Мицкоски: Современиот патриотизам се докажува со инвестиции, реформи и силни институции - Канал 5

Македонија

Мицкоски: Современиот патриотизам се докажува со инвестиции, реформи и силни институции

Претседателот на ВМРО-ДПМНЕ, Христијан Мицкоски, во обраќање на настан по повод споменот на Ѓорче Петров, порача дека делото на Ѓорче Петров и идеалите за слободна и достоинствена Македонија остануваат трајна инспирација.

Мицкоски: Современиот патриотизам се докажува со инвестиции, реформи и силни институции

Претседателот на ВМРО-ДПМНЕ, Христијан Мицкоски, во обраќање на настан по повод споменот на Ѓорче Петров, порача дека делото на Ѓорче Петров и идеалите за слободна и достоинствена Македонија остануваат трајна инспирација, а денешниот патриотизам треба да се докажува преку развој, силни институции и подобар живот за граѓаните.

,,Денес, кога оддаваме почит на неговиот лик и дело, не се поклонуваме само пред човек кој го вгради својот живот во темелите на историската ВМРО, туку и пред една идеја која останува жива повеќе од еден век. Идејата дека Македонија има право на своја иднина, дека македонскиот народ има право на достоинство, дека слободата има цена, а таа цена секогаш ја плаќаат најхрабрите, најчесните и најпосветените луѓе на своето време“, вели Мицкоски.

Мицкоски истакна дека Ѓорче Петров преку своето капитално дело ,,Материјали по изучувањето на Македонија“, покажал дека љубовта кон татковината се изразува и преку знаење, истражување и зачувување на историјата и идентитетот, и додаде дека историјата има вредност само ако се применат нејзините поуки за иднината.

,,Во исто време, Ѓорче Петров бил човек на книгата, на науката и на знаењето. Неговото капитално дело „Материјали по изучувањето на Македонија“, претставува сведоштво дека љубовта кон татковината не се покажува само со револуционерна борба, туку и преку истражување, преку разбирање на сопствениот народ, преку грижа за неговата историја, култура, географија и идентитет. Тој верувал дека народ кој не се познава себеси тешко може да ја обликува својата иднина, а народ кој ја познава својата историја никогаш не дозволува некој друг да му ја пишува“, истакна Мицкоски и додаде:

,,Историјата има вредност само тогаш кога знаеме да ги препознаеме поуките што ни ги остава. Ако денес зборуваме само за минатото, а не научиме ништо за иднината, тогаш не сме ја исполниле нашата должност кон оние што ја создавале оваа држава“.

Мицкоски порача дека денешната генерација има обврска да изгради силна и просперитетна Македонија, со развој, силни институции, еднаква правда и можности засновани на труд.

,,Нашата генерација нема задача да создава револуционерни организации и да води ослободителни борби како неговата генерација. Нашата задача е да изградиме држава која ќе биде достојна за нивната жртва. Да изградиме Македонија во која младите ќе сакаат да останат. Македонија во која ќе се отвораат нови фабрики, ќе се градат нови патишта, железници, училишта и болници. Македонија во која институциите ќе бидат силни, правдата ќе биде еднаква за сите, а успехот ќе зависи од трудот, а не од привилегираните“, посочи Мицкоски.

Мицкоски истакна дека патриотизмот денес не се мери со големи зборови, туку со резултати, нови инвестиции, секое ново работно место, со реформи кои ја прават државата поорганизирана, посилна и поуспешна, и како што вели тој, со способноста да се создадат институции во кои граѓани ќе имаат доверба и држава што ќе биде стабилна, економски силна и почитувана.

,,Токму затоа нашата борба денес е борба за развој. Борба за силна економија, за нови инвестиции, за подобри плати, за модерно образование, за здравство што ќе биде достапно и квалитетно, за владеење на правото, против корупцијата борба. Борба за Македонија која ќе биде држава на можности, а не држава на изгубени шанси. Тоа е современиот патриотизам“, заклучи Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски: Нападнавме две големи руски рафинерии, едната е на 700 километри од границата (ВИДЕО)

Украинскиот претседател Володимир Зеленски денеска изјави дека војската нападнала две руски рафинерии со беспилотни летала во текот на ноќта, објави новинската агенција ДПА.

Зеленски: Нападнавме две големи руски рафинерии, едната е на 700 километри од границата (ВИДЕО)

Зеленски го потврди нападот врз рафинеријата во Славјанск во Кубанскиот регион во јужна Русија, за кој руските власти претходно објавија.

„Исто така, погодивме рафинерија во Јарославскиот регион, која е оддалечена околу 700 километри од нашата граница“, рече тој на Телеграм, иако информациите не можеа да бидат потврдени.

Зеленски рече дека Украина планира повеќе напади врз стратешки руски цели. „Секој од нашите напади со долг дострел ги намалува ресурсите достапни на руската воена машинерија и е чекор кон мирот“, рече Зеленски, објави ДПА.

Една од најголемите рафинерии во Русија

Рафинеријата во Јарослав се смета за една од најголемите во Русија. Неодамна неколку пати беше цел на украински напади, предизвикувајќи штета што бараше поправки.

Властите во Јарослав сè уште не го потврдија нападот, иако гувернерот Михаил Јевраев претходно издаде предупредување за опасноста од напади со беспилотни летала. Тој, исто така, објави дека во близина на рафинеријата се поставени блокади на патот, но предупредувањето подоцна беше укинато без да се дадат детали за можните последици. Снимките објавени на социјалните мрежи не го покажаа обемот на штетата.

Едно лице загина

Претходно, гувернерот на Краснодар, Венијамин Кондратиев, изјави дека избувнал пожар во рафинерија во јужниот руски регион по нападот со украински беспилотни летала. Едно лице е убиено во нападот.

