе заврши порано, во 21 часот, поради предвидените „силни грмотевици“, а настапот на Кети Пери беше закажан еден час подоцна.

Одлуката е донесена за да се „осигура безбедно и организирано заминување на посетителите“. Пери има закажано уште неколку фестивалски настапи во текот на летото, вклучувајќи го и оној во Кардиф, Велика Британија, на 30 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Олександар Усик се откажа од сите титули и сега договара меч со легендарен боксер

Олександр Усик се откажа од шампионските појаси во тешка категорија, но тоа не значи дека завршил со големите борби во професионалниот бокс.

Олександар Усик се откажа од сите титули и сега договара меч со легендарен боксер

Според информациите презентирани од промоторот Еди Херн, украинскиот шампион сега би можел да ги вкрсти ракавиците со Деонтеј Вајлдер, поранешниот шампион на ВБЦ и еден од најсилните нокаути во модерната ера во тешка категорија.

За оваа можност Херн зборуваше за време на преносот на DAZN од боксерски настан во Бруклин, непосредно пред дуелот меѓу Ксандер Зајас и Џерон „Брада“ Енис за обединетите појаси во супер велтер категорија, навестувајќи дека договорот за потенцијален меч меѓу Усик и Вајлдер е практично блиску до реализација. Сето ова доаѓа само еден ден откако Усик официјално се откажа од титулите во ВБА, ВБЦ и ИБФ, пренесува BoxingScene.

Ваквиот потег јасно покажува во која насока сака да оди Усик на крајот од кариерата. Украинецот повеќе не е заинтересиран за задолжителна одбрана на титулата, долги преговори со федерациите и чекање задолжителни предизвикувачи. Откако двапати ги победи Ентони Џошуа, двапати Тајсон Фјури, како и Даниел Дабоу во тешка категорија, има уште неколку големи имиња од неговата ера со кои не се соочил во рингот.

Еден од нив е Деонтеј Вајлдер.

Усик и претходно изрази желба да се бори со поранешниот шампион на ВБЦ. Иако Вајлдер повеќе не е на врвот на кариерата како во периодот кога важеше за најопасен нокаут во дивизијата, неговото име се уште носи огромна тежина во светот на боксот. Станува збор за борец кој со години е симбол на тешката категорија, препознатлив по една од најразорните десни раце во историјата на модерниот бокс.

Токму затоа потенцијалниот дуел би имал јасна спортска и маркетиншка логика за Усик, кој сака да ја заврши својата ера. Вајлдер би бил последниот голем американски борец од генерацијата врвни тешкаши со кои Украинецот не ги вкрсти ракавиците, откако на неговиот список веќе беа Џошуа, Фјури и Дубоа.

Од друга страна, одлуката на Усик да се откаже од појасите покажува и дека тој повеќе не сака да биде дел од класичниот шампионски систем. Со објавувањето на титулите отвори простор за нови предизвици и борби кои немаат обврска за пласман, туку лично и историско значење.

Доколку навистина се случи дуелот со Вајлдер, тој нема да биде во игра за титули, туку за престиж и заокружување на една од најголемите кариери во модерниот бокс.

За Вајлдер тоа би било можност да се врати во центарот на вниманието на најголемата светска сцена. Иако резултатите во последните години му го ослабнаа реномето, мечот против Усик повторно би му донел борба која носи огромен ризик, но и шанса со еден удар да го промени текот на кариерата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер