Млад Русин сакал да заврши во затвор- се заканувал со бомба на аеродром, а причината е бизарна - Канал 5

Живот

Млад Русин сакал да заврши во затвор- се заканувал со бомба на аеродром, а причината е бизарна

Руските медиуми неодамна објавија за бизарниот случај на млад човек кој, без никакви средства за живот, се обидел да го обезбеди својот опстанок.

Млад Русин сакал да заврши во затвор- се заканувал со бомба на аеродром, а причината е бизарна

Во медиумите беше претставен како Олег, во своите дваесетти години, од Република Башкортостан. Откако завршил средно училиште, ја отслужил воената служба, а потоа се обидел да најде работа во главниот град Уфа. И покрај бројните обиди, не успеал.

Радикален план

Без постојан дом и пари за храна, Олег се нашол во безнадежна ситуација. Деновите поминати во барање работа не дале резултати и, според медиумските извештаи, неговиот очај растел. Во такви околности, тој решил да преземе радикален чекор.

Минатото лето, по три дена неуспешно барање работа, Русинот отишол во хотел и им се заканил на вработените дека ќе „активира бомба“ што наводно ја носел во ранецот, објавува Ufa1.ru.

Се заклучил во својата соба и извикал дека има „експлозивна направа“, но никој не му поверувал. Кога сфатил дека заканата не предизвикала очекувана реакција, го отворил прозорецот, скокнал надвор и се упатил кон блискиот аеродром.

Веднаш признал сè

Вториот обид бил успешен. Среде терминалот на аеродромот во Уфа, го зел ранецот и почнал хистерично да вика дека „има бомба“. Побарал да пристигнат полицијата и преговарачите, предупредувајќи ги сите да не му се приближуваат додека не пристигнат властите.

Обезбедувањето набрзо забележало дека на ранецот нема видливи жици или детонатори, па го привеле Олег и го задржале додека не пристигнала полицијата. За време на претресот не биле пронајдени експлозиви.

Олег без двоумење признал дека свесно лажел за да биде уапсен. Психијатрискиот преглед покажал дека е психички здрав и целосно одговорен за своите постапки. Судот неодамна донесе пресуда со која го осуди на три години и два месеци во казнена колонија.

Образложение на пресудата

Во образложението на пресудата се наведува дека обвинетиот бил свесен дека дава лажни информации за можна експлозија, знаејќи дека таквото тврдење може да предизвика паника, страв и да ја загрози јавната безбедност, и дека токму тоа му била намерата.

Судот посочи дека лажното пријавување можело да доведе до опасност по човечките животи, голема материјална штета и други општествено опасни последици.

Тагови: аеродром Русинот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Посебен режим на сообраќај поради Скопскиот маратон

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Посебен режим на сообраќај поради Скопскиот маратон

На 04.10.2026 (недела) со почеток во 08:00 часот, во организација на Сојуз на спортови на Скопје, ќе се одржи - „Виз Ер Скопски маратон 2026“ со следните траси на движење: траса на движење на трката од 5км – Старт на ул.„11-ти Октомври“ (кај зелен пазар), право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, полукружно на крстосница помеѓу бул.„3-та Македонска Бригада“ и ул.„Коста Новаковиќ“ и по истата траса назад до целта – плоштад „Македонија“ на ул.„11-ти Октомври“ и траса на движење на маратонот, полумаратонот и штафетната трка (по наведената траса за штафетната трка и маратонот натпреварувачите се движат 2 пати) – Старт Собрание на РСМ на ул.„11-ти Октомври“, право кон „Рекорд“ односно по ул.„Димитрие Чуповски“, право по ул.„Митрополит Теодосиј Гологанов“, право по ул.„Војвода Васил Чакаларов“, се до крстосница со ул.„Ангел Динев“ каде се врти полукружно назад по истата траса се до Собрание на РСМ на ул.„11-ти Октомври“ и се продолжува право по ул.„11-ти Октомври“, лево по бул.„Крушевска Република“, десно по бул.„3-та Македонска Бригада“, лево по ул.„Васко Карангелевски“, десно по бул.„Јане Сандански“ се до крстосница со бул.„Србија“ каде се врти полукружно и во истата коловозна лента назад по бул.„Јане Сандански“ се до крстосница со бул.„Кузман Јосифовски Питу“ каде се врти полукружно назад во истата коловозна лента до крстосница со ул.„Васко Карангелевски“, десно по ул.„Васко Карангелевски“, десно по бул.„3-та Македонска Бригада“, лево по бул.„Крушевска Република“, десно по ул.„11-ти Октомври“ до целта- Плоштад Македонија.

Од тие причини Единица за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Тагови: Скопски маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер