Македонија

Мицкоски: Поддржувам право на протест но не и прекршување на закон за знаме, химна и Устав

Поддржувам протести, но мене лично ми пречи што протестантите коишто практично се правници и се борат за право, го прекршуваат законот, за знамињата, Законот за државната химна и Уставот, изјави премиерот Мицкоски

Поддржувам протести, но мене лично ми пречи што протестантите коишто практично се правници и се борат за право, го прекршуваат законот, за знамињата, Законот за државната химна и Уставот, изјави премиерот Мицкоски коментирајќи ги протестите на студентите Албанци за правосуден испит на албански јазик, кои минаа и со физичка пресметка, веење само на албански знамиња ,по некое американско и на ЕУ а ниту едно државно знаме, како и скандирање „УЧК’“ од присутните. Навредите и инцидентот, премиерот не сакаше да ги коментира и ги припиша на фолклор.

-Ајде навредите нема да ги коментирам, тоа е сепак домашно воспитување што во првите 7 години од животот се стекнува. Нема да го коментирам ни оној инцидент насилен којшто се случи, нема ни да ги коментирам надворешните мешања во во внатрешните работи на Македонија од некои надворешни фактори, тоа се ќе го оставиме како фолклор, изјави Мицкоски.

Во моментов во Владата се работи на трајно решение за овој проблем, уверува Мицкоски и кажа дека штом биде готово, законот ќе се испрати на мислење во Венецијанста комисија. Воедно Мицкоски го осуди и однесувањето на ДУИ.

-Она што ние како Влада во моментов го работиме е да се обезбеди трајно решение со којшто овој но и низа други проблеми којшто ги наследивме од минатото ќе бидат решени. Го осудувам однесувањето на опозициската ДУИ бидејќи тие имаа можност 20 години да ги решат овие прашања, за жал, ништо не направија но затоа решија многу лични прашања и ако ја споредите имотната сосотојба ќе видите како од голтари се станува милионери на грбот на националните пароли и на грбот на луѓето коишто мака мачат како од први до први да го поминат месецот. Апсолутно секое решение како закон ќе биде испратено до Венецијанската комисија, кажа Мицкоски.

Од ДУИ, пак, денеска реагираат дека албански студенти од Тирана биле задржувани и, како што велат, заплашувани од полицијата додека патувале кон Македонија за да дадат поддршка на правото за полагање на правосудниот испит на албански јазик, што според нив е доказ за институционален скандал.

- Да ги запираш, да ги попречуваш и да ги третираш како закана студентите кои се солидаризираат со една јазична и национална кауза е неприфатлив чин. Ова е политички притисок врз албанските студенти и врз секој глас што бара еднаквост, реагираат од ДУИ.

ДУИ повторно се обидува политички да профитира преку студентите– одговорија од ВЛЕН. Оттаму упатија критики до „интегративците“ дека за политички поени и манипулации ги туркаат студентите на улица, додека тие, како што велат, работат на решавање на проблемите наследени од ДУИ.

-Протестот заврши, но маските повторно паднаа. Колку и да врескаат, вистината е една. ВРЕДИ му пристапи на овој проблем сериозно и суштински. Затоа решението нема да застане само кај правосудниот испит. Сите професионални испити ќе може да се полагаат и на албански јазик, велат од ВРЕДИ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Баба Дронијак (96) не се откажува од забавите во домот и покрај заканите за исфрлање

Дури и на 96 години, Лилијан Дронијак не се одмара.

Популарната инфлуенсерка, позната како „Баба Дронијак“ на Инстаграм и ТикТок, неодамна сподели детали за инцидент во нејзиниот дом за стари лица во САД, тврдејќи дека менаџментот се заканил дека ќе ја исели поради организирање „диви забави“.

Лилијан стекна милиони следбеници споделувајќи хумористични анегдоти од нејзиниот живот, вклучувајќи ја и нејзината љубов кон дружењето со пријателите.

@grandma_droniak i cant believe this. i have to party #partygirl #nursinghome #drama #grandma ♬ original sound - grandma_droniak

Предупредување за бучава и алкохол

Во видео што го објави, таа покажа писмо што го добила од менаџментот на домот, во кое се наведува дека може да биде иселена поради забави и пиење.

