Почитувани,
Денеска сме тука во Гази Баба, заедно со нашиот кандидат за градоначалник Бобан Стефковски, човек што вреди да ја води Општина Гази Баба. Сакам да ги поканам сите граѓани во Гази Баба кои од секогаш ни ја давале довербата, и секогаш сакале ВМРО-ДПМНЕ да биде тука локална власт, но и се разбира и централна власт. Масовно да излезат за да победиме, сите заедно да победиме и да создадеме нова иднина.
Бобан, нашиот Боби има одлична програма, за секое маало, за секое село, за секое населено место, со нови улици, нови паркови, со нова инфраструктура. Многу проекти што секој еден од вас ќе се пронајде во таа програма што ние ја гарантираме. Затоа ајде да го направиме најголемиот резултат во Гази Баба, ајде да ја завршиме работата во првиот круг и Бобан Стефковски да биде градоначалник и веднаш да се фати за работа.
Сакам на крајот да ви кажам дека, остануваат уште два дена , ова е претпоследниот ден од кампањата, знаете во Сабота молкот и во Недела масовно на гласање. Но се изнаслушавме овие 4 години лаги, СДСМ постојано лажеше, не само што лажеше изминативе 4 години. Сега слушаме дека во нивните изборни кампањи, повторно ги кажуваат оние проекти кој што пред 4 години ги ветувале, затоа почитувани граѓани немојте повторно некој да ве измами.
Два пати кажана лага не може да биде вистина, они повторно нема да работат, затоа ние имаме нови луѓе што ја сакаат општината, што сакаат да работат и навистина вреди да им се даде шанса. Затоа победникот се знае во Гази Баба, а тоа е Бобан Стефковски, но затоа мора сите масовно да искочиме, не само во Гази Баба, туку потребна е победа во Скопје, потребна е победа во цела Македонија.
Владо Мисајловски, потпретседател на ВМРО-ДПМНЕ