Мета: Да бидеме трпеливи до 24 јули следната година

Албанскиот претседател Илир Мета, кому парламентот му изггласа недоверба, рече дека не ја признава одлуката и дека за неговиот мандат ќе одлучува Уставниот суд и дека е убеден дека ќе остане на претседателската функција до 24 јули следната година

За него, вели тој, е несфатлив „очајничкиот чин на долго распуштеното Собрание“.

„Само Уставот на Републиката ми е важен и овие работи не влијаат врз мене“, рече Мета, кој повторно се залага за дијалог, така што, како што рече, процесите во земјата може да бидат ставени под контрола.

На прашањето што ќе се случи ако биде разрешен според Уставот, Мета повика на трпеливост.

„Бидете трпеливи до 24 јули следната година, ние ќе бидеме тука континуирано. Во овој момент нема да бидеме многу интензивни, бидејќи ќе оставиме време да го завршиме процесот на изборната жалба. Со почетокот на новата сезона ќе бидеме многу активни и многу опуштени“, изјави Мета за албанскиот портал Балканвеб.

Притвор од 30 дена за битолчанец за поседување кокаин и марихуана

Основното јавно обвинителство Битола, постапувајќи по поднесена кривична пријава, донесе Наредба за спроведување истражна постапка против лице на возраст од 26 години.

Лицето е осомничено за кривичо дело „неовластено производство и пуштање во промет на наркотични дроги, психотропни супстанции и прекурсори" од член 215 став 1 од Кривичниот законик, соопштија од ОЈО Битола.

– Осомничениот, на 18 јуни, во автомобил марка Ауди А6, неовластено за продажба држел наркотична дрога – 11,02 грама кокаин во повеќе полиетиленски пакувања. При претрес на неговиот дом, пак, полицијата пронашла и 2,59 грама марихуана, информираат од битолското Обвинителство.

Јавниот обвинител до судијата на претходна постапка достави предлог за определување мерка притвор за осомниченото лице, поради проценката дека постои опасност да се даде во бегство или да го повтори делото. Судијата го прифати предлогот на Обвинителството и на осомничениот му определи притвор во траење од 30 дена.

Довербата во судството и обвинителството и понатаму најниска, во банките најголема

Само 3 % од граѓаните целосно веруваат во ефикасноста на правосудните органи, покажува најновото истражување на Меѓународниот републикански институт (ИРИ).

Според анкетата, довербата е ниска во речиси сите институции, а судовите и јавното обвинителство се речиси на дното.. Целосна или делумна доверба имаат едвај четвртина од луѓето.. На слично ниво се и партиите и Парламентот..

Во истражувањето на ИРИ, дури 29 отсто од испитаниците одговориле дека силно не се согласуваат дека има владеење на правото, исто како на нивото во 2016 година. Тогаш имало и еден процент помалку недоверба. Дека има владеење на правото во Македонија се убедени едвај 12 % од испитаниците..

Освен во судството и обвинителството, граѓаните не веруваат ниту дека антикорупциската комисија си ја врши работата.. Силна доверба во инситуцијата имаат само 4 % од граѓаните...

Нешто подобро котира владата, во која некаква доверба имаат 35% од испитаниците, а на слично ниво, со 34% доверба е и опозицијата...

Од институциите, на листата најдобро стојат полицијата и здравството со околу 50% доверба.. Изненадувачки, први на листата со најголема доверба се банките.. Во нив цврсто веруваат 13 % од граѓаните, а делумно 44%..

Стопанственици: Неработна недела ќе предизвика отпуштања и неизвесност

Прогласувањето недела за неработен ден од октомври ќе донесе сериозни проблеми и негативни последици за голем дел од секторите на кои ќе им биде забрането да работат на овој ден.

Со тоа што не се влезени во групата на работници кои смеат да работат во недела некои од секторите најавуваат дека ќе претрпат штети и до 70% од падот на прометот и ќе мора да отпуштат и до 30% од вработените како вишок.

Секторите како градежништво, фармација, секторот за преработка на млечни, кондиторската индустрија, алкохолни и безалкохолни пијалаци и спортските обложувалници се само дел од секторите кои се директно погодени од новиот предлог закон според кој тие не смеат да работат во недела. Градежниците се жалат дека тие се условени од времето и временските услови како и од роковите за изведба, млечната индустрија не смее да го остави млекото не преработено како и други преработувачки процеси кои не смеат да имаат прекин во работата но сепак не се предвидени во законот дека смета да работат и да платат повисоки дневници и давачки кон државата туку ќе мора да го запрат процесот целосно во недела.

Стопанствениците своите аргументи против можноста на некои клучни сектори да работат и во недела со плаќање на давачките и повисоки плати на дваесетина страни до владата и сите релевантни претставници ги испратиле во два наврати во февруари и во април но нивните ставови и забелешки се пожалија дека не се земени во предвид при подготовката на законот.

притисни ентер