Минов: Програмата на новата Влада има многу новитети, економија, развој и инвестиции во фокусот

Тој додаде дека зголемувањето на економскиот раст е проектирано согласно БДП од 2,5 на 5 % и ќе се постигне со капитални инвестиции, како од странски инвеститори, така и домашни приватни инвеститори, со привлекување, 

Програмата на новата Влада има визија, има нови решенија и има голема извесност за прецизноста на тие решенија да бидат во најголем дел остварени, истакна пратеникот на СДСМ Панчо Минов при реплика на собраниската седница посветена на изборот на новата Влада.

Тој додаде дека зголемувањето на економскиот раст е проектирано согласно БДП од 2,5 на 5 % и ќе се постигне со капитални инвестиции, како од странски инвеститори, така и домашни приватни инвеститори, со привлекување, покрај на јавните инвестиции и на приватниот капитал, странски или домашен.

Се споменуваат новини во делот на финансиските инструменти, нови начини на финансирање привлекување на капитал со развојни, проектни, зелени обврзници, гарантна шема, јавно приватно партнерство и посебни фондови, како енергетски фонд за развој, фонд за мали и средни претпријатија, зелен фонд, се прејудицира определбата за интензивно директно да се враќаат средствата кај бизнисот и кај граѓаните и стимулација на компаниите, истакна Минов.

СДСМ

Николовски: Меморандумот за соработка со Бугарија во областа на земјоделството е голем чекор

Меморандумот за соработка со Бугарија во областа на земјоделството е голем чекор за унапредување на билатералната и трговската соработка, вели Николовски.

Денеска во Софија, во рамки на заедничката седница на владите од Република Македонија и Република Бугарија, со која копретседаваа двајцата премиери Димитар Ковачевски и Кирил Петков, министерот за земјоделство, шумарство и водостопанство на Република Македонија, Љупчо Николовски и министерот за земјоделство на Република Бугарија, Иван Иванов, потпишаа Меморандум за соработка во областа на земјоделството, земјоделските науки, руралните области и шумарството. Министерот Николовски посочи дека овој значаен билатерален договор претставува голем чекор за зацврстувањето и унапредувањето на билатералната и трговската соработка помеѓу двете држави.

„Верувам дека во периодот што следи ќе испорачаме брзи резултати. Ние денеска потпишавме Меморандум за соработка и со министерот за земјоделство на Бугарија Иван Иванов, разговаравме за значењето на земјоделскиот сектор, за двете држави да ја зголемат соработката и заеднички да испорачаме резултати. Македонија е лидер во регионот по искористеност на ИПАРД програмите, а искуството на Бугарија како земја членка на ЕУ ќе ни биде од големо значење во имплементацијата на Инструментите за претпристапна помош во ЕУ. Унапредувањето на шумарството и ловството ќе биде еден од приоритетите во следниот период за работа", рече министерот Николовски.

При тоа, министерот Николовски изјави дека веднаш ќе се започнат подготвките за формирање на работните групи од двете министерства во сите области од Меморандумот, и на почеток на следниот месец ќе да се одржи првиот состанок на групите. Меморандумот отвора можност за блиска соработка меѓу надлежните институции од Македонија и од Бугарија во повеќе области. Работните меѓуресорски групи што ќе се формираат за краток период ќе работат на развивање на соработката во доменот на:

·Имплементација на Инструментите за претпристапна помош во ЕУ;

· Земјоделските науки;

· Шумарство и Ловство;

· Органско производство и преработка на органски земјоделски производи;

· Биотехнологии во полјоделството и во сточарството;

· Селекција и репродукција во сточарството;

· Транснационална соработка во руралната област и други области од заеднички интерес.

Освен техничка и административна соработка, двете министерства ќе разменуваат научни и технички информации и експертски искуства во доменот на земјоделството, ќе организираат семинари и обуки, ќе работат на имплементација на заеднички истражувачки програми во земјоделството и земјоделските науки. Во текот на денешниот ден, во рамки на меѓувладината седница, министерот Николовски заедно со колегите министри од Република Бугарија, учествуваше на првиот состанок со работната група за економија, енергетика, финансии, иновации и развојот, инвестиции и земјоделство, на којшто се поставија основите за работа во областите и се утврдија роковите за исполнување на приоритетите .

Јанчев: Четврта година по ред децата бесплатно го користат лизгалиштето во Кавадарци

Градоначалникот на Општина Кавадарци Митко Јанчев изјави дека од денеска во функција е пуштено лизгалиштето во Кавадарци.

Јанчев посочи дека четврта година по ред децата бесплано го користат ова лизгалиште за дружба и рекреација.

Лизгалиштето ќе работи се додека дозволуваат временските услови, односно додека има пониски температури за мразот да може да опстане.

Забрзан пораст на бројот на новозаболени од Ковид-19 во Кичево

Бројот на новозаболени од Ковид-19 во Кичево се зголемува. Притисокот на граѓаните за да се тестираат е во пораст, а зачудува и екстремно високиот процент на новозаболени од тестирани лица. 

Во ковид – центарот до денеска се хоспитализирани 20 пациенти со тенденција нивниот број значително да се зголеми, ако се има во предвид колкав број граѓани секојдневно заболуваат од Ковид-19, потврди за МИА директорот на Општа болница Кичево, Станко Трпески.

-Состојбата со Ковид-19 во нашата општина ни малку не е оптимистична, бидејќи бројот на новозаболени од ден на ден е се поголем, а и бројот на пациенти со потешка клиничка слика е во пораст. Во нашиот ковид – центар до утринава беа хоспитализирани 20 пациенти, од кои половината се потешки случаи и на кислородна подршка, а кај три лица симптомите се животозагрозувачки, бидејќи истите се во поодмината возраст и воопшто не се вакцинирани, рече Трпески и најави пораст на новозаболени во следните денови и до крајот на издната недела го очекува пикот.

Деновиве, посочи тој, очекуваме бројот на новозаболени да расте, а тоа ни го потврдуваат искуствата од последниве денови, кога имаме голем број на граѓани кои се тестираат. Според него, фрапира бројот од дури 95 проценти новозаболени од тестираните лица.

Тој ги обвини новозаболените дека навремено не доаѓаат на преглед, што придонесува да имаат потешка клиничка слика, а и да ја пренесат болеста на лица кои се во нивна непосредна близина.

-И покрај редовните апели навремено нашите сограѓани да се јавуваат на лекар кога ќе ги почувствуваат симптомите на Ковид-19 како да не допираат до нив, бидејќи добар дел од новозаболени на лекар се јавуваат после пет до седум дена од почетокот на заразата, што го отежнува лекувањето, а во опасност се доведува и нивниот живот. Тие што се вакцинирани, а имаат симптоми на Ковид-19 ги лекуваме со таблетарна терапија, а тие кои не се вакцинирани се згрижени во нашиот ковид – центар каде се лекуваат и добиваат кислород, додаде Трпески. /МИА

притисни ентер