Мирослав Илиќ е татко на Девин, апелациониот суд пресуди: „Правдата е достижна“ - Канал 5

Забава

Мирослав Илиќ е татко на Девин, апелациониот суд пресуди: „Правдата е достижна“

Мирјана Антоновиќ тврди дека судот во Белград пресудил дека пејачот Мирослав Илиќ е биолошки татко на нејзиниот син Девин Антоновиќ. По тој повод таа се огласи на социјалните мрежи и истакна дека правдата е достижна – само треба трпение.

Мирослав Илиќ е татко на Девин, апелациониот суд пресуди: „Правдата е достижна“

– Само да ви јавам, по толку години борба, победата е ваша и наша! Во право бевте кога рековте дека вистината на крај секогаш победува. Конечно сè е завршено. Апелациониот суд ја донесе конечната одлука. Требаше одамна, но подобро и доцна отколку никогаш. (Тој закон итно треба да се измени). Девин отсекогаш бил, и сега и официјално останува биолошки син на Мирослав Илиќ. Наредено е така да се впише во сите книги и документи. Ви благодариме од срце што бевте упорни, трпеливи и покрај сите лаги верувавте и стоевте покрај нас. Повторно благодарам на сите пријатели за силата и поддршката. Мајката е најголемата сила на овој свет. Ве сакаме многу – вашите Мирјана и Девин, напиша таа на Фејсбук.

Мирјана Антоновиќ била во врска со Мирослав Илиќ во време кога тој веќе бил оженет, а според нејзините зборови, неговата сопруга дознала за аферата уште пред да се роди Девин.

Сепак, пејачот не сакал да го признае татковството, а откако го изгуби случајот на апелациониот суд, поднел жалба.

– Го добивме случајот на апелациониот суд, а потоа тој повторно не тужеше. Повторно се враќаме на суд, но изгледа сè ќе биде во наша полза – ќе дознаеме наскоро – рече таа, а на прашањето дали во тој случај ќе побара да ѝ ги исплати сите алиментации што никогаш не ѝ ги дал, одговори:

– Ќе видиме. Не сакам ништо да урочувам додека не заврши, пренесува Блиц.

Мирјана вели дека Мирослав никогаш не се обидел да стапи во контакт со Девин и со својата внука, но знае дека тој многу би сакал.

– Тој сака да ја види внуката, ја сака неа, го сака Девин, но тој е кукавица. Тој е уценета личност која не смее да реагира. Уценет е од страна на најблиските. Го познавам многу добро. Знам како се однесуваше со Девин кога беше со него, кога Девин беше мал. Такво нешто не се глуми, не се заборава. Имаше добра волја да се сретне со него тогаш. Но, нешто се случи. А што може да се случи? Некој му се заканил и сè запрело – рече таа и призна дека се надева дека еден ден ќе ги закопаат „воените секири“:

– И двајцата се тврдоглави, а сега кога се скараа, еден од нив треба да попушти. Се надевам дека еден ден тоа ќе се реши и ќе се смират. И Мирослав и Девин би се чувствувале подобро.

Можеби ќе ве интересира: Еве како изгледа сопругата на Мирослав Илиќ

Антоновиќ смета дека главен виновник што Илиќ не е во контакт со синот е неговата сопруга, и дека таа во медиумите се однесува сосема поинаку од тоа што е приватно.

– Сопругата знаела сè пред да се роди детето. А таму се фолира, изјавува како ѝ е жал за деца без татковци... Па ти си таа што направи Девин да го нема својот татко покрај себе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче објави нов скандал: Документи откриваат загадена вода со колиформни бактерии во болницата во Лешок

Претседателот на СДСМ, д-р Венко Филипче, на денешната прес-конференција обелодени нов скандал поврзан исто така со вода за пиење, но овој пат за примерок земен од Болницата за белодробни болести во Лешок. 

Филипче објави нов скандал: Документи откриваат загадена вода со колиформни бактерии во болницата во Лешок

Како што кажа Филипче официјалните документи доставени од укажувачи откриваат дека во Болницата за белодробни заболувања во Лешок била регистрирана здравствено небезбедна вода за пиење, а институциите ништо немаат преземено.

Филипче нагласи дека извештајот на Центарот за јавно здравје, за тестирање на водата од примерок земен во болницата, покажува сериозно отстапување од дозволените параметри.

„Извештајот за тестирање на безбедноста на водата, е од примерок земен од Болницата за белодробни заболувања во Лешок. Датум на завршување на испитувањето е 13 мај. Вкупен број на колиформни бактерии во 100 милилитри вода е 51. Примерок од чешма од болницата каде што се лекуваат луѓе. 51 колиформна бактерија на 100 милилитри вода. И пишува дека не соодветствува на квалитетот на вода која што е потребна за пиење. И ова е о болницата во Лешок, на крајот на мај, а никој не реагирал. Знаат ли овие луѓе што прават? Какво е ова менаџирање на институција?“, рече Филипче

На прес-конференцијата, Филипче нагласи дека ваквата неодговорност на власта директно го загрозува здравјето на граѓаните и побара итна реакција од надлежните институции.