„Ме исфрлаат од домот за стари лица. Го добив ова писмо. Во него пишува дека ќе ме исфрлат ако не престанам да се забавувам“, рече Лилијан. Во писмото се детално опишани правилата на домот: „Ви пишуваме поради бројни поплаки за бучава од вашата соба. Забавите не се дозволени и не ви е дозволено да им служите алкохол на другите жители. Ова е безбедносен ризик. Иако ги охрабруваме жителите да се дружат и да уживаат во активностите во заедницата, не можеме да дозволиме диви забави. Безбедносните снимки покажуваат луѓе како ја напуштаат вашата соба во 1 часот наутро минатиот вторник.“

Во писмото, исто така, се предупредува дека „континуираните инциденти од ваков вид“ може да резултираат со ограничен пристап до заедничките простории и „да доведат до понатамошно преиспитување на вашиот статус на престој во заедницата.“

И покрај предупредувањето, Лилијан не се откажа. Таа им рече на своите следбеници: „Плаќам 12.000 долари месечно за да живеам тука. Претпоставувам дека можам да се забавувам ако сакам.“ Таа додаде: „Моите пријатели доаѓаат вечерва. Ќе пиеме неколку пијалоци и ќе озборуваме. Не е забава, но стануваме гласни.“

Тагови: дом за стари лица Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовски: Маратонот и достоинството се субјективна работа

„Бугарија си го фатила местото, без разлика дали е правилно или не е правилно. Јас сум сега на оваа маса викнат и без разлика какво мислење имам и без разлика што ќе ми кажат. Но, тој што не е на оваа маса, може да си зборува дома колку сака“

Треба да седиш на масата, треба и ние на Бугарите да им ставиме некогаш вето за нешто. Ако ние останеме маратонски вечно, не знам колку трае маратонот дали додека е Мицкоски Премиер или додека сме ние живи, или додека е Богдан жив или додека е внук ми жив. Колку е тој маратон и колку тоа достоинство трае? Колкумина ќе останат во Македонија, колку патриоти ќе живеат во оваа земја? Тој маратон и достоинство се субјективна работа.

Ајде нека направат референдум, да видиме точно колку се за ЕУ, колку не, за да не се караме. Која е стратегијата, освен што одат во Брисел да ги убедат. Бугарското министерство сега вели дека се 250 илјади пасоши, а нека се и 100 илјади, дали ним достоинството им падна? Тие се „за“ бугарите ви устав или не? Си правиме дневна политика, браниме едни напаѓаме други. Сигналите се едно, тие може да имаат резултат, колку е моќта на тие Европјани да сменат знаејќи каква е надворешната политика на Бугарија изминатите 1000 години, вели Љубиша Николовски во „Само вистини со Видиновски“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тешки трговски разговори меѓу ЕУ и Кина, Брисел постави рок за договор

Еврокомесарот за трговија Марош Шефчович се сретна со кинескиот министер за трговија Ванг Вентао во Брисел, велејќи дека сака опипливи резултати од трговските разговори до октомври.

Разговорите беа „интензивни, фокусирани и конструктивни“, изјави Шефчович за новинарите во понеделник, додавајќи дека двете национални делегации ќе продолжат со разговорите во текот на вечерта.

„Сметаме дека до октомври нашите тимови имаат доволно време да постигнат опипливи резултати“, рече тој. Ванг го покани да го посети Пекинг во октомври.

Спротивни ставови

Шефчович инсистираше дека ЕУ сака разговорите да се фокусираат на растечкиот трговски јаз. „Кинескиот извоз во ЕУ продолжува да расте, додека нашиот пазарен удел во Кина продолжува да се намалува. Овој тренд не е одржлив и статус кво не е опција“, рече тој.

Шефчович рече дека двете страни формирале групи за да разговараат за трговскиот баланс, контролата на извозот, интелектуалната сопственост и реформата на СТО.

Кина ја уверува ЕУ дека контролата на извозот на ретки метали нема да ги наруши синџирите на снабдување на ЕУ, рече тој.

Лидерите на Европската унија побараа од Комисијата, задолжена за трговските односи на блокот, да ги оствари резултатите од дијалогот со Кина, бидејќи нејзиниот трговски суфицит со ЕУ достигна 360,6 милијарди евра во 2025 година, што претставува зголемување од 15 проценти во споредба со 2024 година. Суфицитот се зголеми за 10 проценти во првите четири месеци од оваа година.

Извор: Индекс.хр

Тагови: ЕУ Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.