Покрај рафинеријата во Славјанск во Кубан, оштетени се и неколку куќи, далновод и гасовод, рече тој на Телеграм. Се чини дека станува збор за голем пожар, судејќи според сликите и видеата објавени на интернет.

Со капацитет за преработка од 4 до 5 милиони тони нафта годишно, според различни извори, објектот не е особено голем. Сепак, бидејќи се наоѓа во близина на украинскиот полуостров Крим, кој Русија го анектираше, Киев неколку пати ја нападна и оштети рафинеријата.

Соборени се 213 беспилотни летала

Други руски региони, вклучувајќи го и Иваново, североисточно од Москва, исто така пријавија напади со беспилотни летала. Руската војска соопшти дека соборила 213 украински дронови, што укажува на уште еден масовен напад.

Тагови: Володимир Зеленски рафинерии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турчинка тврди дека му е ќерка на Трамп: Ќе подготвам сарма од лозов лист за татко ми (ВИДЕО)

Неџла Озмен, жена од Анкара која долго време тврдеше дека американскиот претседател Доналд Трамп е нејзин биолошки татко, повторно го привлече вниманието на јавноста откако откри нови детали за нејзиниот наводен контакт со него и обидите да се сретне.

Турчинка тврди дека му е ќерка на Трамп: Ќе подготвам сарма од лозов лист за татко ми (ВИДЕО)

Таа тврди дека нејзиниот правен и личен процес за утврдување на татковство е сè уште во тек, и покрај претходните судски одбивања, и дека му пишала на Трамп со надеж дека ќе добие можност да се сретне со него, објави Иха. .

Според неа, идејата за средба има емоционално и лично значење за неа, а не финансиско, бидејќи нагласува дека нејзината единствена цел е да го разјасни своето потекло.

- Му испратив писмо затоа што слушнав дека доаѓа. Побарав средба. Имаше вест пред една или две недели, но не знам колку е точна. Не зборувам англиски. Рекоа дека ќе се сретне со мене. Мислам дека во моментов молчи поради војната со Иран и досиејата на Епштајн. Рече дека ќе направи ДНК тест доколку е потребно. Јас реков: „Добро, зошто да не?“ Сигурна сум во себе. Му испратив и писмо. Мислам дека одговорил на тоа писмо. Ми рекоа дека ќе ми го проследат. Сè уште не стигнало. А американскиот народ ми испраќа пораки. Ми поставуваат прашања за ова. Велат дека не се задоволни од политиките што ги спроведува мојот татко. Ми беше кажано дека ќе ме контактираат по претседателските избори - рече оваа жена.

Неџа вели дека поминала низ разни тешкотии во животот.

- Би сакала да го сретнам кога ќе дојде. Пишав и до амбасадата и побарав средба. Ова трае веќе една недела. Ако има време и може да се сретне со мене, би било добро, се надевам дека ќе се сретнеме. Средба лице в лице е најлогичното нешто. Имам прашања. Навистина не можев да живеам нормален живот сите овие години. Поминав низ многу тешкотии. Барем сакам да го прашам дали знае нешто, дека има ќерка. Мислам дека самиот се сомнева, мисли „можеби имам дете“. Дури и да одам кај него, нема да ми дозволи да му се приближам. Мојот брат со попреченост е со мене. Затоа не можам да одам сама. Дури и да одам, не можам да му се приближам. Некој би морал да посредува за да се случи средбата - рекла Турчинката која тврди дека е ќерка на Трамп.

YouTube video

Како што изјавила за турските медиуми, таа исто така подготвила сарма од лозови листови за својот „татко“.

- Тие обично носат своја храна. Нудам турско кафе и чај, баклава, познат десерт од Турција. Се обидувам да направам нешто во рамките на мојот буџет. Не можам да подготвам нешто за нивниот луксузен животен стил, но можам да направам толку многу. Само да прифати и да се сретне со мене - одговорила искрено.

Тагови: Доналд Трамп ќерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израел: Убивме неколку вооружени терористи во Сирија

Израелската армија објави дека вчера убила „неколку вооружени терористи“ во областа на јужна Сирија, која ја окупираше кон крајот на 2024 година. 

Израел: Убивме неколку вооружени терористи во Сирија

„Вчера, воените сили елиминираа неколку вооружени терористи во безбедносната зона на југот на Сирија“, се вели во соопштението на армијата, додавајќи дека тие ќе „продолжат“ да дејствуваат таму „и да елиминираат каква било закана за граѓаните на Државата Израел“ и нејзините сили.

Областа што ја окупираше во Сирија, тампон-зоната под мониторинг на ОН што ги одделува израелските и сириските сили во Голанската Висорамнина, се нарекува „безбедносна зона“ од страна на израелската војска по падот на режимот на Башар ал-Асад кон крајот на 2024 година.

Во четврток, министерот за одбрана Израел Кац изјави дека Израел има намера да ги задржи своите трупи таму „на неодредено време“, како што прави во Либан и Газа. Од доаѓањето на власт на новите исламистички власти, Израел изврши неколку упади на сириска територија, како и бомбардирања, и ја искажа својата намера да воспостави демилитаризирана зона на југот на земјата.

За време на Арапско-израелската војна од 1967 година, Израел окупираше поголем дел од Голанската Висорамнина, а потоа анектираше области што беа под негова контрола, што не беше признаено од поголемиот дел од меѓународната заедница. И покрај тензиите, двете соседни земји успеаја да одржат неколку рунди директни преговори од крајот на 2024 година со цел склучување на безбедносен договор. Тие се согласија за воспоставување механизам за размена на разузнавачки податоци.

Тагови: Израел Сирија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер