Митрополитот на Повардарската епархија , Агатангел изненаден од соопштението на МПЦ - ОА

Владиката Агатангел со писмена реакција на писмото на МПЦ – ОА , со кое се заблагодарува на БПЦ. Смета дека со формирањето комисија се одложува до недоглед решавањето на црковниот статус на МПЦ-ОА.

Во писмото на владиката Агатангел е наведено : По повод Oдлуката на Светиот Архиерејски Синод на БПЦ- Бугарска Патријаршија, а во врска со признавањето на Автокефалноста на МПЦ-ОА, би сакал да Ве информирам дека сум изненаден од веста дека постои Соопштение на Светиот Архиерејски Синод на МПЦ-ОА, бидејќи Синодот на МПЦ - ОА не заседавал по ова прашање и јас како еден од Владиците не сум запознат за тоа кој ја соопшти оваа вест дека нашиот Синод и благодари на БПЦ за нивната одлука и решение дека тие ќе формирале комисија за преговори со другите помесни православни цркви за признавање на Автокефалноста на МПЦ-ОА.

Фомирањето на комисија може да го одложува решавањето на нашиот црковен статус до недоглед. По нашето писмо кое го доставивме до БПЦ, а кое не беше едногласно прифатено од Светиот Синод на МПЦ-ОА како краен резултат еве денес што добивме како решение. БПЦ сега се преставува и прифаќа да биде мајка – црква, без притоа да има било каква обврска кон нашиот Автокефален статус што е уште една навреда кон МПЦ-ОА, кон македонскиот народ, кон македонската нација.

Дозволуваме еден човек кој се прави ,,побожен,, а е длабоко навлезен во ,, прелест,, да ја заблудува целата македонска јавност.

Но Господ Исус Христос , Мајката Божја Богородица, Светиот Апостол Павле, Светиот Климент Охридски и новиот наш светител Свети Гаврил Велички кои се постојани молитвеници пред Престолот Божји - тие ја чуваат Македонија и ќе ја заштитат МПЦ-ОА од сите наезди кои доаѓаат и од црковниот и од државниот врв, се наведува во писмената реакција на Владиката Агатангел.

Се појавија мрачните тајни на мртвиот градоначалник на Сеул

Додека многу жители на Сеул ја оплакуваат смртта на градоначалникот Вон-Сон Парк, јавноста во Јужна Кореја е вознемирена од обвиненијата дека сексуално ја малтретирал секретарката.

Парк, кој беше пронајден мртов во шумски дел на Сеул во петокот, беше либерален и реформски, но и борец за правата на жените, а во еден момент и потенцијален кандидат за учество на претседателските избори закажани за 2022 година.

Без да се открие точната причина за смртта на Парк, полицијата соопшти дека нема причина да се сомнева во убиство, а градските власти соопштија дека градоначалникот оставил проштална порака во која изразил жалење и побарал неговото тело да биде кремирано.

Правниот застапник на поранешната секретарка на Парк, која наводно била сексуално малтретирана, изјавил дека извештајот против градоначалникот е доставен во полицијата на 8 јули, ден пред неговата ќерка да го пријави исчезнувањето.

Адвокатот рече дека Парк испратил пораки и фотографии до поранешната секретарка, вклучувајќи ги и оние чие испраќање се сметало за сексуално вознемирување, како и дека градоначалникот го изложил својот клиент на несакан физички контакт, пренесува АП.

Пронајдено е тело во езерото , каде што исчезна холивудска актерка

Тело е пронајдено во езерото каде што актерката Наја Ривера исчезна минатата недела.

Веста ја потврди полицијата, но досега тие не потврдуваат дека станува збор за исчезната актерка. „Тело е пронајдено утрово во езерото Пира. Обработката е во тек“, се наведува во краткиот пост на официјалниот профил на Твитер на полициската станица Вентура.

Најавена е и прес-конференција попладне по локално време.

Актерката исчезна минатата среда на подрачјето на езерото Пиру, каде изнајмила чамец со својот четиригодишен син и потоа отишла да плива.

Снимките од надзорната камера ја прикажуваат како доаѓа на брегот на езерото во нејзиниот Мерцедес, а потоа оди со нејзиниот син за да го изнајми чамецот.

Неколку часа подоцна, екипажот на друг брод го нашол нејзиниот син како спие сам во чамецот и ја известиле полицијата.

Oтишол на корона-забава за да докаже дека не постои вирусот, се разболел и починал

30-годишен Американец, кој бил убеден дека коронавирусот е измама и присуствувал на „корона- забава“, почина од ефектите на Ковид-19, соопшти болницата во Тексас.

Човекот присуствувал на нова форма на забава. Едно лице кое е заразено било донесено на забавата да ги изложи гостите на инфекција и со тоа да провери дали коронавирусот е вистински. Со тоа, тие проверувале дали тврдењата на медиумите и владата се само дел од поширок заговор.

Џејн Еплби, главната медицинска сестра во болницата „Сан Антонио“ каде што починал младиот човек, ја сподели со медиумите неговата трагична приказна и последните зборови за NBC News 4.

- Непосредно пред да умре пациентот, ја погледна медицинската сестра и рече: Мислам дека не сум во право. Мислев дека сето тоа е измама, но не е “, рече Еплби.

Еплби се запознала со неговата состојба Таа не кажа кога се одржала забавата, колку луѓе присуствувале или колку долго по настанот пациентот е хоспитализиран со дијагностициран Ковид-19.

Мажот не е јавно идентификуван.

,,Целта на таквите забави е да проверат дали вирусот постои со намерно изложување на луѓето на коронавирус, објасни таа.

Веќе во болницата каде што работи, се забележува зголемување на „критично болната“ помлада популација, рече таа.

„Некои од овие млади луѓе доаѓаат во болница на лекување и можат да бидат испразнети брзо дома, додека други се разболуваат многу брзо и имаат потреба од интензивна нега“, рече Еплби.

Таа истакна дека никој не смее да се чувствува имун на Ковид-19.

„Она што научивме за овој вирус е дека тој не прави дискриминација и никој од нас не е непобедлив“, вели Еплби.

Американските центри за контрола и спречување на болести предупредуваат дека лицата заразени со коронавирус не треба да присуствуваат на настани и дека каков било настан во кој луѓето се дружат без заштитна маска или социјално растојание е голем ризик. САД е првата погодена земја во светот што забележа повеќе од 68.000 случаи во петокот. Тексас, која е една од најтешко погодените држави, досега има регистрирано над 258.000 заразени и повеќе од 3.200 смртни случаи.

притисни ентер