„Што е целта?Да се загрози здравјето на сите луѓе во државата.Бараме итно вонреден надзор и анализи на сите водоснабдителни станици во државата. Јавно да се објават резултатите од физичките анализи - матност, мирис и останатите параметри, од хемиските анализи - нитрати, нитрити и амонијак, како и микробиолошки анализи и податоците за хлорирањето“, рече претседателот на СДСМ, Венко Филипче.

YouTube video

Скопје, 23.07.2026

СДСМ

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Македонскиот филм „Нема да ви се верува што се случи претходно“ ќе ја отвори својата фестивалска приказна со светска премиера во Олденбург

Значаен меѓународен старт за македонскиот филм „Нема да ви се верува што се случи претходно“ дебитантско остварување на режисерот Срѓан Јаниќијевиќ.

Македонскиот филм „Нема да ви се верува што се случи претходно“ ќе ја отвори својата фестивалска приказна со светска премиера во Олденбург

Значаен меѓународен старт за македонскиот филм „Нема да ви се верува што се случи претходно“ дебитантско остварување на режисерот Срѓан Јаниќијевиќ, кој ќе ја има својата светска премиера во официјалната конкуренција на Меѓународниот филмски фестивал во Олденбург.

Од фестивалот официјално потврдија дека филмот, кој меѓународно ќе биде претставен под насловот „You Won’t Believe What Happened Before“, е избран во официјалната конкуренција и ќе се натпреварува за фестивалските награди. Фестивалот ќе се одржи од 16 до 20 септември 2026 година и повеќе од три децении претставува една од најзначајните европски платформи за независна кинематографија. Во меѓународните филмски кругови е познат како „Европскиот Санденс“, додека The Hollywood Reporter го опишува како водечки германски фестивал на независниот филм и едно од задолжителните места на европската фестивалска сцена.

„Нема да ви се верува што се случи претходно“ е политички трилер со елементи на црна комедија, во чиј фокус се борбата за вистината, слободата на новинарството и обидот да се зачуваат личниот и професионалниот интегритет во општество во кое политиката, криминалот и медиумите се длабоко испреплетени. Приказната следи двајца новинари вовлечени во свет на корупција, злоупотреба на моќта, политичка хипокризија и скандали, во кој секој обид да се открие вистината носи нови морални дилеми и лични последици.

Идејата за филмот е на Срѓан Јаниќијевиќ, а сценариото го потпишуваат Сашо Кокаланов и Дејан Дуковски. Главните улоги ги толкуваат Никола Ристановски и Дарја Ризова, а во актерската екипа се и Сашко Коцев, Сара Сандева и Оливер Митковски. Директор на фотографија е Дејан Димески.

Филмот е финансиран од Агенцијата за филм на Република Македонија. Извршен продуцент е Сашо Пешев, а реализиран е во продукција на „Ново македонско видео“ и „Њу момент“.

Според режисерот Јаниќијевиќ, едно од централните прашања што ги отвора филмот е колку е можно човек да остане „чист“ во средина во која вистината постојано се приспособува на интересите на моќниците. Сценаристот Сашо Кокаланов нагласува дека филмот не претендира да биде целосна слика на македонското новинарство, туку преку конкретна приказна отвора пошироки прашања за медиумите, политиката и општеството.

Изборот во официјалната конкуренција на Олденбург му овозможува на филмот своето меѓународно патување да го започне на фестивал препознатлив по поддршката на бескомпромисни авторски гласови, независни продукции и дебитантски остварувања.

Главната фестивалска награда, German Independence Award – Best Film, се доделува на најдоброто независно долгометражно остварување, а фестивалот доделува и признанија за режисерска храброст, оригиналност, дебитантски филм и актерски остварувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Девојката на Винисиус

Под една од објавите на Вирџинија Фонсека на Инстаграм, посветена на нејзиниот одмор, фудбалерот остави кратка, но јасна порака: „Те сакам“.

Фото: Девојката на Винисиус

Бразилската инфлуенсерка Вирџинија Фонсека повторно го освои срцето на ѕвездата на Реал Мадрид, Винисиус.

Вирџинија Фонсека е една од најпопуларните бразилски инфлуенсерки и има околу 56 милиони следбеници само на Инстаграм.

Се чини дека Винисиус Жуниор и бразилската инфлуенсерка Вирџинија Фонсека повеќе не сакаат да ја кријат својата врска.

По разделбата во мај оваа година, љубовта меѓу ѕвездата на Реал Мадрид и една од најпознатите инфлуенсерки во Бразил повторно се разгоре.

Според бразилските медиуми, за нивното помирување придонело раното испаѓање на бразилската репрезентација од Светското првенство во 2026 година, уште во осминафиналето.

Со месеци на социјалните мрежи кружат фотографии и гласини дека тие повторно се заедно, а сега Винисиус практично стави крај на сите шпекулации.

Под една од објавите на Вирџинија Фонсека на Инстаграм, посветена на нејзиниот одмор, фудбалерот на Реал остави кратка, но јасна порака: „Те сакам“.

Двојката раскина во мај 2026 година, непосредно пред почетокот на Светското првенство, но за време на самиот турнир, повторно се појавија гласини за нивно помирување.

Дополнителни сомнежи поттикна Вирџинија кога на Инстаграм објави фотографија од букет рози и обетки изработени од омилениот дизајнер на фудбалерите на Реал Мадрид, а Винисиус на објавата реагираше со неколку емотикони во форма на срце.

Тагови: Винисиус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер