Мост во Тузла го доби името на Ѓорѓе Балашевиќ (ВИДЕО)

Мост во Тузла го доби името по Ѓорѓе Балашевиќ, само неколку дена откако легендарниот кантавтор почина на 68-годишна возраст.

Иницијативата на Синан Алиќ, претседател на Фондацијата ,,Вистина, правда, помирување” од Тузла, да се именува улица или област по Балашевиќ, денес го доби својот епилог, пишува Дневни аваз.

„Мојата иницијатива беше поддржана од многу луѓе, а Сеад Башиќ предложи мостот што ги поврзува Градскиот парк и Паноница да го носи името на Ѓорѓе Балашевиќ, што го сторивме “, рече Алиќ.

Сепак, за мостот да биде именуван официјално по Балашевиќ, потребна е согласност од Градскиот совет, што е постапка што може да трае со месеци.

"Треба да биде усвоена одлука. Ѓорѓе Балашевиќ ги поврза луѓето и овој мост го поврзува градот со езерата. Ова е благородна идеја", рече Екрем Хаџиќ Сосо, музичар од Тузла.

Плакетата со натпис „Мост на панонскиот морнар - Ѓорѓе Балашевиќ“ беше откриена од две девојчиња, а насобраните граѓани го поздравија овој потег.

Собраниска делегација на онлајн февруарските состаноци на ПС на НАТО

Делегација на Собранието учествуваше на традиционалните февруарски заеднички состаноци што во организација на ПС на НАТО вчера и денеска се одржаа онлајн преку платформата KUDO.

– Овие состаноци се одржуваат според правилата на Chatham House, при што поради сензитивноста на споделените информации, истите не можат да се пласираат во пошироката јавност, информираат од Собранието.

На состанокот, како што се наведува во соопштението, учествувале шефот на Делегацијата на Собранието во Парламентарното Собрание на НАТО, Арбер Адеми и членот на делегацијата Илија Николовски.

Дебатата се одвивала за пост-пандемиските стратешки предизвици и приоритети за НАТО, отпорноста на општествата и демократијата во Алијансата, предизвиците со Истокот и други актуелни состојби. Парламентарците се осврнале и на Проектот „НАТО 2030" и улогата на парламентите, при што бил поздравен придонесот на парламентарците кон овој проект, кои дале свои размислувања и подобрувања на него. Бил презентиран и првиот онлајн претседателски извештај на ПС НАТО, изготвен под специфични работни услови поради пандемијата со Ковид-19.

На вториот ден на заедничкиот состанок се одржал специјалниот состанок со постојаните претставници на земјите-членки во Северноатлантскиот совет (NAC).

Февруарските состаноци на ПС на НАТО претставуваат форум на кој парламентарците имаат можност да се сретнат со владините претставници на НАТО и експерти од воената област, со цел да бидат запознаени со актуелните случувања во креирањето на стратешките политики на Алијансата.

Владата го одобри предлог законот за прогласување на дел од Шар Планина за Национален парк

Владата на денешната 50-та седница го утврди текстот на Предлог законот за прогласување на дел од Шар Планина за Национален парк, подготвен од Министерството за животна средина и просторно планирање.

– Основна цел на ова законско решение е прогласување на дел од Шар Планина за заштитено подрачје од втора категорија – Национален парк, заради обезбедување заштита на исклучителните природни убавини и вредности, разновидноста и богатството на биодиверзитетот, геодиверзитетот, хидролошките карактеристики, пејзажните, пределните и други вредности, како добра од јавен интерес, информираат од владината прес служба, по завршувањето на седницата.

Владата на денешната 50-та седница го разгледа и усвои и Планот за борба против корупцијата и здравствениот протокол за непречено спроведување на Пописот.

Во Нигерија стигнале речиси 4 милиони вакцини преку програмата на СЗО

Нигерија денеска примила скоро 4 милиони дози вакцини од АстраЗенека против ковид-19, објави Министерството за здравство на таа земја на социјалните мрежи.

Контингентот од 3,92 милиони дози вакцини е прва испорака за најнаселената африканска земја, според Би-Би-Си.

Нигерија сега е трета западноафриканска земја што примила вакцина против коронавирус, по соседните Гана и Брегот на Слоновата Коска, и сите се доставени преку програмата COVAX на СЗО.

COVACS е глобална иницијатива која им помага на сиромашните и помалите земји да добијат пристап до вакцините.

Националната агенција за развој на примарната здравствена заштита (НПХЦДА) вчера објавила дека прво ќе се вакцинираат здравствените работници кои се на првата линија на борбата против пандемијата, пренесува Би-Би-Си.

притисни ентер